ciclosporin ..
السلام عليكم .. شنو تتعرفون عن دوا سايكلوسبورين ؟! انا الحين اخذ نيوتيجازون بس الدكتورةبدت تعطيني معاه هالدوا واذا ياب نتيجه بتوقف لنيوتيجازون .. لاني حالتي تعبانه حيل :( .. منو مجربه ؟ وشنهي اعراضه ؟؟ وبغيت اسال شغله اهو كباسيل كبييره حيل وانا اعاني بصعوبه بالبلع فلما فتحت الكسبوله استغربت انه الي داخلها سائل ولزج !! موبودر ! فافتح الكباسيل لانهم 3 واحطهم بماي فتره واشربه وتكون الكباسيل غشاءها ذاايب :s فمادري اذا الدوا اخذ مفعوله او لا ! شتنصحوني اسوي ؟ والحمدالله على كل حال |
رد: ciclosporin ..
الكريمة بنت الكويت
السايكلوسبورين .. مثبط مناعة يصرف أساسا لزارعي الأعضاء . لمنع الجسم من رفض العضو المزروع ومحاربته مع التجربة اكتشفوا أنه يخفي الصدفية مع المداومة على استخدامه ويصرف بحساب الوزن .. وتأتي منه عبوة زيت تستخدم بالملي أي لها معيار تقيسي عليه .. وهو أفضل لك طالما لديك مشكلة في البلع فاطلبي من الطبيبة عبوة الزيت وليس الكبسولات .. ومعك حق .. لأن تحسي إنه تحاميل وليس فموي أبدا .. عموما .. رأيي الشخصي : المجبور على هذه الأدوية نظرا لسوء حالته .. يغير كل فترة بين الأدوية بعد ما يرتاح فترة من الدواء السابق .. لأني أشعر أن الجسم بعد مرور فترة من استخدام مثبط معين . لا يعود له نفس التأثير السابق .. أسأل الله لك الشفاء العاجل .. وأتذكر قولا للإمام الغزالي .. أذكره لك ولي من باب تسلية النفس : إذا رأيت الله يحبس عنك الدنيا ويكثر عليك الشدائد والبلوى .. فاعلم أنك عزيز عنده .. وأنك عنده بمكان .. وأنه يسلك بك طريق أوليائه وأصفيائه .. وأنه .. يراك .. أما تسمع قوله تعالى .. (( واصبر لحكم ربك فإنك بأعيننا )) .. أبو كامل المدينة المنورة |
رد: ciclosporin ..
والله اخوى ابو كامل كفيت ووفيت جزاك الله الف خير سلامتك اختى بنت الكويت اتمنى تسئلين الاطباء هل فى مشكله اذا استخدمتى مكمل غذائى الكلاولا سئلى ماكوو خساره شرايك |
رد: ciclosporin ..
لا تاخذينه يابنت الكويت علاج زيه زي الميثروكسيت
استخدمي الكلا ولا زي حق صدفيتج لانها صديديه وهو ينشف |
رد: ciclosporin ..
بالنسبة لعلاج انا استخدمته لمدة ستة شهور وايضا اذكر عدد من الأعضاء استخدموه مثل الأخ طائر جريح والامير الوسيم وميريام99 .ومثل ماقال الأخ ابو كامل يثبط المناعة.
بالنسبة لتجربتي مع السايكلوسبورين فأنا استخدمته لمدة 6 شهور..في البداية كنت اخذه بجرعة 200 ملغم باليوم وبعدين رفعت الجرعة الى 300 ملغم ..وبعد 3 شهور من الأستعمال اختفت الصدفية تماما..ولكن بمجرد تخفيضي الجرعة الى 200 بأيام بدأ المرض يرجع مرة ثانية شوي شوي..وبعد 6 شهور من الأستعمال قررت اتركه وابتدي بالعلاجات الطبيعية..وبمجرد ماقطعته بعد يومين هاجت الصدفية هيجان مو طبيعي وغطت الجسم بالكامل مرة اخرى. طبعا هذا العلاج يعطى حسب الوزن ..انا بالنسبة لي كان وزني 62 كيلو وطولي 174 سم..وكنت اخذ 300 ملغم (جرعة عالية). بالنسبة للأعراض الجانبية اللي صارت معاي اثناء استخدام العلاج هي: ارتفاع نسبة ال hb وعلى اثرها يقوم راسج يعورج وجسمج يثقل ويصير حار والضغط يرتفع ..ووماكنت ارتاح من هالوضعية الا اذا سويت حجامة(احتجم)جنت كل شهر احتجم بسبب ارتفاع الهيموغلوبين. ايضا صار عندي ارتفاع في البيلوروبين في الكبد.والتهاب في الكلية..واخذت ادوية لعلاج التهاب الكلية..مع اانه انا الكبد والكلية مالتي كانو بالباكيت..ورجعوا طبيعين بعد ماتركت العلاج. ازداد نمو الشعر في الوجه والجسم. هاي الأعراض اللي اذكرها ترى هذا العلاج قوي وخطير واذا صدفيتج مو كلش قوية ما انصحج بأستخدامه..ليش ماتستعملين علاجات طبيعية مثل الكالاوالا.. انا بالنسبة ليا كان الميثوتركسيد احسنلي لأن على الأقل جانت الصدفية تختفي شهور بعد الاستخدام. اختي بنت الكويت مايصير تفتحين الكباسل لأن يخرب مفعولها(لأن جواتها سائل لزج مثل ماشفتيه بنفسج)وهذا الشي مكتوب في النشرة الداخلية للعلاج اللي شكله دفتر..هذا العلاج اكو منه حبوب واكو منه سائل يخلط مع الماي ويشرب..وحتى اكو منه بشكل اير بعد..طالما انج ماتكدرين تبلعين الكبسول لأنه جبير ..استعملي النوع السائل 3الى 4 قطرات(حسب الجرعة) يخلط مع الماء ويشرب..وخبري الدكتور بسالفة السائل اللي ينخلط مع الماي. |
رد: ciclosporin ..
الله يبارك فيكم فعلا تجاربكم تفيدنا احذروا يا اهل الصدفيه |
رد: ciclosporin ..
الاخت بنت اللكويت
انا من خلال تجربتي مع هذا الدواء لمدة ما يقارب ال 3 شهور فقد تحسنت الصدفية عندي ولكن كان يؤثر هذا الدواء علي انا شخصيا فقد كنت احس بحرقان شديد في باطن القدم وخدران منذ بداية استخدامي للدواء ويجب عليك ان تقرأي النشرة المرفقة بهذا الدواء ويجب عليكي ان تقومي بعمل فحص شهري للدم ويتم استخدام هذا الدواء كحد اقصى 6 شهور وبعد ذلك يتم ايقافه فأنا انصحك اختي العزيزة ان تفكري بهذا الدواء قبل ان تستخدميه وانا بالنسبة لي قد اوقفته منذ فترة طويلة لأنني احسست بأنه دواء ضره اكثر من نفعه. |
رد: ciclosporin ..
اهلا وسهلا تو ما نور المنتدى ...وانا اقول كنه النور زايد على المنتدى اثرك فيه :d
استخدمي الكولا ويلا رهيب وعجيب وشفت العافيه من بعده |
رد: ciclosporin ..
اقتباس:
eeeعدل والله المشكله الدكتورة ضايعه اقولها في شراب انا قاريه مادري شتخربط على راسي ! وانا اصلا وقفته ! لانه طعمه مؤرف ! وبدت تحوشني لوعه لا وفوق هذا اطلعتلي صدفيه بفخذيني ورى بقعه كبيييييييييره وتحرق حرق !!!!!!!!! مساع وريت امي تقولي هذي حساسيه !! فمادري صراحه ! بس انا اشوف صدفيتي تشابه الحساسيه اصلا ، هل من الممكن علاج صدفيه يطلع صدفيه ؟؟؟ انا اساسا مارتحتله فموقفته وراح اقولها ان شاء الله لووووووووووووووووووول بالضبط والله يبتها جنه تحاميل والله شنو هالدوا شكبره! لا والمشكله انه مافادني انا جربت ميتروكسيت وانبريل ولا واحد فيهم فادني اللهم النيوتيجازون لا ومافادني مجرد انه نشف صدفيتي بس هذي نعمه والله الله ! كلام جمييييييييل جدا !!!!!! فرحتني ! عسى ربي يفرحك دنيا واخره يارب شكرا :_11: |
رد: ciclosporin ..
اقتباس:
الله يسلمك خيي بوسطن مايعرفونه ! :( ولا جان سألت |
رد: ciclosporin ..
اقتباس:
انا خذيته 3 تيام هالدوا وقطعته من كيفي ;) لانه مؤرف وطلعلي الصدفيه لابارج الله فيه ! ودي اكلم دكتورتي عن هالعلاج بس مادري شلون اشرحلها اياه وبنفس الوقت اشوف اغلبكم ماستفاد منه !! مابي اتعب نفسي :( |
رد: ciclosporin ..
اقتباس:
يعطيييييييييييييييييييك العافيه فدتني وايد والله ! انا وزني 49 وطولي 162 عطتني جرعة 150 بس شسمه كليته بس 3 تيام وقطعته بعد كلامكم لا ويطلع شعر بعد !:confused: حدي ابنطت جبدي شكو تعطيني اياه المليقه ! هذا وانت ريال ولاحظت ! اشوى اني تلاحقت عمرررررررررري ! انا صدفيتي مو قويه ؟؟ اخيييييييييييييييه خلها بالقلب بس كل هالعلاجات الي اخذتها ولا مره شفت جسمي من غير صدفيه ولا علاج فاد اللهم النيوتيجازون بانه نشفها بس من عقب ماكانت صديديه ! حتى بامريكا كانو يدهنون جسمي بستيرويدات : كورتيزونات " وهم في جزء فيه صدفيه ! تدري من بدينا دراسه وانا ريلي الثنتين لافينهم اروح الجامعه ريولي ملفوفه بشاش لانها ملتهبه ورعب رعب تخرع ! الدكتورة عطتني مضاد حيوي اكله ومضاد حيوي دهان قعدت اسبوعين كورس مضاد حيوي ماكو فايده غيرته وبعدها رديت عليه وماكو فايده ! الخميس او الاربعا تخيلوا وانا امشي بروح الكافتيريا ولا اسمع بنت تقول حق رفيجاتها لا وبصوت عالي تخيلوا كان في بنات وشباب تقول عني هذي شكلها محترقه !!!!!!!!!!!!!!!!!!! والله ماتدرون شلون انجرحت حزتها انقهرررررررت كنت ببجي واصارخ عليها مو شغلج ! على اي اساس تتحجين عني انا مومحترقه لاني طول هالفتره مغطيه ريولي رديت البيت واخذت الكورتيزون مال امريكا وحطيته حق ريولي والحمدالله الحين تحسنت حيل بروح الجامعه بدوون شاش عشان الناس تعرف اني ماني محترقه الحمدالله .. الله يسامحها والله عورت قلبي اجرحتني بس بقطع الكوروتيزون وبحاول اطهر ريولي كل يوم لاتلتهب :( وسوري عالكلام الطويل والله بس حبيت افضفض ومشكوور وايد اخوي |
رد: ciclosporin ..
اقتباس:
انا خذيته اطلعتلي صدفيه :( ! وتركته الحين بعد اسبوعين بشوف الدكتورة وبقولها ! النيوتيجازون اخف منه صح ؟! عموما عساك عالقوه اخوي |
رد: ciclosporin ..
اقتباس:
اهلييييييييين منور بوجودكم حياتي يابعد عمري والله .. اتهقيين ؟! @ |
رد: ciclosporin ..
اقتباس:
بس ماقلتيلنا شلون احترقتي :ppuعلى قولة جليلات الحيا اللي قالوا هالكلام..(اسم الله عليج الله يحفظج)..ولايهمج ترى انا ماقلت انو صدفيتج مو قوية..انا كل قصدي كان اذا مو كلش مضطرة لا تستعملية..بس الواضح انج مضطرة..الله يشفيج. بالنسبة للأعراض الجانبية هاي تختلف من شخص الى اخر. وبالنسبة للنيوتيجاسون اني جنت اخذ 75 ملغم باليوم..واسخف شغلة فيه انه ييبس الشفة. هذا ايام زمان ..بس الحمد لله اني قررت بعد مارجع للعلاجات الكيماوية..علاجات طبيعية وبس..وصارلي اكثر من ثلاث شهور تارك العلاجات الكيماوية وماشي على برنامجي العلاجي الي انا سويته لنفسي..والله كريم |
رد: ciclosporin ..
بعد عمري بنت الكويت ربي يشافي الجميع يا رب...
مرة ريلي كات قاعد بالدوام وياه ريال وماسك ريال ثاني قاله " جبتلك هالريال ويقدر يعالج الحساسية اللي عندك" ريلي حده انحرج من زملاءه لأنه ما طرى لحد إنه عنده مشكلة عشان موه واضحة من اللبس اللي يلبسه بس كانت بقعة ورى الأذن اللي لاحظها الريال..:mad: فيه ناس دفشين في التعامل :049: |
رد: ciclosporin ..
اقتباس:
ياخي شتبين من شكالج !! .. ئيي وينشئف اللعاب " يعني ماكو سباعيل ابلعها " :ppu .. واي لا هالسنه وايد مرت علي مواقف بالجامعه كانت الدمعه بطرف عيني مره طلعت من لكلاس كنت متاخره شوي على ماطلعت ولا برى كله شباب واحنا نوعهم ماشاء الله عليهم يعني يشوفون بنت لا مايوخرون انتي البنت وخري @ المهم توني مشيت ماحس ولا كلهم يلزقون بالاطوف ويطالعوني @ اشكره قاع يشوفون ريولاتي لمربطه :( لانه لافينها لي بالطبيب كنت كل مره اسوي غيار ! واي انا حزتها بغيت اقعد \بالارض وابجي ! وكذا مره امر اسمع شباب مايستحون انه سلامات سلامات يخلون الكل يلاحظ !!! والله كرهت عمري :049: وهم مره وقفتني بنت قالتلي شفيييييييج محترقه ؟ قتلها اسم الله علي :confused: قتلها التهاب قالتلي ئي لانه امي محترقه ايدها وجذي لافينها مثلج عبالي انتي محترقه ! هالاوادم مايعرفون يحجون عدل يا اتحجين حجوه سنعه يا تكرمينا بسكوتج والله الناس ماتقدر ، يعني احنا عندنا بالجامعه شوي ناس معوقين والله من اسشوفهم سيده اسوي روحي ماشوف ولا شي عساس اراعي مشاعرهم واقدرهاعشان لاينجرحون بس هالاوادم وين تقدر ؟؟؟ مافيها شي لاسالتيني شفيج بس لاتفتين من نفسج اني محتررقه لانه الناس الي بتسمع بتاخ1 فكره جذي اليووم رحت الجامعه وماكو لفاف ولا شي الحمدالله :D الله يعافي الكورتيزون ويخليه ذخر لي :d |
رد: ciclosporin ..
اقتباس:
الله يعينه والله ، حاسه فيه ياخي انت من شكالك :@ !وبعدين اوكي اذا بتسوي بالريال خير بينك وبينه مو اشكره جدام الاوادم ! ذكرتيني هالسنه في بنت توها يديده هذي اول سنه لها يعني تخيلي ذاك اليوم يايتني تقولي انتي كله مريضه ؟! انا اصدمتني انه نعم شتبين ؟ شالي بتوصله بالضبط مادري ابتسمتلها قتلها مادري يعني شتبيني اسوي ؟ مو بايدي تقولي انا من شفتج وانتي كله مريضه ينرفزون يعني شتبيني اسوي بالله ؟ لا والمشكله ماتدعي ولا تقول كلمه زينه بس هذالا مضووعها ! والله مرات اشك انه في اوادم صج مو صاحين ! |
رد: ciclosporin ..
زين اتسوين..انا بعد من اشوف ناس ذوي احتياجات خاصة او ناس محروقين او مشوهين..مااباوع عليهم حتى ماأثر على نفسيتهم.
بس اكو ناس تعبانين وحشريين يسألون شنو هذا وشلون صار هيج..ناس مزعجين ..وانت شعليك ناس فارغة..وماعدها سالفة |
رد: ciclosporin ..
بنت الكويت العزيزة
استخدمت النيوتيجازون فترة طويلة احيانا بشكل متواصل واخرى بشكل متقطع والحقيقة كانت الاستفادة ضعيفة انا اصبحت مقتنع باستخدام علاج من الطبيعة يخفف فقط والله الشافي |
رد: ciclosporin ..
بنت الكويت شخبارك وننتظر اخر اخبارك |
رد: ciclosporin ..
اهلا اختى بنت الكويت
بالنسبة لسؤالك عن سيكلوسبورين انا استعملته جرعات ولقد وضح لك اخنا ايهاب كيفية استعماله والحمد لله نتيجة كانت جيدة على الاقل خفف كثير عنى مع ان بعض القشور في جبهتى كانت باقية واثاره على جسمي كانت ارتفاع صفائح بنسب عالية لكن بمجرد ما توقفت عنه انخفضت ولقد نفعنى كثيرا مدة دراستى لانى كنت بعيدة عن اهلى والحمد لله على الاقل خفف المرض عنى وقت دراستى وصبرت حتى كملت دراسة بفضل الله ولما توقفت عنه عادت لى الصدفية المهم ضليت اتابع من طبيب لطبيب والان اخد النيوتيجاسون والجرعة الان خففها لي الطبيب والحمد لله ماشى الحال مع الصبر لكن اختى بنت الكويت من قرأتى لما كتبتيه اريد ان انصحك وقد مريت بنفس الوضع الذى انتى به انصحك انك تساعدى نفسك لكى تقل عندك الصدفية واعلمى ان مرة طبيب قال لي ان فترة الدراسة تزيد الصدفية لان التفكير في الدروس والامتحانات يؤثر على النفسية وعلى المرض وصدقينى انا كنت مثلك لما تكملى دراستك ستخفينى فقط الامتحانات والنتائج هى من تزيدك حاولى لا تحملى هم لاى شىء وادعي الله ولا تقولى انا صدفيتى قوية وكونى قوية ولا تكترثى لكلام الناس ولا تتاثري به صدقينى والله لما تكونى واثقة من نفسك وتكونى راضية بوضعك مهما قالوا لن تلقى له بال حاولى تردي على كلامهم بكل هدوء وستري انهم ايضا لن يلقوا لكى بال خصوصا لما يروا انك تتمتلكين شخصية قوية وهذا الشىء عطاء من الله ولازم نرضى به انا ايضا كنت اربط رجليا لما تكون بها صديد وادهب للمدرسة ولا يهمنى احد اضحك وانبسط واحاول ان انجح وهدا ما تجعليه نصب عينيك النجاح وانصحك ان لاتوقفى دواء من تلقاء نفسك وتابعي طبيبك والله يشفيك ويوفقك ويشفى جميع المسلمين |
| الساعة الآن : 12:06 PM |
Powered by vBulletin® Version 3.8.5
Copyright ©2000 - 2025, Jelsoft Enterprises Ltd By AliMadkour