اللوز !
السلام عليكم .. ابي اخذ رايكم بشغله وياليت تفيدوني ياناس انا زهقت من لوزي !!! والله مابالغ وصلت فيني الحاله انها تلتهب اكثر من مره بالشهر تصوروا ؟! والحين ملتهبه علي وسخونه وعوواار وألم مايعلم فيني الا ربي حتى لما اتكلم صوتي متغير ماقدر اتكلم كأنه في طعام بفمي .. ووغير صعوبة التنفس بسبتها خاصه بالليل ! وهني الاطبا ماودهم يزيلونهم !!! بااااااااااردين !!!!! للعلم الحين لما التهبت عندي اللوز مع الغدد اللمفاويه اطلعت صدفيه باذني وانا لاحظت صدفية اذني لها علاقه قويه مع التهاب اللوز اهي ويا لبرايفت ايريااا هل فعلا ممكن يكون هالالتهابات وظهور الصدفيه بهالمناطق خاصه بسبت التهاب اللوز ؟! وشغله ثانيه انا عندي الصدفيه ماتفارق الابط الايسر ! هالمنطقه بالذات من اوقف الدوا دايركت ترجع فيها الصدفيه والي لاحظته الحين مع هالالتهاب لما كنت بحط دوا بمنطقة الابط الايسر حسيت بالم في العقد اللمفاويه فيه ! اما الابط الثاني لا صدفيه ولا عقد لمفاويه وهالايام احس بألم في بطني مع مغص ! مجرد ما انتهي من الاكل ! خاصه مع وجبة العشا يا ترى شالسبب ؟! وشكرا |
رد: اللوز !
هلا بنت الكويت الله يشفيك يارب ويعجل بشفائنا اجمعين
اسمعي انا قرات عن القسط الهندي وانه مفيد للوز وانا ان شالله ناويه استعمله والرسول اللهم صلي وسلم عليه موصي فيه اكتبي القسط الهندي بقوقل وشوفي طريقة استخدامه يارب اكون افدتك |
رد: اللوز !
السلام عليكم نور المنتدى بوجودك بنت الكويت انتى من مؤسسين هذا المنتدى ونسئل الله لك الشفاء العاجل عندى لك علاج مجرب ممتاز اتمنى يفيد الجميع استخدام الغرغره بماء وملح 3 مرات باليوم ممتاز جداا وعندى علاج شعبى ممتاز اسمه التغمز او ترفيع اللوز علاج فعال وممتازيزيل الصديد 100% ويحتاج شخص متمكن والدواء يكون قشر رمان مطحون |
رد: اللوز !
اللوز اذا التهبت التهاب شديد اكثر من 3 مرات في السنة فيستحسن ازالتها وهذا رأي دكاترة الانف والاذن والحنجرة والتهاب اللوزتين مرتبط ارتباط وثيق بالصدفية
|
رد: اللوز !
اللوز اذا التهبت التهاب شديد اكثر من 3 مرات في السنة فيستحسن ازالتها وهذا رأي دكاترة الانف والاذن والحنجرة والتهاب اللوزتين مرتبط ارتباط وثيق بالصدفية
|
رد: اللوز !
اهلا بنت الكويت..ماطول عندك ال Esr عالي واستعملتي كثير من كورسات الأنتي بايوتك (صارت ماصخة)وماكو فايدة وكل فترة يصير عندج التهاب..فشيليهن رحمة لوالديج وارتاحي من الألتهابات اللي تصير عندج كل فترة..وترى الأكثار من الانتي بايوتك مو زين يأثر على الكبد ..وبما انه الصدفية مرض مناعي فأكيد اكو علاقة بين الصدفية واللوزتين ..وهسه اني قدامج شلت اللوزتين من جان عمري 13 سنة لأن جان كل فترة يصير عندي التهاب بيها وارتاحيت من هالألتهابات..وهي عملية بسيطة ماتطول 20 دقيقة ..وبعد اسبوع تقدرين تتكلمين بعد مايلتئم مكان العملية.
|
رد: اللوز !
حتى انا مبهذلتني اللوز والتهاباتها المستمره مفكره اشيلهم والدكتوره الحين تقول لي عندك انسداد في البلعوم الخلفي,,,فاذا البلعوم محتاج عمليه بقول لها شيلو بعد اللوز على طريقكم :ppu بنوته زي ماقال لك ايهاب شيليها وارتاحي وشغله اخيره اقري على نفسك دايما والله يشفيك |
رد: اللوز !
و الله يا بنت الكويت هالأطباء عندك ما عاجبيني:rolleyes: :D
أنا برأيي ترجعي عالكويت و تروحي لعند أي دكتور عادي و شوفي اذا مابيقول لك تشيليهم (اذا كان هيك وضعك) لأنو أنا كان وضعي اخف منك بكتييير و رغم هيك شلتهم . هو صحيح أنا شلتهم على امل انو تروح الصدفية معهم (بحسب ترجيح الأطباء) بس ما صار ..الحمد لله على كل حال . و يمكن يكون خير الك ..و تروح الصدفية عندك بعدها .. أنا كان عمري لما شلتهم 22 سنة يعني ما كنت صغيرةو اتعذبت شوي بعد ازالتهم .. بس فترة و بتمر ،، و الم ساعة ولا كل ساعة .. بالنسبة لي انا ما لاحظت اني تأثرت كتير بازالتهم :icon14:..بس في ناس تأثروا بذلك. |
رد: اللوز !
الله يشفيك يابنت الكويت وكثره الادويه ماهي زينه :icon14:
اقري على نفسك كثييييير وان شاءالله تشفين بإذن ربي واللوز مافي حل الا تشيلينهم انا لما كان عمري 7 سنين سويت عمليه اللوز وماكانت فيني صدفيه ويوم صار عمري 10 سنوات جتني صدفيه :eek: وانا ماعندي لوز :confused: واللحين عمري 22 يعني المده طوييييله:rolleyes: |
رد: اللوز !
اقتباس:
نسبة 60% بتروح بعد 3 اسابيع من العملية ثم ترجع بعد سنتين . وفي ناس لم يتحسنوا وفي ناس قليلة جدا ساءت عندهم. انصحك جربي كريم جنتاميسين .ممكن يكون السبب عندك ميكروب على سطح الجلد .مع كريم مضاد فطري على الوجه شوفي اية اخبار حساسية بروتين الجلوتين عندك . في دراسة تم اجرائها في اليابان على 7 مرضى مصابين بالصدفية وتم ازالة اللوز عندهم ومتابعتهم لمدة تتراوح بين 2 الى 9 سنوات . 3 شفوا تماما واثنين اختفت لديهم بنسبة 80 % واثنان لم تتغير عندهم . ولوحظ ان الذين اشتكوا من الصدفية المرتبطة باللتهاب اللوزتين المتكرر هم من تحدثوا |
رد: اللوز !
اقتباس:
اللهم آمييين .. جربته والله بالكويت جربته وايد بس ماياب معاي نتيجه :( الشكوى لله بس عليه الصلاة والسلااام .. ماقصرتي :_11: |
رد: اللوز !
اقتباس:
وعليكم السلام والرحمه منور بوجودكم .. ثاااااااانكيوو الله يعطييك العافيه .. وين شخص متمكن ماكو الا انا والوالد بربوع عمريكا :d خلها على الله .. انا مشكلتي حتى لو تروح الحين اضمنلك اخذ المضاد وتروح بس الي ينرفزني انه وييع كل اسبوعين تلتهب ! ياخي هذي غير شغله والله اني متلهفه ابي اشرب ماي بس ماقدر من الالم ! اشرب بيبسي ولا ماي تخيل ؟ انا الي حللته انه يمكن كثافة الماي اقل من البيبسي بوايد .. فلذلك انا اشرق بالماي << من الفراغه قمنا انحلل :049: :ppu ثاانكس |
رد: اللوز !
اقتباس:
ئي وانا ماشاء الله لوزي محطمه الرقم القياسي بالالتهابات المفروضادخل موسوعة غينيس انا راح ادخل الموسووعة لشيين .. كثرة التهاب اللوز واقل نسبة فايتامين .. بس هذا الي فلحت فيه بدنيتي :ppu << هذا حظي ؟ :ppu حتى تصدق انا الحين مابي اشيلهم عشان الصدفيه ختولي الصدفيه .. تتنيل بستين نيله :mad: بس عشان الالتهاب والالم يروح ! توني راده من الدكتورة بالعون ماطمنتني :ppu |
رد: اللوز !
اقتباس:
ئييي انا سمعت انه كثرة الانتي بايوتيك تسبب فشل كلوي ! الله يكافينا الشر بس تعور حيل شيلتها ؟! اشحسيت فيه حزتها ؟! والحين البلعوم كلش مايلتهب ولا شي ؟! |
رد: اللوز !
اقتباس:
شلووووون البلعوم الخلفي مسدود ؟؟ بسم الله شتحسين فيه ؟! الله يكون بعونج لوول ئي بالضبط على قولتهم زلقه بطيحه :ppu ارتاحي عالاقل سووي العمليه قبلي عشان تقوليلي اتعور او لا :ppu لوول خايفه من العوار والله آميين ئي ابوي مايقصر والله كل يوم يقرى علي يزاه الله خير\ |
رد: اللوز !
اقتباس:
اهم مايقصرون من ناحية اي شي اقولهم يسمعوني ويعطوني ويه " وش" :ppu بس عيبهم باردين ! حتى لما شافتني اليوم قالتلي دكتورج الجلديه قالي انج بتكلميني وانه سويت هالموعد عشان نتكلم ونتناقش بالي تحبينه .. احليوين بس باردين !! يعني شنو ذاك اليوم يقولي انا شاك بسرطان اللجلد ومره سرطان الغدد لاوالمشكله يقطهم بكل برود :mad: لوووووووووول بس والله ضحكني شلون يقولهم يعني جنه يقولي لا ماطلعت فيج صدفيه طلعت بس حساسيه من الاكل على طريقة بروده وكلامه :ppu جنه يبشرني لوول :ppu انا اساسا ماهمتني الصدفيه بس ابي هالعوار والعذاب يروح وافتك :049: انا داشه عال 20 .. ياساتر ! ميخالف تشرحين لي الي حسيتيه ؟؟ لانه حتى الدكتورة خرعتني اليوم ! |
رد: اللوز !
اقتباس:
آميين واجمعيين يارب ئي والله عارفه بس شنسوي ياوخيتي ما باليد حيله سبحان الله .. ماتدرين شالسبب جيكتي على موضوع ادكتور صابر عن فطريات الكانديدا ؟! |
رد: اللوز !
السلام عليكم خنقولكم شقالتلي الدكتورة اليوم خذذت مني مسحه عساس اتحددلي المضاد الحيوي الي بتصرفه تقول في بقع بيضه ! باللوز عندي :king: وييع المهم شكلها بتشيلهم بس المشكله تقولي انا الي ماودي اشيلهم لانج راح تتعبيين كثييير وتقولي ميخالف لما ماتروح عدل مرات مايعطونج مضاد حيوي صح ومن هالكلام وقالتلي بس الي بخليني اشيلهم سالفة الاختناقات ! انه مو زين بس قالتلي اذا شلنالهم بيتحسن النفس عندج اما البلع ماله شغل وبالعكس اول الفترات بتحسين بصعوبة بالبلع قوويه ! ومؤلمه حييل والي اخاف منه توقفين اكل خاصه انه تغذيتج مو زينه .. وبنفس الوقت الانيميا الي فيني تقول اخاف تنزفين وايد ونضطر ننقلج دم وانا ماودي بهالشي قالتلي عموما باجر او عقبه راح ابلغج بنتيجة المسحه واعطيج المضاد الحيوي لانه مانقدر نسويلج وانتي فيج التهاب بعدها بكلم دكاتره واشوف رايهم .. المشكله كلامها تغير بعدين .. لما قتلها انا اخاف من الالم تقولي لاتحاتين بعطيج مسكنات قويه ! بس معاج احد هني في امريكا ؟ تقولي لانه اسبوع لازم تلازمين الفراش ومن هالكلام كلامها خرعني بصراحه ! :049: تقولي بس انتي متعوده على الالتهاب فانه ماراح تتعبين وايد ! وتقولي ماتوقع بتتحسن صدفيتج منه قتلها ميخالف انا بشيلها عساس الالتهاب والعوار مو الصدفيه ! مادري شرايكم ؟ |
رد: اللوز !
بنت الكويت انت حالتك معقدة جدا .
لم تذكر لي اسم المرض لم تذكري لي اسم المرض الذي يشكون فيه ؟ هل هو cutaneous T cell lymphoma انا لا اعتقد في هذا التشخيص . ثانيا تحليل العينات من الجلد بينت انها صدفية فلماذا الذهاب الى تشخيصات اخرى . ايضا موضوع المريء غريب . الاول شكيت انها تقلصات بالمريء وكان يجب قياس ضغط المريء اما اخر مرة فذكرتي ان المريء ضيق ولم يعرفوا سبب ضيق المريء . اشهر سبب لضيق المريء هو شرب المواد الحارقة مثل الاحماض او القلويات فتسبب تليف في المريء وضيق ويتطلب توسيع كل فترة . كمان الانيميا عندك . طلبت منك نسبة الحديد في الدم ونسبة TIBC وما هو شكل الخلايا تحت الميكروسوكوب وحجمها هل الخلايا كبيرة ام صغيرة . لا بد يكون تحليل صورة دم كاملة وعمل تحاليل نسب الحديد في الدم عشان نشوف سبب الانيميا . |
رد: اللوز !
اقتباس:
ئي هذي المشكله بينت انها صدفيه صديديه بس يقولون لي الشي المحير العلاجات الداخليه ماتفيد معاج اللهم لكريمات .. فقاموا يشكّون بالاكزيما ممكن توضح ناحية الشرب ؟! ئي اهم وسعولي اياه :( سبحان الله شلون فجاه تسكر 5 مل ضيق حيل ! ولما وضعولي انبوب من الانف لي المعده قالولي عندي ارتجاع بالاحماض .. الانيميا قالولي 9.9 بس هذا الي اعرفه وانه فايتامين د 6 .. بسئلك اهم مو نقلولي حديد بال iv وانه وقفوه لاني تعبت حييل مايقدرون يسوولي اياه نفس المغذي ؟ يحطولي اياه نقطه نقطه ! لو لمدة اسبوع ! وتكون الجرعه قليله .. مايقدرون ؟ انا اخاف جسمي ماتقبل لانه الجرعه يمكن كانت كبييره لانه والله عرق ايدي لو تشوفه حزتها شلون سار كبير بتخترع ! احس زين مانفجر .. |
رد: اللوز !
ما هو الدليل على الكانسر ؟ هل اخذ عينة ام ماذا ؟
العلاج البيولوجي احيانا يأتيس بعكس المتوقع فهناك من زادت عنده الصدفية خاصة النقطية على الانبريل وهناك من لم يتحسن على الانبريل خاصة الصديدية ؟ ايضا العلاج البيولوجي هو من احد اسباب الكانسر . لو كانسر لا انصح بازالة اللوز . لان الصحة العامة مهمة . ما دام علقوا ليكي محلول حديد يبقى عندك نقص حديد بس انا خايف الا تكون انيميا نقص حديد ولكن تكون سوء استخدام الحديد في الجسم او ما يسمى anemia of chronic disease ما هو اخبارك بعد توسيع المريء ؟ |
رد: اللوز !
اقتباس:
بس قال احتمال وماعلّق ! لانه لو اكيد جان سوولي فحوصات او اي شي انا جربت ميتروكسيت 7 شهور وماكو اي نتيجه تذكر ! اما انبريل الي الالتهابات زادت عندي منه ووقفوه لي .. والسورياتين مافي نتيجه فهالشي حيرنا .. لانه اليوم لما شافتني انف واذن حنجره اصلا قالتلي العقد اللمفاويه ملتهبه عندج بسبت هالالتهاب شي طبيعي .. امبلى اتوقع انه انيميا نقص حديد لانه بيني وبينك انا اساسا تغذيتي غلط كل شي مومفيد احبه واكله :ppu والمفيد ماحبه .. وبعدها صادف اني ماقمت ابلع عدل فالتغذيه قلت عندي حييل ! انا فعلا اعترف انه تغذييتي سيئة فـ مادري شرايك بالحل ؟! الي قلتلك اياه عن الحديد iv ? ابي شي يرفع الحديد عندي باسرع مايمكن عشان العمليه .. لانه اخاف اذا نزفت لا سمح وانقلولي دم يمكن جسمي يتفاعل مع الدم بس انا مخدره فمايدرون عني واموت اسم الله علي ! .. الحمدالله قمت اكل ! والله حسيت بهالنعمه الي ماكنت حاسه فيها قبل واتلذذ بالاكل الحمدالله .. بس تعرف الحين ردت علي اللوز تعبت شوي اما حبوب وكباسيل لا ما اقدر اكل ! لانه اللوز اساسا عندي كبار من غير التهاب |
رد: اللوز !
اقتباس:
فأنتي اذا الأطباء قرروا يسوون العملية لاتخافين ترى والله هي عملية سهلة وماتخوف وان شاء الله عقبها راح ترتاحين من الالتهابات وكورسات الانتي بايوتك. تمنياتي لك بالشفاء العاجل |
رد: اللوز !
اقتباس:
حرام عليك ما اتحمل اقرى جذي :049: لاحول ولاقوة الا بالله كله بأجره كله بأجره .. والحديث الي بتوقيعك يثبت هالشي .. الحمدالله على كل حال يعني تنصحني اسوي العمليه صح ؟! انا الي احاتيه اثناء العمليه اخاف اختنق او اشرق وبنفس الوقت الي احاتيه بعد العمليه الالم ! شلون الالم ؟! تقدرتوصفه لي ؟! وبسألكم هل الالم نفس عوار ما بعد المنظار .. لانه بعد منظار المريء ظليت 3 ايام احس باللللللللم بالبلاعيم .. الله يعين يارب .. انا اصلا احتمال اقول للدكتورة اذا بسوونها يخلوني انام بالمستشفى احسلي كذا يوم ! |
رد: اللوز !
الحمد لله على كل حال ..عادي عادي..بس المشكلة اني كنت العب حارس مرمى في احد نوادي كرة القدم وعندي جوائز ميداليات احسن حارس مرمى بالمحلة والأعدادية والسنين الأولى من الجامعة ..بس بعد اللي صار اضطريت اترك النادي واترك الحراسة بعد ماكانت عندي موهبة هذا اللي قهرني..الحمد لله.
وعلى فكرة بعد ماسويت اعملية اللوزتين من يومها ماصار عندي اي التهابات ثانية بس بالفترة الأخيرة صار عندي التهاب بالعقد اللمفاوية بالرقبة. والله بالنسبة لألم عملية اللوزتين هو عادي مو كلش قوي يعني الواحد يقدر يتحمله بأذن الله ومع المسكنات بيمشي الحال الى ان يلتئم مكان العملية..واذا الدكاترة قرروا يسوون العملية توكلي على الله واحنا ماراح ننساج من الدعاء. |
رد: اللوز !
اقتباس:
إييييييييييه ذكرتني قبل ماتيين الذيبه والتهاب المفاصل كنت العب سله ، والعاب قوى ! وبالمدرسه كانو يودونا رحلات نباري مدارس ثانيه وسار الي سار ! ووخرت عنهم :( .. ان شاء الله .. الله يسهل :( |
رد: اللوز !
سوووري بس بغيت اسال
منو عضوه هني كانت حاطه حديثين عن المرض ؟! عفيه ابيهم ! |
رد: اللوز !
بنيتنا بنت الكويت الله يشفيج
|
رد: اللوز !
الابن ايهاب يا خوفي يشوتون عليك الكوره من البصره وتدش الشبك وانت في بغداد
|
رد: اللوز !
اقتباس:
بس بعدين غيرت رأيها ههههه يعني دكتور هل ان عدم تحسني بعد عملية اللوز يعني انو نشيل احتمال المكروب السبحي ..؟؟ اذا كان كذلك فمشان اوقف الكلينداميسين يلي بادية فيه من 4 أيام ..! |
رد: اللوز !
اقتباس:
و دكتور الداخلية شاكك بان عندك جرثومة معدة وواحد تاني بدو يعطيك دوا و بيشوف اذا بيزبط و لاء !!!:king: طبعا انا ما بقدر احكم ..بس حسيتهم عم يتحزروا . لا والله ..شاكك بالسرطان ،،طيب ليش حتى يقول لك و يخوفك وهو غيرمتأكد.. بالأول خليه يتأكد بعدين يحكي .. قوليلو هيك بتقلك صدى الدعاء هههههه على أساااس هني كتير بيهتموا بنفسية المريض.. و الله لا يغرك انو بأمريكا ..ولا تفكري بكلامهم .. و ريحي بالك لأنو ببساطة كل شوي بيحكوا شكل.. شوفي عزيزتي ..أنا لما عملت العملية و أول ما صحيت من البنج كان الطبيب بدو ياني احكي و انا ما في حدا.. اعتقدت انو الدكتور عم يمزح لما طلب مني احكي :icon14: ما استوعبت يعني كيف بدي احكي و انا يالله عم اتنفس هههههه لالالا ما بدي خوفك عم امزح ما لهدرجة .. بس هو قال بعدين عادي بس أهم شي انو تحضري دفتر و قلم مشان ما تعصبي اذا حدا ما فهم عليك هههه يعني باختصا متل ماصار مع أخي ايهاب بالضبط .. و اذا ما قدرت تاكلي ممكن تاخدي عصير طبيعي لكم يوم ،، و بعدين كل يوم بتشعري بتحسن عن يلي قبله .. و الله يعافيك . آخر شي بقول لك اياه انو خالتي كانت تعاني من التهاب اللوزتين من صغرها و لحد الآن و هي كتير متضايقة منهم ..و نادمة لأنو ماعملتهم وقتها ،، لأنو الآن صعب و ممكن يصير مضاعفات معها بهالعمر . |
رد: اللوز !
بنت الكويت بسالك سؤال كم جلستي تستعملين القسط الهندي وكيف كانت طريقتك؟؟
والله ودي استعمل المر والحلتيت بس ماقبل طعمهم والا اتوقع ان فيها شفاء بحول والله وقوته |
رد: اللوز !
اقتباس:
|
رد: اللوز !
اقتباس:
شلون مسدود مادري؟؟؟ بس احس اني اتنفس من حلقي بس ودايما اشرق واغص واذا بتموتيني جد ضحكيني وانا اشرب http://forum.ashefaa.com/images/icons/075.gif |
رد: اللوز !
اقتباس:
اللهم آمييين ويشفيك ياعمي |
رد: اللوز !
اقتباس:
لا ولا علاج بيولوجي فعني اللهم كريمات الكورتيزون ! لوول ئي مال الجلديه بيعطيني دوا للمريئ وبشوف الجلد بيتحسن عندي او لا لانه في حالات لهم علاقه ابعض .. بس مو واضح عندهم المرض بالمريء ئي اصلا قالولي انتي حاله غريبه ! .. ئي والله انا ضحكني انه شالبرود الي فيه ! انا خبري اول شي يتاكد من شكوكه ويسوولي فحص وبعدين يبشرني :ppu يماا من صجج منتي قادره اتنفسين ؟ :eek::confused: ياويلي ئي ابوي قالي ورقه وقلم وكتبي انا الي يخرعني العوار ! وشلون ببلع :049: انا اقدر اقزرها ايس كريم .. رووب ( يوقرت ) مومشكله بس اخاف من الدم او احس بطعم دم ما اكل ! جم يوم تنامون بالمستشفى ؟ |
رد: اللوز !
اقتباس:
يمكن ظليت 3 شهور شي جذي بس طولت فيه ! الوالده الله يعطيها الصحه والعافيه ماقصرت كانت كل مره تعطيني اياه ولا لو السالفه راده علي جان ماشفته ولا عرفته اصلا :ppu شوي زفر اهو :king: مره جربته انثره مع عسل واكله ومره احطه مع ماي وعسل جربت هالحالتين ومره ماي دافي بس ماتحملته الي بالماي الدافي لانه طعمه زفر شوي انا الي نصحوني عليه عماتي بس نصيحه حاولي اجربينه لانه عماتي شافوا بعينهم وحدة اكزيما ماكله جسمها وقالولي نقعيه بماي وحطيه عالاماكن بس صراحه ماسويتها لانه انا اصلا صدفيتي ملتهبه حييل ! كانت شي رهيب مو مال جذي يبيلي شي قوي والحمدالله على كل حال |
رد: اللوز !
اقتباس:
بس لانه خشمي صغير :ppu بس اما سالفة مسدود اتخرع السالفه اهي شلون عرفت ؟ شلون افحصتج ؟ انا وحدة من رفيجاتي تتنفس من حلجها لا وبشكل قوي تصدقين لما حطت تقويم وفكها رد ورى تقولي بسم الله قمت اتنفس من خشمي لووووول :ppu |
رد: اللوز !
قرأت موضوعك أختي الكريمة وأردت فقط أن أشارك بالدعاء لك لله عز وجل أن يشفيك ويرفع عنك ما نزل بك وإياك القنط من رحمة الله فما ابتلاك عز وجل إلا وإنه يحبك ويطهرك من الذنوب....احتسبي أمرك الله ومع أخذك للدواء لا تنسي الدعاء الذي أوصى به صلى الله عليه وسلم : ضع يدك على مكان الألم وقولي سبع مرات أعوذ بعزة الله، وقدرته من شر ما أجد، وأحاذر ، أيضا عند الذهاب إلى فراشك اجمعي كفيك واقرئي قل هو الله احد والمعوذتين وامسحي بها ما استطعت من جسدك وعاوديها ثلاث مرات وإن شاء الله لا يخيبك الله
|
رد: اللوز !
صراحة انا اكثر شيء مستغرب له هو وجود الصدفية والذئبة الحمراء لان كل واحد ليه نظامه في المناعة وهم ضد بعض .
مريض الصدفية لديه ضعف في المناعة ويتعامل مع الامراض بشكل مختلف عن الاناس الطبيعيين مما يجعله اقل عرضة للاثار الجانبية الخطيرة لامراض مثل الجذام والحمى القرمزية . الصدفية الصديدية غير لانه يكون فيها عيب في الخلايا متعددة شكال النواة . |
| الساعة الآن : 06:16 PM |
Powered by vBulletin® Version 3.8.5
Copyright ©2000 - 2026, Jelsoft Enterprises Ltd By AliMadkour