قصة ولد منيره بنت حصه مع الصدفيه من الالف الي الياء
بسم الله الرحمن الرحيم
الحمدلله حمدا يليق بجلاله وعظيم سلطانه منذ عام 2000 م تعرفت على وحده ساكنه في اعلى الحاره في البدايه توقعت انها طيبه وعلى نياتها وبنت ناس مؤدبه ما دريت انها جليلة حياء وعومه ونشبه الله يهديها المهم ما القيت لها بالا وقلت خلها لين الله يسهل الامور المهم مالكم بالطويله هالحبه اللي بجبهتي وهي اللي كنت اقصدها وساكنه في اعلى الحاره كانت صغيره وبدت تكبر وتكبر وتكبر كافحتها بكل ما تكتبون عنه من مراهم طبيه واشعه وانت ابخص بالباقي من نييورك الي جاكرتا المهم عرفت ان الوضع يبيله صبر وصبر وان الموضوع يبيله طولت بال المهم منذ ذلك الحين والصدفيه موجوده بس مو في اعلى الحاره بل في كل الحي والاحياء المجاوره في النهايه قررت ان اعيش بها ومنها وعليها واعتبرها جزء من حياتي كتبه الله علي ولا اخفيكم سرا ان لها فوائد بالنسبه لي ليس المجال لذكرها المهم تزوجت وانجبت ودخلو عيالي المدارس ومبسوطين الحمدلله طبعا انا اطلع على المنتدى منذ مده واطلعت على ما فيه من اخوه ومحبه وتعاون لكن احب ان اضيف لكم ان الفرج قادم لا محاله الجميل في الصدفيه انها تاخذ وتعطي يعني مره تهدا ومره تشد انا جربت الحياة بدون صدفيه قبل الاصابه يعني عشت الحمدلله 35 سنه بدون صدفيه وعشت الباقي بصدفيه ما فيه شك ان الحياة بلاها اجمل وافضل ولكن ادري ان الله سبحانه وتعالى له حكمه كبيره في ذلك المهم حبيت بس اسولف معكم واعطيم اخبار ولد منيره بنت حصه |
رد: قصة ولد منيره بنت حصه مع الصدفيه من الالف الي الياء
لابد انك تعالج الصدفيه قبل لاتزداد ويصير شي انت بغنى عنه الصدفيه اذا عطينها وجه زادت وانتشرت وغير كذا تأثر على الجسم من الداخل في المدى البعيد تعوذ من الشيطان الرجيم وابدا بالعالج واستمر عليه عشان تشوف النتائج وباذن الله يكون الشفاء . |
رد: قصة ولد منيره بنت حصه مع الصدفيه من الالف الي الياء
ياولد منيره لاتيأس ولا تخليها تعيش معاك بحياتك على طووول كافحها وقاومها
وخلك انت اقوى منها لانه بالفعل تحتاج لطــــــــوله بال وصبر والاهم شي الامل بالشفاء جرب تجارب الاخوان في الشفاء والله يشفيني واياكم جميعا" |
رد: قصة ولد منيره بنت حصه مع الصدفيه من الالف الي الياء
يا هلا ومرحبا فيك ونتمنى الشفاء لك وللجميع |
رد: قصة ولد منيره بنت حصه مع الصدفيه من الالف الي الياء
اقتباس:
بس خلاصصصصصصصصصصصصصصص يابنتي هي جزء من حياتي تكر وتفر وانا اكر وافر معها ومدام امي منيره مستانسه انا مستانس |
رد: قصة ولد منيره بنت حصه مع الصدفيه من الالف الي الياء
اقتباس:
خالتي قماشه اخت امي منيره من اهل الكويت والله ونعم فيكم وفي الجميع |
رد: قصة ولد منيره بنت حصه مع الصدفيه من الالف الي الياء
اقتباس:
وهل تضنين اني شقيا في وجودها كلا والف كلا بل هي الطف واحسن من غيرها صح كان ولد منيره شخصيه قبلها بس مازال كشخه كذلك شاكر لكي تسييرك علينا |
رد: قصة ولد منيره بنت حصه مع الصدفيه من الالف الي الياء
الله يشفيك ويعافيك واهنيك على روحك المرحه ومثلك عارف شعارنا بالصدفيه نريح نفسيتنا ونبعد صدفيتنا وياهلا فيك بينا وتستفيد وتفيدنا والله ياجرنا على الصبر |
رد: قصة ولد منيره بنت حصه مع الصدفيه من الالف الي الياء
اقتباس:
|
رد: قصة ولد منيره بنت حصه مع الصدفيه من الالف الي الياء
مشكور والله مافهمت شئ من قصتك الا ياربى أنك ولد منيرة بنت حصة مادري حصة بنت منيرة
|
رد: قصة ولد منيره بنت حصه مع الصدفيه من الالف الي الياء
الله يشفينا ويشفي المسلمين ويشفيك
|
رد: قصة ولد منيره بنت حصه مع الصدفيه من الالف الي الياء
تدري يا ولد منيرهـ ونا ولد سـارهـ خخخخخخ<<<جاب العــيد والله انا مثلك اقول طز في الصدفيه بس التفتلها اذ شدت والله لك الحمد كـل يوم بحال وتدري قبل كنت ما افكر في الزواج وقول مستحيل ارتبط في شخص لا الحين رايح اكمل نفسي ورايح اخطب وبعدين سبحان الله بعد ما فكرت في الزواج واحسس اني مستانس اني رايح اتزوج:o كل مالها تختفي والحين لو تشوفني تقول ذا مو مصاب بصدفيه مـرهـ. يعني شويات قشور في الراس وعلامة في اخر ظهري تقول احد كاويني:D والله لك الحمد اللي في صدر اختفت تمااااااااام هذا بعد ما استانست وقلت طز في الصدفيه وتراك تبي تحظر عرسي من الحين اقلك:10: |
رد: قصة ولد منيره بنت حصه مع الصدفيه من الالف الي الياء
ماشاء الله لا اله الا الله عليك ياحاشر الصدفيه عقبالنا كلنا
ومن اليوم ابخلي شعاري مثلك" طز في الصدفيه "وازيد عليها "طنش تعش تنتعش":ppu |
| الساعة الآن : 11:13 PM |
Powered by vBulletin® Version 3.8.5
Copyright ©2000 - 2025, Jelsoft Enterprises Ltd By AliMadkour