باركولي ...ودلوني
السلام عليكم ورحمة الله وبركاتة اتمنى ان الجميع بصحة وعافية ( اللهم لك الحمد حتى ترضى ..ولك الحمد اذا رضيت .. ولك الحمد بعد الرضى .. ولك الحمد على كل حال ) حبيت اخبركم اني شفيت من الصدفية (:ppuهاه عاد لاتنسون قولوا ماشاء الله تبارك الله :ppu) طبعا اكيد الكل بيسأل عن العلاج عموما ماراح اطول عليكم العلاج اللي استخدمته هو (علاج ام فهد ) ومن بداية استخدامي للعلاج كنت منزله موضوع في المنتدى كان بعنوان ( اللي جرب علاج ام فهد يدخل) يعني مدة استخدامي للعلاج تقريبا 10 اشهر والحمد لله الصدفية اختفت تماما بس بعض الاثار باقيه والاحظ انها تختفي بالتدريج اول بقع للصدفية اختفت في وجهي بعد تقريبا شهر من استخدام العلاج والحمد لله الي الان مارجعت ....يعني لها 9 شهور طبعا ماني عارفه كيف اوصف لكم معانتي مع العلاج لاني كنت احيانا اتردد اواصل وإلا اتركه لأنه في البداية تهيجت عندي الصدفية وبعدين خفت ..والقشور خفت بشكل كبير ...بس بقع الصدفية كانت تزيد مساحتها وتتفتح على بعض .حتى زوجي لو كنت سمعت كلامه كنت تركت العلاج ... بس بما ان فيه بقع اختفت توكلت على الله وقلت اواصل ..والحمد لله واصلت وكنت على اتصال مع ام فهد ونصحتني بإني اواصل ...الله يجزاها الجنة ..بصراحة الدرس اللي تعلمته ان اي علاج يحتاج الصبر.. ثم الصبر..ثم الصبر.. والتوكل على الله كنت استخدم مع العلاج حبوب الاوميغا3-6-9 والفازلين الطبي وانا تحت الخدمة لاي سؤال اواستفسار وحابة تدلوني على طرق الوقاية أسأل الله للجميع الشفاء التام |
رد: باركولي ...ودلوني
ماشالله تبارك الله مبروك ياختي شفاءك من هذا المرض
سؤالي لك ايش خلطة ام فهد وهل يوجد علاج داخلي غير الاوميغا؟؟ الاثار بيسطه اهم شي القشور تروح وترتاحين الوقايه استمري على اذكارك وربي مايضيع لك تعب ونصيحتي لك اشربي شاهي اخضر بدون سكر بعد العشاء وقدامك العافيه ياعزيزتي |
رد: باركولي ...ودلوني
الله يبارك بأيامك يالغلا وعقبالك ان شاء الله وجميع المرضى علاج ام فهد عبارة عن اعشاب طبعا استخدامها خارجي (تنقع بالماء ثم يدهن بها ) وما ستخدمت علاج داخلي غير الاوميغا غير اني حاولت اقلل من الفلفل والشطة والغازيات ومشكوووووووورة على النصيحة ياقلبي |
رد: باركولي ...ودلوني
ماشااء الله تباارك الله ألف ألف مبرووك أختي اللهم زد و باارك ان شااء الله ما ترررررررجع أيدااا |
رد: باركولي ...ودلوني
ماشاء الله تبارك الله
حبيبتي الف مبروك وان شاء الله ماتعود وان اطلت لاتخافي عالجيها بنفس العلاج اما عن ابني كان يعالجها بالديبروسلك وتروح بسرعه لانها ضعيفه اغسلي بالماء الدافي دائما ورشي بذر الكتان على السلطه او الروب او استمري على الاوميغا3 او اشربي شاي اخضر المهم لاتدوخين نفسك اعملي وحده من هذه الاشياء خاصة بداية الشتاء وافرحي واتمتعي بالشفاء ولاتشيلي هم |
رد: باركولي ...ودلوني
ألف مبروك الشفاء الحمدلله ربي لك الحمد الله يتمم عليج وما تشوفينها مرة اخرى الوقايه عدم الزعل والعصبيه وخليج بالترطيب بالفازلين والفال للجميع يارب يتشافون ويرتاحون |
رد: باركولي ...ودلوني
الف مبروك ياختي على الشفاء وكم مدة العلاج
بس ممكن رقم ام فهد ترسليه على الايميل ونوانها بالظبط لاني محتاجته ضروري |
رد: باركولي ...ودلوني
ماشاء الله الف الف مبروك شفائك واتمنى للجميع الشفاء العاجل |
رد: باركولي ...ودلوني
ماشاء الله تبارك الله
الف الف الف مبروك اختي على الشفاء وان شاء الله ما ترجع لك مره ثانيه بس يا سبحان الله انا استخدمت علاج ام فهد وستمريت عليه اكثر من شهر وكانت ريحته مرررره قويه وكانت ريحته قريبه من روث الابل وكانت مخلوطه معاه مرره مطحونه ولم استفد منه اي شيئ غير الحكه والاحمراررر بالمنطقه وخفت لا تزود عندي الصدفيه وتركتها والحمدلله على كل حال |
رد: باركولي ...ودلوني
الله يبارك فيكم جميعا وعقبالكم ان شاء الله اختي شيخة مدة العلاج اللي قالت لي ام فهد شهرين بس انا استمريت على العلاج 4شهور واختفت بقع من الصدفية وبقع كانت تزيد مساحتها بعدها كلمت ام فهد وقالت لي علاجك احتمال يطول لانك كنتي تستخدمي كريمات قبل وطلبت مني زيادة كمية العلاج واتركه فترة اطول على الجلد واستمريت مثل ماذكرت 10 اشهر والحمد لله اختفت تماما بس بقع بنيه خفيفه ابشري ارسلك الرقم اخوي فتى الخرج الله يبارك فيك وعقبال لك فعلا مثل ماقلت العلاج له ريحه لاتطاق وياما عانيت من الحكة والاحمراروفعلا زادت الصدفية وكنت بترك العلاج بس اول مالاحظت اختفاء الصدفية في وجهي وكانت عندي في مقدمة الشعر بقعة صغيرة واختفت استخرت وحسيت اني ارتحت للعلاج والحمد لله واصلت واول مااغسل العلاج كنت ارطب بالفازلين اسال الله بمنه وكرمه الشفاء لجميع مرضى المسلمين |
رد: باركولي ...ودلوني
مبروك وقدامس العافيه
الله ينفع به تم استخدامه من قبل قد يفيد مع البعض يسفه البعض الاخر الحمدلله انه فادس |
رد: باركولي ...ودلوني
ماشالله اليوم فيه اخبار حلوه الف مبروك اختي قمر خمسطعش والشهر كله...الحين انتهيتي من مرحله العلاج ابدي في مرحله الوقايه خليك لها بالمرصاد وان شالله معاد تشوفينها |
رد: باركولي ...ودلوني
مبــــروك الف مبرووووك الشفاء يااختي قمر15 دوؤوم بصحــة وعافيــة بدون صدفدف للأبـــد فرحت لكِ (ماشاء الله تبارك الله) الله يتمم لك على خيروان شاء الله ماتشوفينها:rolleyes: |
رد: باركولي ...ودلوني
اختى الف مبروك على الشفاء ولاكن ماهو علاج ام فهد وماهى الاعشاب وطريقة الاستعماللانى لم اسمع عن علاج ام فهد قبل زلك افيدونى :049:
|
رد: باركولي ...ودلوني
هلا اختي ما ارسلتلي الرقم
ارجوك انا محتاجته واين تسكن ام فهد :cool: |
رد: باركولي ...ودلوني
مبروووووووووووووووووووووووك
ماشاء الله والحمد لله على نعمة العافيه انا استخدمته 4 شهور وبعدين راح بس قعدت اسبوعين بعدين رجع وبعدين طفشت منه وبطلت الوقايه انسيها ولا عاد تفكرين فيها ولا في شكله وهي بتروح من نفسها بس لا تنسين ترطبينها عقبال الجميع يارب |
رد: باركولي ...ودلوني
السلام عليكم جميعا
عقبال الشفاء للجميع انشاء الله بخصوص ام فهد انا استخدمت العلاج وما نفع معى وراح التعب ولله الحمد بدون فائدة اتمنى من الجميع التاكد قبل استعمال اي علاج وخاصة الشعبيه وللعلم ام فهد كان لها دعايه فى جميع المنتديات وكثير الى ما استفدوا من علاجها |
رد: باركولي ...ودلوني
الله يبارك فيكم ومروركم غلى صفحة موضوعي نورلها والله اني اتمنى لكم الشفاء العاجل اخوي صمت الحرمان الله ييسر لك ويدلك على العلاج الشافي وجميع المرضى اخوي النمرالحزين انا فعلا قريت كثير عن ناس مااستفادوا من العلاج والبعض من هذا المنتدى بس حبيت اجرب والحمد لله نجحت التجربة وانا معك انه يجب الحذر من الادوية الشعبية وخصوصا الاعشاب لان استخدامها فترات طويلة يأثر بس انا لما شفت اني طولت في العلاج سألت دكتور وقال اذا كان الاستخدام خارجي ان شاء الله مايضر حتى لو سنوات .... وبالنسبة للدعاية ترى.. اوعى.. يجي في بالك اني اسوي دعاية :ppu لأني والله ثم والله ثم والله صادقة بكل كلمة كتبتها والله يفرج على الجميع |
رد: باركولي ...ودلوني
ماشالله تبارك الله أختي ...الله يديم عليك الفرحه والعافيه
تحملتي وصبرتي ونلتي سبحان الله عاد علاج ام فهد كثيرمن الناس ما ناسبهم |
رد: باركولي ...ودلوني
الله يبارك فيك اخت ازاير ومشكووووووة على مشاعرك الطيبة |
| الساعة الآن : 01:19 PM |
Powered by vBulletin® Version 3.8.5
Copyright ©2000 - 2025, Jelsoft Enterprises Ltd By AliMadkour