تغيير تكتيكي بحت مؤقت حسب معلومات وصلتني اليوم
مسيكم الله بالخير يا هلا ويا سهلا وكل عام وانتم بخير
والشهر عليكم مبارك ان شاءالله ما اعاد باقي ثلاث شهور ان الله احيانا المهم وانا اخوكم بضطر لعمل تغيير تكتيكي لخلطة الخل والفازلين لانو بعد دراسه والله ماطولت يعني اخذت لها اسبوعين وما قصر احد الاخوان بارك الله فيه طبعا هو مهوب معنا في المنتدى كنت انا قد قلتله جرب خل التفاح والفازلين وهو كانت صدفيته في راحة اليد وشي بسيط لا يذكر في انحاء الجسم والمهم وحنا نحتسي اليوم قهوة الصباح قلت هاه يا الشيفه وش اخبارك قال لا ابشرك تمام قلت الحمدلله بس قالي انو بعد ما خلصت الغرشه الاولى من خل التفاح يقول وانا رايح لم العطار الا وانا اقز ذي الغرشه الطخماء قالت وش انت شايف قال والله يا هجهوج شي يحبه قليبك قلت يبن الحلال اخلص علينا وش انت شايف قال والله لقيت خل بالثوم ويا هجهوج انت ابخص فيني انا اقدر الحوار والفلفل والزنجبيل والثوم ومير اقوم وقلت خلني اخذها ويقول اخذتها وخلطتها مع الفازلين وقمت اخذ خل عدد 2 غطاء واحطها بكاس ماء والتحها في اليوم مره ولا مرتين والمهم قلت طيب قالي ل التفاح احسه حق عيال النعمه يعني فخم شوي بس خل الثوم هذا حق المنتهين جربه يا هجهوج بس مره وحده وردلي المهم توني ما خذ لي غرشة خل ثوم تحياتي لكم ولثومكم وبصلكم وحبحركم ونوافيكم ان شاءالله بالاخبار انا والشيفه |
رد: تغيير تكتيكي بحت مؤقت حسب معلومات وصلتني اليوم
السلام عليكم
طرحتك تحتسي قهوه هاه ليش وين برنامجك يالطيب لاتقول ماسويته راح اقطع عنك الكبسة ........... اما بخصوص مجلس مضارب الباديه انت وخويك جزاك الله خير بس هل خل الثوم اصلي مامعه شي مخلوط انا عطيتكم مره قلت الجعده وخل الثوم ويصنع هكذا تقطع عشر روس ثوم وتنقعهم بكيلو زيت زيتون وخله لمدة اربعين يوم بس يصير ابيض معناته صار خل ثوم ماينوكل مهما كان بس يكون دهن والله من تحطه تروح الصدفيه على طول باذن الله تقبل مشاركتي فيه واحد حواج خويي يقول عندي علاج اعطيه اطفال وكبار ويروح منهم اعرف انه طبيعي يجينا من بره اذا احد يخلط معه شي ماعرف قلت لا ابي الاكيد ابيه لاخواني بالمنتدى قال ماني متاكد بس اضنه طبيعي |
رد: تغيير تكتيكي بحت مؤقت حسب معلومات وصلتني اليوم
والله يخوي يبو سلمى مدري هو طبيعي ولا لا
هو من نفس الاخوان حقين خل التفاح ما رخص الله الا الثوم وان كانهم بيغشون بالثوم اجل العسل وش بيسوون فيه |
رد: تغيير تكتيكي بحت مؤقت حسب معلومات وصلتني اليوم
شوية قهوه وتميرات الصبح
تخبر ما نقدر نفكر مضبوط الا بعد ما نصمد الراس بالدله والقدوع |
رد: تغيير تكتيكي بحت مؤقت حسب معلومات وصلتني اليوم
كويس
مافيه مشكله قلنا تاكلون تمر على الريق وهو مفيد لانه يطرد السموم اذا استمريتوا عليه ان شاءالله وهم يبعد السحر كما اخبرنا رسول الله صلى الله عليه واله وصحبه وسلم بس نبي اللي ورا التمر والدله وشو لاتقول كبسة على الريق هههههه |
رد: تغيير تكتيكي بحت مؤقت حسب معلومات وصلتني اليوم
هههههههههههههههههههههه
حلوه كبسه على الريق ياهجوهج انا جربتها مره بس مفطح وجالس اكل ومالي نفس اكل اخوي هجهوج يعني نغير الخلطه الموجوده ونبدل خل التفاح بالثوم والله فكره لانه يكون اقوى شوي ولا وش رايك نخبط عباس مع دباس خل التفاح مع خل الثوم مع الفازلين مع زيت النيم مع زيت الافندر وش رايك يابو سلمى انفع اصير خبير اعشاب انتبهو احد يسويها والله يروح غلطه انا معرف شي بس جالس اهجهول مع هجهوج |
رد: تغيير تكتيكي بحت مؤقت حسب معلومات وصلتني اليوم
السلام عليكم
انا من فترة كان في واحد قالي اجيب خل الثوم وادهن بيه وادعك المكان اللي فيه الصدفية جامد بس للاسف انا ملاقيتش خل الثوم في المنطقة اللي ساكنة فيها وساعتها سالته برده اجيبه منين قالي عند العطارين الكبار في الحسين ان شاء الله هبقي احاول اجيبه واقولكم اخباره ايه |
رد: تغيير تكتيكي بحت مؤقت حسب معلومات وصلتني اليوم
وش دعوى مهنا احد يبي يجرب خل الثوم ويعلمنا وش الهرجه
افا والله ما هقيتها منكم |
رد: تغيير تكتيكي بحت مؤقت حسب معلومات وصلتني اليوم
خذها مني فيه عجوز قبل عشر سنين
كانت تسوي عشر روس ثوم مع كيلو زيت زيتون اصلي تترك اربعين يوم في مرطبان بعدين تصفي الثوم وترميه وتاخذ الزيت وتدهن به وكان فعال 90 بالميه للصدفيه |
رد: تغيير تكتيكي بحت مؤقت حسب معلومات وصلتني اليوم
الله يجزاك خير يا اخي هجهوج على الخلطه الجديده
بس كيف تتوقع تكون ريحته ؟؟؟ يعني خل التفاح ريحته تقطع القلب مع انه تفاح وشولن خل الثووووووووم الله يستر اهل الدار بيهجون .. |
رد: تغيير تكتيكي بحت مؤقت حسب معلومات وصلتني اليوم
اقتباس:
وتصير خبير اعشاب ونا اخوك ليش لا محد انولد من بطن امه خبير كلها بالتعلم من اللي حواليك ومن التجارب وكلامك صحيح كل اللي قلتها له فوائد لمرض الصدفيه |
رد: تغيير تكتيكي بحت مؤقت حسب معلومات وصلتني اليوم
اجل اتكل على الله وسوي خلطه فتى الخرج
مكونه من : 1ـ فازلين 2ـ زيت النيم 3ـ زيت الافندر 4ـ خل التفاح 5ـ خل الثوم وبخلطها مع بعض وراح ابلغكم بنتايج انشاء الله بس اصبرو علي ادرو المقادير ههههههههههههههههه طلعت طبخه ماهي وصفه علاج بس لاحد يجرب الين اقول وش صار معاي خلال الايام الجايه |
رد: تغيير تكتيكي بحت مؤقت حسب معلومات وصلتني اليوم
موفق اخوى هجهوج وننتظر النتائج منك |
رد: تغيير تكتيكي بحت مؤقت حسب معلومات وصلتني اليوم
اتكل على الله
ول ول ياولد على طول نسب الخلطه له ويني انا وهجهوج قل خلطة فتى الخرج وهجهوج وابو سلمى الوايلي زينه الحين لنا ثلاثتنا وعلمني ياخوك وش صار معك |
رد: تغيير تكتيكي بحت مؤقت حسب معلومات وصلتني اليوم
اي والله اسف ياخوي ابوسلمى ويا خوي هجهوج
العين ماتعلى على الحاجب وتراي سميتها خلطها هجهوج وبو سلمى والله ينفع بها وراح استخدم شاي اعشاب ابوسلمى ميرامية +بابونج+بنفسج+زعتر بري+نعناع صحيح الخلطه هذي حقت الشاي ولا استخدم شي ثاني اخوي ابوسلمى |
رد: تغيير تكتيكي بحت مؤقت حسب معلومات وصلتني اليوم
كنت امزح معك الخلطه لك تمون هههههه
اي صحيح ونا اخوك هذي فعاله لتصفية الدم وتنقية السموم ان شاءالله |
رد: تغيير تكتيكي بحت مؤقت حسب معلومات وصلتني اليوم
انشاء الله اجمعها وبداء فيها انشاء الله
ودعواتكم لي بالشفاء انشاء الله |
رد: تغيير تكتيكي بحت مؤقت حسب معلومات وصلتني اليوم
السلام عليكم
أسأل الله أن يشفيك أنت والأخوه شفاءاً لايغادر سقماً اللهم آمين أخي الكريم انشالله لايجوز كتابتها هكذا فهي حرام تنقال لانك تشبه الله عز وجل بالمخلوقين تعالى الله علواً كبيراً فقل ياأخي أن شاءالله بارك الله فيك |
رد: تغيير تكتيكي بحت مؤقت حسب معلومات وصلتني اليوم
افا محدن ابد منكم جرب خل الثوم ما هقيتكم تسذا
|
رد: تغيير تكتيكي بحت مؤقت حسب معلومات وصلتني اليوم
يعطيك العافية الأخ المبدع هجهوج ,,,,
جهودك ملموسه ,,,ولا يهون الجميع ,,, الى الأمــــــــام ,,,,:_11: |
رد: تغيير تكتيكي بحت مؤقت حسب معلومات وصلتني اليوم
ليش يابو الهجاهيج
انا جالس احضر لخطله جديده من توليفك ومن توليف مشرفنا الغالي ابوسلمى ونشاء الله تجيب نتايج حلوه بس دعواتك حبيبي |
رد: تغيير تكتيكي بحت مؤقت حسب معلومات وصلتني اليوم
السلام عليكم
أسأل الله أن تجيب نتيجه سريعه وهي أن شاءالله ستجيب نتيجه سريعه بحول الله وقوته |
| الساعة الآن : 12:15 PM |
Powered by vBulletin® Version 3.8.5
Copyright ©2000 - 2026, Jelsoft Enterprises Ltd By AliMadkour