حوار بسيط بيني وبين صدفيتي
السلام عليكم ورحمة الله وبركاته شلونكم انشاء الله الجميع بخير قد تستغربون من الموضوع حوار بيني وبين صدفيتي بدون مقدمات وما أطول عليكم مستعدين تقرون حياكم بس لاحد يسمعكم لا تاخذون فكره ان ام ناصر وصلت مرحلة الجنون والعياذ بالله صدفدف شتبون بعد مدلعتها مع ان مدمرتنا الله يعينا اعتبرتها ضيفه زايرتني ودار الحوار بينا أنا /يا هلا ومرحبا هي /يا هلا فيج ويشفيج أنا /عسى ما شر شنو جايبك هالوقت هي / شجابني عصبيتك ونرفزتك وحرارة قلبك صدقيني انتي شايله غل علي تكرهيني كره والله العالم بس تدرين انتي محظوظه أنا /شلون محظوظه وأنا تعبانه هي /تدرين هالمرض موبيد البشر هو بلاء من الله سبحانه وتعالى وشي تاجرين عليه انشاء الله أنا /ونعم بالله الحمد الله والشكر راضين برضاء الله وقدره أنا /ماقلتيلي زيارتك كم يوم هي /ضحكتيني قولي كم شهر أو سنه أنا /لا لاتقولين الضيافه ياعزيزتي عندنا 3أيام فقط المهم شنو تبين ضيافتك عندى لك الكثير الكثير كله عشبي مش كرتزوني هي /ابي صابونة الكبريت أنا / حاضرين للطيبين أنا / وما قلتيلي شنو اللي يزعجك هي /أه اللي يزعجني خلطة هجهوج بالخل الصراحه طعمها جنان بس مدوخاني شوي أنا / أشكرك على تنبيهك لي على الشي اللي يخليج منتشره بكل مكان بجسمي وقراري الاخير لازم أغير من نفسيتي ولازم أكون هاديه عند مواجهة أي مشكله في حياتي وسلاحي هو القران الكريم والاستغفاروالصبر على البلاء والحمدلله والشكر النهايه يا اخوان انشاء الله اعجبكم الحوارالبسيط والغايه أن ازرع البسمه لكم والفرح والضحكه اللي احنا محتاجينا الحين ودعائي لكم جميعا ان الله سبحانه وتعالى أن يشفينا ويرفع عنا جميعا وجزاكم الله ألف خير |
الله يوسع صدرك بالعافيه يم ناصرررررررررررررررررر
انتضري اجل حوار هجهوج وصدفيته بنفس موضوعس ان شاءالله |
:confused: هلا ياام ناصررر والله الصدفية بلوووه وكارثة هزتنا:049: وزلزلتنا الله يخارجنا منها على خير والله اني اطالعها كل يوم واشوف القشرة اشيلها القيها اليوم الثاني:confused::mad:مرتزة كانك ياابوزيد ماغزيت والله حاله احيانا اقول هذي ماتطفش رازة عمرها :king:في كل مكان مسوية احتلال صهيوني:icon14: الواحد صار يتفشل يبان شي من جسمة والسبب اللي ماتسماش الله يفكنا منها على خير.. بس متى متى نرتاح منها!! |
ههههههههههههههههههههههه
الله يسعدك يام ناصر وان شاء الله ماعاد نشوفها بخلطت الخل و عرفنا اهي وش تحب ووش تكره |
حبيبتي ام ناصر محاوره حلوه بس هي ماتفيد معاها الطيبه
وكان لازم اتشوفيها العين الحمره واتكونين مسيطره واثقه من نفسك بانها ضعيفه وانت الاقوى بعد كان لازم اتذكرينها بان ايام الشتاء هي بدية الصيف كما قالت احدى الاخوات وان الصيف لناظره قريب وتهدديها بالخلطه الدهيميه اللي تخاف منها وماتنسين بانك لست وحدك بالمواجهه لان الله وكل الطيبين في المنتدى معاك لذلك النصر عليها شي اكيد |
أشكركم على مروركم الطيب (هجهوج-بسمه-صمت الحرمان -ريم50)
الاخ هجهوج ننتظرمنك محاورتك معها والجميع اللي يبي يفضفض مافي مانع هذه الصفحه للحوار اللي في خاطره شي يقول حتى يرتاح انتقام منها بس على دلع بالنسبه لك اخت ريم( وكان لازم اتشوفيها العين الحمره) لازم اسايسها حتى لاتغضب ههههههه ابشرك التهديدات جايه على الطريق وجزاكم الله ألف خير وأسعدني مروركم |
تسلمي يااخت ام ناصر على هالحوار الرائع ولكم هذه الفائدة (قد يشاء الله بقاء المرض مع تكامل الأسباب لحكمه يريدها ,من تفويض الأمر لله ,وتمحيص لذنوب العبد ,ومن الإبتلاء لهذا العبد ؛لأن الله يحبه كما حصل للنبي إبراهيم عليه السلام حينما ألقي في النار ,وفي قمة البلاء وفي هذه اللحظة جاءه الفرج بنصر الله (قلنا يانار كوني بردا وسلاما على ابراهيم ) ,,,منقول وأسأل بمنه وكرمه الشفاء للجميع |
أشكرك وتسلم على مشاركتك و مرورك قمر 15 وجزاك الله خير |
اتمنى للجميع ان تكونوا سعيدين بالحوار لاحضو حتى لوقريتو أكثر من مره أراهن انكم تبتسمون الجميع منورين الصفحه |
الصدفيه ...هلا هجهوج حبيبي
هجهوج...مرحبا بقدر الله الصدفيه...الحين حنبدا والان عام 2001 م هجهوج...ما تصبرين شوي الصدفيه...خلنا نبداء الحين وترانا مطولين هجهوج...انا عارف انس نشبه وعومه وقليلة ادب الصدفيه... ماعليش حبيبي هجهوج ببداء براسك عشان اكون قريبه لتفكيرك هجهوج...حسبي الله عليس ونعم الوكيل خليني في حالي لا تخربين اللي بنيناه طول السنين الصدفيه...مو انت شايف نفسك انك تحب الصعاب وما خذ في نفسك مقلب هجهوج...انتي وش حارق رزك صدق اللي اختشو ماتو الصدفيه...اتمنى ان تثبت لي وتقاومني ان كنت مثل ما تقول انك قدها هجهوج...طيب نشوف والله كريم الصدفيه...اسفه هجهوج والله ما ضايقني من يوم جيتك الا اني بكيت امك كثير هجهوج...ثقي ثقه تامه بماء انك وصلتي لوالدتي فصدقيني دخلنا في الجد من الان الصدفيه...اسفه احرجتك مع اطفالك من كثر اسئلتهم لك وحز في خاطري حزنهم لمن يشوفو قطرة دم فيك هجهوج...يعلم الله ان زعلهم بداية نهايتك يا شينة الحلايا الصدفيه...اتعبتك في العلاج لفيت الدنياء تدور علاج واثرت عليك في عملك من جد اسفه هجهوجي هجهوج...تبا لس ....لن اكل ولن امل حتى ادعك موقف ثقيل دم وعديناه الصدفيه...وش استفدت مني يا هجهوج هجهوج والله ما شفنا من وراس الا الهم وضيقة الصدر بس تدرين والله انه بسبتس تعرفنا على كرام وكريمات وداحرين وداحرات للشيطان بنقضي عليس سويا الصدفيه...هجهوج اعترف لك كنت مقاوم شرس هجهوج...لاتخافين معي الله سيرحمني ولساء ما شفتي شي الصدفيه...طيب هجهوج تامر شي هجهوج...مشكوره ورايتس زفت يا ثقيلة الطينه يا قليلة الادب يا عديمة الاحساس والضمير ياللي مالس خاتمه ودواس ان شاءالله عندي يا نشبه |
خلنا نبداء الحين وترانا مطولين:icon14: والله انها صادقه هههههه:) والله ياهجهوج اكتمل الحوار 100% الله يعطيك العافيه بس تصدق صدفيتي اشوا منك الحمدلله الظاهر ياخوي لاصدفيتك ولاصدفيتي;) داحرين الشيطان والشياطين يا نشبه( إلا نشبتين واكثر ) ومالنا إلا الصبر والثبات ألف شكر لمشاركتك على الاقل فضفصت شوي |
خلونا نشوف من عنده أسوأ صدفيه قررت اسوي استفتاء لصدفدف المجال مفتوح للجميع إللي يحب يشارك حياه الله |
مشكوريين يا ام ناصر حبيبتي ويا اخي هجهوج على العرض الجميل وبسم الله توكلت على الله صدفية هانم/ سلام عليكم آنسة انسام اشلونك انسام/ لولا ان السلام لله ماكنت رديت عليك يا.....استغفر الله العظيم شوفي مجرد سلامك راح يعصبني ويحلا لك الجو تنتشريين وتتكاثريين يا الملعونة صدفية هانم/ خففي ضغطك شوي لساني ضيفة عندك وممكن اتحملك طفلة وصغيرة 9سنوات ماراح ازعل منك مثل مازعلني هجهوج بكلامه انسام/ آآآآآه منك يا الملعونة لساتني صغيرة وقدامي حياة حلوة نفسي اعيشها خليني اكبر شوي 9 سنوات يا الظالمة طفولتي راح تحرميني منها . بعد مرور 15 سنة صدفية هانم / اهلين بالغالية خليني شوف لساتك بتذهنين ماادري شو... انسام /فزعتيني بسم الله الرحمن الرحيم صدفية هانم / لا وقويتي وشايفاك اصبحتي تعملي خلطات وتركيبات وبقياسات مظبوطة كأن هذا الذهان شايفته عند سيد عبد العال او عند ريحانة العراق وكثيريين من عصبة الصدفية بملتقاكم المتجمعين فيه . انسام /بسم الله علينا عينك باردة وان شاء الله هذه آخرتك على ايدينا وفي هذا الملتقى راح تكون نهايتك . صدفية هانم / اوكي ورونا حتعملو ايه ...خليني من كلامك اروح ازور احد ثاني العب على نفسيته شوي هذا جزء من حواري معها وما اكثر الحوارات وتقبلو لهجتي انا دخلت خليجي على مصري لو حكيت مغربي ماراح تفهمون شيئ . شكر خااااص للحبيبة ام ناصر على الموضوع الشيق "صدفدف" |
مرآآحب
ههههههههههههههههههههههه صراحه ضحكت من قلب وانا قلبي مفطور من صدفدف الله الله صرنا من ورى هالمرض مبدعين ظهرت مواهب الاعضاء :) اشكرك ام ناصر ع الفكره المبدعه ينفع الواحد يكتب قصه وحوار من ورى راسها وانشاءالله قريب اكتب حوار مع البرنسيس صدووفه والله صرت احسب لها الف مليوون حساب عشان لاتزعل وتعفسني :) |
حياج الله يا اخت انسام :cool:نورتي شاكره مشاركتك ومرورك وعلى فكره بالنسبه للهجه صدقيني حلوووه :D ويعطيك العافيه يا هلا بإخت حلا /صراحه ضحكت من قلب صدقيني هذا مطلبي ابي الجميع يكون سعيد:) ويضحك وبالنسبه للفكره :confused:والله وانا جالسه على طول طرت في بالي موعارفه شلون والله صرت احسب لها الف مليوون :10:حساب عشان لاتزعل وتعفسني اهم شي انك تشترين رضاها تحمليها تبي تبي دلع شوي اهتمي ببشرتها حبيتي لاتخلينها شهبه :ppu:ppu:ppu وننتظر حوارك عزيزتي |
الله يبارك فيك كل هذا الابداع اكتسبناه منك يا صاحبة القلب الطيب
|
الله يبارك فيك كل هذا الابداع اكتسبناه منك يا صاحبة القلب الطيب
ويبارك فيكم جميعا /جميعكم الحمدلله مبدعين أكثر منى صدقيني مش مجامله في هذا المنتدى الطيب كلنا يد واحده نكمل بعضنا البعض الله لايفرقنا جزاك الله خير |
ههههههههههه اما ناصر هجهووج انساان ضحكتووني بزااف الله يعطيكم الصحة و الله الحمد لله الواحد يلقى له مكان و ناس يستمعوون له الله يشفي الجميع ياااااااااااااارب |
ههههههههههههههههههههههههههههه فكره حلوه جدا يا ام ناصر لو ما كنتيش كتبتى الجزء ده اقتباس:
ان شاء الله ربنا يبعدها عنك وتقدرى تتغلبى عليها وتطرديها الصدفيه بالنسبة لى ليست ضيف لاكنها مُحتل تنتظر اى خلل للدخول منه ومع سوء الحالة النفسية تنتعش |
أشكرك على مرورك يامجنون مصر
لو ما كنتيش كتبتى الجزء ده لان الناس أذواق البعض منهم يكونون معك والبعض الاخر ضدك بالفكره اللي يخليني أكتب تقولون ام ناصر وصلت مرحلة الجنون هوبالحقيقه مرض جلدي ولا يمكن ان تحاوره ولاكن هذا خيال نغذي به العقل الباطن المطلب منه ان الانسان يضحك ويفرز هرمون موجود بالمخ وووووو انشاء الله وصلت الفكره وجزاك الله الف خير يوجد جزء 2 بعد كم يوم انتظر |
اكيد ننتظر
|
ماشالله حوار رائع
انتظرونا ان شالله |
حوار 2مع صدفدف أم ناصر /شجايبك عندنا اليوم صدفدف /بعد مايحتاج ماتشوفين درجو الحراره عندكم وصلت كم درجه واحده الله أم ناصر /يعني انتي ماتجين إلا بالزعل أوالبروده صدفدف / بعد شتبين اسوي انتي الله يهداك ماتخلين الواحد ماخذ راحته دايما مضايقته :10: أم ناصر / شلون :) صدفدف /أنا كل ما أحس بالبرد ألبس الفرير الابيض (يعني القشور )وكون في قمة السعاده وكاشخه تجين بكل قوه تحطيلي هالخل والفازلين :049:وأقوم ارشح تصيبني فلونزا وانتى ماتدرين حرارتي تزيد وانا أشوفك فرحانه لاني مرشحه أم ناصر / بعد هذي الدنيا يوم لك يوم عليك:D صدفدف / يصير خيررررررر :icon14: أم ناصر/ بعد ماشفتي شي والله لاخليج تكرهين اليوم اللي جيتيني فيه صدفدف /ديري بالج تحديني أم ناصر /لا انا ماتحداك ترى لازم تعرفين انا مومقصره عليج صارت طلباتك كل شهر مع طلبات البيت صدفدف /انا شايفه وعارفه انتي موملحقه تصرفين للبيت ولي أم ناصر /بعد شسوي ابي أجرانا ما أخليج تحتاجين أحد لازم اترس عينج صدفدف / رايتك بيضه يام ناصر أم ناصر /لا تكفين لاتقولين بيضه ما ابيها تطلع منك لانه ماوراك الا القشور والحكه صدفدف/ام ناصر شنو تبين مني أم ناصر /ابيك تروحين بحال سبيلك تاخذين عيالج واخوانج وهلج كلهم وترحلين (الصدفيه المنتشره بالجسم ) صدفدف /لا انا ما أحب الوداع ;) ام ناصر /الوداع اللي يجي من وراج بالنسبه لي يوم سعيد بحياتي :ppu صدفدف/بس انا احبج:cool: أم ناصر /حبتك القراده صدفدف /خلاص يم ناصر انشاء الله بعد اسبوع أو أكثر راح اروح منك أم ناصر /من بؤك لباب السما اللهم أمين أمين :av1: بعد عندي لك طلب أخير قبل لاتروحين خذي عيال عمك وطوايفك من اخواني وخواتي في المنتدى جميعا حتى اللي من الزوار ياصدوفتي أفكر:icon14: بموضع اصدقائك ....................... |
حوار رائع فيه من التفائل الى بجد محتاجينه
اسلوبك فيه هادئ وفائلك طيب وان شاله روحه بلا رده يا صدفدف |
رد: حوار بسيط بيني وبين صدفيتي
السلام عليكم ورحمة الله وبركاته حبيت أرجع هذه الصفحه للفرفشه صاير المنتدى كله طرق وتجارب حاسه فيه أعضاء شويه مكبوتين فلهم مني هذا الحوار البسيط ولعل وعس يعجبكم ويضحكون شوي كان في ثلات أشخاص لهم عدة طرق لعلاج الصدفيه 1-استخدم ع هجهوج 2- دهيميه 3-حايره بين الزجاج والحنه وشرب الخميره الحوار 1شلونك يا صدوفات شكلكم مو مبسوطين 2لا الحمدلله مافينا شي 3أنا القاها منين ولا منين لوني تغير ومنتفخه 1هههههه شنو اللي تافخك يا صدوفه 3بعد شنو الحنه مغيره لوني والخميره تافختني 1ههههه هذا ستايل جديد وماشي معه الموضه لون وشكل 2 يا جماعه هدو شوي شفيكم (طبعا فيها لمعه شوي ومتكبره عليهم 1 أف عاد جتنا أم لمعه شعليه من قدك صاير لونج طبيعي 2اللهم ابعد الحسد عني وانا ناقصه أرجع مثل أول 3اللهم لاحسد ان شاء الله نوصل للي وصلتيله 1شوفي يا صدوفات اسمعو كلامي خليكم فتره على الخل وبعدين نتبادل ما بينا من خلطات شرايكم نصير اسره واحده 2كلامج صحيح وانا ماعندي مانع بالخدمه 3وين وين وصلتو شفيكم تتساسرون 1رجاءا مانبيك بالحسبه لان لحد الان ماشفت نتيجه منج اللهم نفخ وتفخ ولون 3اللي ما يطول العنب يقول حامض 1ليش انتي ذايقتني 2ولا انتي عاد ما صدقتي خبر أنا شوفيني صحيح سويت شد ولمعه والحين انا فيني رونق 1ماشاء الله عليكم الكل يمدح نفسه حبينا نساعد بعض أنا بالشتا وانت 2بالصيف 3ذكرتيني باغنيه عزيزه على حبيتك بالصيف وكرهتك بالشتا 1عاد محنا مخلصين منج 3حنه حنه منو جايب سيرتي 1و2 والله لو نقعد من الحين لين باجر ما خلصنا منها بس أقول 1نشوفك على خير يا2 والى اللقاء يا3 |
رد: حوار بسيط بيني وبين صدفيتي
يام ناصر يالحبابه والله هذه طريقتك حلوه ومفيده
شوفي عندما انسان يغتاظ من احد او يكرهه ولايستطيع ان يجابهه يظل محتصر وضايج خلقه لكن اذا خلاه قدامه واتكلم معاه وقال كل اللي يريد يقوله والله يرتاح وانتي يالغاليه خاله عدوج قدامج ونازله عليه بالكلام منها ترتاحين واتفشين غلج ومنها تخففين من حالة الغضب اللي عندج وهذا كله علاج يساعد الدهون والزيوت والخل وغيرها استمري ياام ناصر لحد ماتعوفج وهي اتقول اريد افارجج واخلص منج واخيرا تره اسلوبج كلش حلو وخفيف الظل |
رد: حوار بسيط بيني وبين صدفيتي
حلو هالموضوع ...الله يديم عليج بالعافية ...ضحكتيني ...:D :eek:أم ناصررررررررررررر:eek: |
رد: حوار بسيط بيني وبين صدفيتي
شكرا ياخاله ريم ويا إخت الانوار
صدقيني حبيت الجميع يضحك وازرع البسمه فيكم وانا حاليا مافيني شي عافتني عوف ابشرك واخيرا تره اسلوبج كلش حلو وخفيف الظل شهاده أعتز فيها من الخاله العزيزه ريم 50 والشفاء للجميع وجزاكم الله ألف خير |
رد: حوار بسيط بيني وبين صدفيتي
بشرك الله بالخير..:cool:.فرحت لخبر شفاؤك النهائي تستاهلي .:cool:.أم ناصررررر :_11:اللهم اشفينا جميعا:_11: |
رد: حوار بسيط بيني وبين صدفيتي
ههههههههه اضحك الله سنكم ياام ناصر وياهجهوج والله ضحكت
اسال الله ان يجزيكم على الصبر حسنات يوم لقياه امين واسال الله ان يفرج همكم وينور صدوركم بالطاعة والايمان اللهم امين |
رد: حوار بسيط بيني وبين صدفيتي
وااااااااااااااو موضوع روعه يام نصووور موغريبه عليج هالمواضيع الحلوه..
انا بقولكم حواري مع اقزيمتي .. الاقزيما : مرحبا ساارونه اشوفج شاده حيلج هالجم يوم مابقى شي ماجربتيه ... شطااري عليج ؟؟ لاااا يكون ناويه تقضين علي.. سارونه : بصراحه تعبت منج .. وانحرمت من شغلات احبها والسبب انتي انا بحاول بشتى الطرق ابعدج عني.. الاقزيما:افاااااا سارونه .. وصلتي لهدرجه .. خلاااص... ترا انا جزء منج .. انا تربيت معاج .. قضيت معاج الحلوه والمره .. بكل سهوله تتنازلين عني ... اذا انتي ماتبيني ترا انا ابيج .. انا احبج ... مااقدر استغني عنج .. سارونه : خلااص كسرتي خاطري قعدي لاتروحين .. بس لاتأذيني .. لاتحكيني .. ولاتحرجيني..ولاتحرميني من اللي احبه.. وبالنهايه بسبب قلبي الطيب ... كنت ضحيه اقزيمتي لوووووووووووووول ام ناصر ترا قاعده اكتب واضحك بنفس الوقت ...الله يوسع صدرج حياااتي |
رد: حوار بسيط بيني وبين صدفيتي
ههههههههههههههههههههه سارونة حلو الحوار مع اقزميتك |
رد: حوار بسيط بيني وبين صدفيتي
الله يسعد ايامك يا أم ناصر على الحوار الحلو
والله شفيتي غليلي منها الله يشفيك من كل اذى تراها الملعونه تخاف من خلطة هجهوج انا كل يوم راح اكلمها واقول (اذا ما غبتي عني راح اتصل على هجهوج ههههههههههههههههههه) الف الحمد لله الامور معي بخير مع خلطه ابو الهجاهيج وشكرا على الموضوع الحلووووووووووووووو:rolleyes::rolleyes::rolleyes:: rolleyes::rolleyes::rolleyes::rolleyes::rolleyes: |
رد: حوار بسيط بيني وبين صدفيتي
ياام ناصر والله اني موقلقه عليج اعرفج شاطره واعرف ومتاكده بان الصدفيه عندج تلفظ انفاسها الاخيره
لكن هذه بشاره حلوه انها انتهت وخلصج ربي منها واصدقك القول انا كلما اريد اكتب شي يضحك مااقدر يطلع جدي ودمه ثقيل لكن ماشاء الله عليك اسلوبك يضحك وحلو |
رد: حوار بسيط بيني وبين صدفيتي
مشكورين على مروركم وشكرا يا خاله وان شاء الله تفرحين بزواج ابنك ونفرح معاجأهم شي انكم ضحكتو شوي يا سارونه قلبج حنين عليها المثل يقول طاعك الزمن ولا طيعه بس عطيها العين الحمره هالاشكال ماتجي بالساهل وانا اختج اخوي ساري الحمدلله اهم شى ان تكون نفسيتك مرتاحه والله يسعد أيامك وشكرا لابو سلمى واقول أمين الله يسمع منك وجزاك الله خير |
رد: حوار بسيط بيني وبين صدفيتي
ابتسموا وضحكو ولا تشيلون هم مرضكم يا اخواني وخواتي كل ماطنشتو هالصدوفه راح تتراجع صيرو أقوى منها لاتهزكم ولا تحزنكم ولا تنزل دمعه من عيونكم بل ابتسموا والله كريم والشفاء لكم جميعا المصدفين ولغير مصدفين الله يلبسكم ثوب العافيه ويعطيكم الصبر حتى تفرج لكم اللهم أمين يارب العالمين |
رد: حوار بسيط بيني وبين صدفيتي
السلام عليكم ورحمة الله وبركاتة الله يبارك فيك أختى أم ناصر قرأت وضحكت .. وفرحت .. وبكيت .. وسعدت .. وأحترت ضحكت كثيراً على هذا الحوار الجميل فرحت لهذة الروح المعنوية الطيبة بكيت ألماً على صدوفة اللعينة سعدت بأخت لنا لها هذا ألأبداع الفكرى الراقى أحترت .. على خيبة أملى فى صدفدف . كيف لها أن تعيش مع أنسانة لها كل خفة الظل وروح الدعابة واللباقة وأنا أعلم أن صدفدف قد أخطأت طريقها إليك فمكانها دائماً مع من لايحمل غير النكد والنفسية السيئة والقلق وآخرهم القنوط برحمة الله .. وأرجوك كل الرجاء أن تقولى لها فى حوارك القادم معها ..( ياصدفدف ) أن الله وعدنا سبحانة وتعالى بدحرك . ولاحياة لك معنا وكل منا يشد بأذر أخية فى رباط واحد ولا تخافيها أبداً وأطلقى عليها نيران أرادة الله فهو الله وحدة سبحانة وتعالى من أرسلها وهو وحدة جلت قدرتة من سيواريها الثرى . قولى لها أننا ورائها ولن نكل أو نمل من البحث على كل مايدحرها ويقضى عليها حتى نقوم جميعاً بتشييعها إلى مثواها ألأخير بأرادة الله سبحانة وتعالى وأرادتنا القوية .. وأعرف أننى أحد أعدائها اللدودين .. وهى تعرف جيداً من أكون .. قولى لها هاهو من أنتصر عليك بقوة عزيمتة وأصرارة ولم تستطيعى أمامة غير الفرار . تجرين أذيال الهزيمة النكراء .. بعد أن وقف لك ولأتباعك وشرازمتك بالمرصاد . يقتلهم الواحد تلو ألآخر حتى قضى عليهم كما سنقضى على باقى أفراد أتباعك ونستأصل شقفتهم عن بكرة أبيهم وأمهم وأعمامهم وحتى أخوالهم .. وسيأتى ياصدفدف علينا ان شاء الله اليوم الذى ترفعين فية راية الهزيمة أمامنا وتلوزين بالفرار .. على الرغم من أن طيبتنا وحناننا قد يجعلنا يوماً نشتاق إلى رؤياك أخلاص منا لذكرى أيامك المؤلمة وليس لك أنت .. بارك الله فيك أختنا الفاضلة أم ناصر .. فهذة الروح المعنوية العالية هى سلاحنا ألأوحد أمام صدفدف الكريهة فى أمان الله |
رد: حوار بسيط بيني وبين صدفيتي
كل الشكر والتقديرلك يا استاذنا الفاضل فكري على مشاركتك التي اسعدتني كثيرا وان شاء الله بالحوار القادم ساكتب ما طلبته بإذن الله تعالى وجزاك الله ألف خير |
رد: حوار بسيط بيني وبين صدفيتي
نهايـــــــــــــة صدفدف كيفك يا صدفدف أنا زعلانه يام ناصر لاني ناويه أهاجر تهاجرين ليش انا عندي لك اقتراح انتحري حتى ما تبلين غيري فيك كثر ماصبرت ياصدوفه جاء اليوم اللي راح تندمين لانك كنت عنيده على شوى ولاكن الله سبحانه وتعالى قادر على كل شي ء ان الله مع الصابرين على فكره يام ناصر حبيت اهنيك بعيد الام واقول كل سنه وانتي طيبه أنا طيبه مو بس بعيد الام بدحرك والحمدلله يعني شنو دحرك يعني ذهابك للأبد بس يمكن راح اشتاقلك يم ناصر لان انتي حبيبه وطيبه ما استغنى عنك خلينا نفتح صفحه جديده بيني وبينك أو ساعة صراحه قبل لاروح يعني شتبين بالضبط عندى لك كم سؤال ياليتك تجاوبيني يم ناصر تفضلي بس لاطولين أنا مشغوله شوي كيف عرفتى شخصيتي وابيك تقولين شلون وصلتي لنهايتي عرفت شخصيتك تحبين اني أتنرفز بين زوجي وأبنائي وتكونين انت بالمرصاد تشوفيني بنظره حاقده وتحبين الزعل أعطيك من الاخر انتي نكديه يا صدفدف ههههه نكديــــــــــــه انا فيني بصراحه صفه مو كويسه شني هي يا صدوفه الملعونه أنا فيني غيره غيره يام ناصر انت فيك احساس علشان تكون فيك غيره أنا أغير من اللي يضحك ويكون فرحان وسعيد هذي صفه زينه ياصدوفه لالالالالا تقولين هذا لارجع بكلامي رجعي الحين انتى بالنسبه لاشئ يعني شلون يام ناصر انتى ما تهميني الله عطاني الصبر والاجر والحمدلله الشفاء اللي بيني بينك الله سبحانه وتعالى اذن لي بالشفاء ربي لك الحمد بس فيك ميزه يام ناصر كل شئ تقولين حق اخوانك وخواتك اذا تشافو وين نروح احنا الصدوفات شربو ماء البحر من خلطات وسنفرات وصابونات وهذا شي طيب بالنسبه لي ابيهم كلهم يطيبون ويتشافون لاني عرفت فيك نقطة الضعف والقوه ياصدوفه والحين أنا عندى لك هديه اقبليها اللي بينا عيش وملح مثل ما يقول المثل تكفين لاتجيبين سيرة الملح ضغطي يرتفع منه هههههه علشان تعرفين انى عرفتلك عدل ياصدوفه المهم هذي علبه اخذيها وافتحيها وانت رايحه العلبه تتكون بيني وبينكم (خل التفاح +والكتان +والبابونج +وعلبة فازلين وشوية صابونات من الكبريت والسالسليك وكفن أبيض) متشكره يام ناصر على الهديه لا لاشكر على واجب ياصدوفه وبالطريق فتحت العلبه وشافت الخل وربعه وماتت بالسكته القلبيه الله لايرحمها النهايه |
رد: حوار بسيط بيني وبين صدفيتي
بارك الله فيج يم ناصرررررررررررر
انا قاطع معها الحوارات والعلاقات الدبلوماسيه ومنزلين الاعلام وساحبين السفراء |
| الساعة الآن : 12:29 AM |
Powered by vBulletin® Version 3.8.5
Copyright ©2000 - 2026, Jelsoft Enterprises Ltd By AliMadkour