أناس بدون أهداف
صليت العصر، وقاعد شوية في الجامع بعد الصلاة، لقيت واحد جارنا لسة نازل من بيته عشان يصلي
ففكرت تفكير عادي … ياترى الراجل ده كان قاعد بيعمل ايه في البيت؟ فقلت: يا إما بيتفرج على التليفزيون، يا إما بيتكلم مع زوجته، يا إما نايم من الفراغ. قلت: يعني هو ما عندوش شغل؟ وبعدين افتكرت إنه عنده محل، والمحل شغال ماشاء الله وهو بس بيحتاج يشرف كل فترة من غير ما يتدخل أوي وده مش بيحتاج منه وقت كبير وبعدين فكرت في حال الناس عموما في موضوع الشغل بعض الناس عيشتها كالآتي يصحى الصبح يصلي ويفطر وينزل الشغل ويرجع من الشغل يقعد يتغدى ويقعد مع أهله شوية وبعدين يدخل ينام وبعدين يصحى الصبح يصلي ويفطر وينزل الشغل وهكذا………… إلخ سبحان الله ايه العيشة دي؟ هو المفروض الإنسان ييجي الدنيا يدور في طاحونة الدراسة وبعدين الشغل وبعدين العيال وبعدين……. وبعدين ايه؟ وبعدين يموت!! يقابل ربنا ازاي؟ يقابل ربنا بإيه؟ ايه لزمة الحياة بالطريقة دي؟ قلت: سبحان الله … الناس حولت الوسائل إلى مقاصد يعني ربنا أصلا خلقنا عشان نعبده، وفي نفس الوقت جعل لنا وسائل نعيش بيها منها الدراسة ومنها الشغل ومنها الزواج ومنها الأولاد لكن تلاقي الناس دلوقتي خلت كل همها الدراسة والشغل كأن ربنا خلقنا عشان ندرس ونشتغل!! ايه فايدة الحياة دي من غير هدف أخروي كبير؟ فيه ناس عرفت هدفها الأخروي فتلاقي الداعية وتلاقي العالم وتلاقي اللي بيتبرع بفلوس لجهات خيرية وتلاقي اللي العبادة مالية عليه حياته وتلاقي المشغول بحل مشاكل الناس وتلاقي وتلاقي … لكن أنا وانت عملنا ايه؟ ياترى هنقابل ربنا ازاي؟ هنقول له ايه؟ ياترى احنا لينا لازمة في الحياة دي ولا عايشين زيادة على الدنيا؟ ساعات لما بفكر في إحدى الآيات ببقى هتجنن وهي آية (ثُمَّ لَتُسْأَلُنَّ يَوْمَئِذٍ عَنِ النَّعِيمِ) يا الله هنتسأل عن كل النعيم ده؟ بيت مستقر عيشة مناسبة مستوى اجتماعي كويس كمبيوتر وانترنت سرير مريح وبطانية بتتغطى بيها وانت نايم ما قعدش جعان كذا يوم ورا بعض ثقافة وعقل متفتح لو قعدت أعد مش هخلص كل ده هتسأل عنه عملت بيه ايه؟ وازاي استخدمته في طاعة ربنا؟ يا الله هنقول لربنا ايه؟ يا رب رحمتك وفي الآخر يا ترى ايه الهدف الأخروي المحدد اللي أنا عايش عشانه؟ وهل فعلا بسعى في تحقيقه؟ هادي كانت مجرد خواطر معلش طولت شوية ربنا ينفعنا بيها ويعفو عنا ويغفر لنا تقصيرنا والسلام عليكم ورحمة الله وبركاته |
بارك الله فيك اخي الكريم
مشكور على الخواطر الرائعة نسأل الله تعالى العفو والعافية بارك الله فيك |
|
بارك الله فيك اخي ابو الوليد اللهم اعنا على فعل الخيرات |
جزاك الله كل خير يا أبا الوليد في ميزان حسناتك إن شاء الله:_11: |
beautiful words, if they find listening ears
|
جزاك الله منا الف خير ان شاء الله ....يا ابو الوليد
|
جزاك الله خيرا وتارك الله فيكم
|
بارك الله فيكم
|
رد: أناس بدون أهداف
مشكورين على مروركم وإن شاء الله يستفيد الكل من هذه العبر
|
رد: أناس بدون أهداف
جزاك الله خيرا يا ابا الوليد ملا حظاتك في محلها :rolleyes: |
رد: أناس بدون أهداف
مشكور أخي ع الموضوع بارك الله فيك |
رد: أناس بدون أهداف
مشكورين على مروركم وجزاكم الله خير |
رد: أناس بدون أهداف
أهلا بالأخ الكريم أبو الوليد.. نورت الملتقى وحمدا لله على سلامتك.. افتقدنا تواجدك الطيب ومشاركاتك القيمة..عودا حميدا أخي الكريم..سعدت برؤية إسمك يشع من جديد في بيتك الثاني.. وماشاء الله عالمشاركة القيمة..ربنا يجعلنا وإياك من الناس الذين يعيشون بالله ولله ويجعل عملنا كله صالحا ولوجهه خالصا.. دمت في حفظ الرحمان.. |
رد: أناس بدون أهداف
بارك الله فيكي اختي الفاضلة منيبة إلى الله على مرورك العطر وأنا فرح بوجودكم الدائم وأدعوا إلنا ربنا يفرج كربنا |
| الساعة الآن : 11:47 AM |
Powered by vBulletin® Version 3.8.5
Copyright ©2000 - 2026, Jelsoft Enterprises Ltd By AliMadkour