رفيجى تعالج وانا لاء نصيب
 

سلام عليكم

سمعونى نصحنا بعض الاصدقاء بالسفر الى ايران منطقه اصفهان سافرنا لمده اسبوع وصلنا للطبيب الموسوى

دكتور اعشاب شغله بدائى جدا جدا المهم جاب دود او يرقه من مستنقع ووضعها خلف الاذن حسيت بلسعه وطول

اليرقه عقده من صبع صغيره وضع لكل اذن 6 يرقات بعد 3 دقاق والله اصبح طول الدوده الواحده طول كف اليد

وهذا بسبب مص دمى وهذه الدوده تمص الدم وتنقيه حتى تنفجر هذه اليرقه وتموت هذه المرحله الاولى .........

لاتشوفون شكلى انا شاش والقطن القديم تقولون جريمه ههههههههههههههههههههههههه بلد بدائى جدا جدا

المهم تم عمل خلطات لكل واحد مادرى ليش علاج رفيجى غير عن علاجى المهم بعد معاناه فى هذا البلد الغريب


المهم استخدم رفيجى دهان لوه اخضر مثل العسل استخدم العلاج عند النوم فقط ونقطعت عنه الصفيه اكثر من

4 سنوات ورجعت خفيفه جداا علما ان ايران لايستخدمون الكرتيزون كل شئ طبيعى

:o

سبحان الله ..رحتوا مع بعض وواحد شفى وانت لا
تجربة مثيرة ...
يمكن انت الي عندك مستعصية.....سبحان الله كل واحد ياخذ رزقة
انا مرة رحت لدولة خليجية وكان في واحد طبيب اعشاب عراقي الجنسية ...شكله عارف كل شي
وطلع في التلفزيون كم مره
رحت عنده ووريته الصدفية وعطاني شاي مهدي للاعصاب + دهان لونه اسود ريحته خايسة+ صابونه وقالي تعالي بعد ثلاث ايام
بغيت اموت انتشرت الصدفية بكل جسمي وجاتني حكة مو طبيعيه
ورجعت له وقلت له ايش جاني ..ضحك وقال اي انا بطلع الصدفية المخزونه كلها بعدين بيرتاح جسمك
قلت:طيب انا بسافر وش اسوي قالي خذي معك كمية واستخدميها وانتي هناك
قلت :اوكي ومن دلاختي اخذت كمية 500 دولار
صج اني غبية ...والصدفية كل ما لها تزيد لين ترقدت بالمستشفى وعطوني ابر كرتزون يالله ارتحت
يمكن هذا الاخصائي شاطر ويعالج اشياء ثانية بس الصدفية لا
ويمكن يعالج الصدفية بس عند اجسام واجسام زي الي صار معاك يا بوسطن

انا شفت هذه الدوده وكثير من الناس يستخدموها بالسنه مره لااعرف انها تمتص الدم الى تصبح كبيره مثل الكره فتسقط وتموت وقبل ايام قال لي احد العشابين هل ابنك عمل حجامه الان اربط كلامه مع كلام ولدي بوسطن لان عمل الدوده يشبه الحجامه اي التخلص من الدم الزايد وتنقية الدم
برائي انت ولدي العزيز بوسطن لك طريقه اخرى للشفاء لم يهدي الله هذا الدكتور اليها وقد تجدها في يوم ما ولكن لكل شخص دواء بالصدفيه
بالمنسبه هل عندكم فكره في استخدام الحجامه لعلاج الصدفيه؟؟؟
الله يهديك الى طبيب يعرف دواءك يارب

فكره جيده الحجامه

اخوي بوسطن ...... ليش انت نحيس اخذني معاك ايران حق الدكتور الموسوي يمكن اشفى وانت لأ هههههههههههه :ppu
لا تصدق حبيت اتغشمر معاك بالعكس انا قاعد اتمنالك الشفاء قبل شفائي. والله يشفي الجميع.

سلام
 

لاتزعل بس لاتبكى تيمون بخذك انت وقاهر بقوله يحط لكم اليرقات كل اذن 20 زين ولا تبون زياده ههههههه

أهم شي بتقوله ههههههههه ..... ضحكتني وشلون راح تكلم الدكتور يا حلو وانت ما تعرف تتكلم ايراني؟ ما أقول إلا (برو برو)
:bes:

سلام عليكم
 

حركات تيمون مو هين هناك مترجم 500 دولار تصير ملك هههههههههههههههههههههههههههههه

انزين اذا ال٥٠٠ دولار تخليك ملك عيل ال ١٠٠٠ دولار شتخليني امبراطور؟
ههههههههه:ppu

تصدق
 

والله انا رفيجى والمترجم بفندق 5 نجوم تغدينا وشربنا بيبسى اسمه زمزم هههههههه والقهوه تركيه
نسكافى هههههه تدرى كم طلع 5 الالاف تومان يعنى 25 ريال او اقل هههههههههههههههههههه

وااااااي ياساتر
احس حاشتني قشعريره .. يما شالعلاج
بروحها اذوني شصغرها وحدة ويالله تكفي لوول
عاد تصدقون انا مفكره اسوي حجامه
لان قالولي بعد زينه حق الي فيهم عين او محسودين
واي تخيلو جذي والا اييكم بعد جم يوم والا انا متشافيه ومتعافيه
عشان ايركم من اذونكم كلكم واوديكم تسوون حجامه :p

سبحانه قادر على كل شي ..

يلا افكر اجرب حجامه واردلكم خبر ..

يلا الله يشافينا ياربي

شكراا
 

نشكرك للمشاركة بنت لكويت فرج الله قريب

انشاء الله والله يسمع منك وتطيبين وتكتشفين لنا علاج وهو الحجامه الله يوفقك

ياليت ترسل لي رقم الدكتور الايراني على الخاص
دمتم سالمين

شكرااا لمرورك اتمنى تكون من المستفيدين يارب

حبيت اوضح لبعض الاخوه والزملاء ان الشفاء من الله اول شئ وثانى شئ نصيب مايفيدك يفيد غيرك

حبيت الكل يقرئ اى قصه نكتبها حتى يستفيد الكل

بوسطن صحت يمناك

هلا والله اخوى قاهر الصدفيه شخبارك طويل العمر ويمناك

طمنى عليك انت من ناس العزيزه

الله يسلم البك
انا بخير دامك بخير

ودى استخدم اليرقات مره ثانيه توقع يفيد

الحجامه ابركلك من هـ الددود :p

الله يشفي الجميع

عليكم بحجامه والله تحسون براحه

انشاء الله انا راح اجرب راح اتبرع بالدم بنت لكويت اليرقات فادونى كثير بشكل ماتوقعينه

اهاااا
زين سويييييت
انا حدي ابي اتبرع بس ماقدر لان فيني الذيبه بعدين امرّض الاوادم اسم الله عليهم لوول
جرب الحجامه شخسران
كافي الرسول عليه السلام نصحني نسويها

اقصد نصحناا :s

رد: رفيجى تعالج وانا لاء نصيب
 

رد: رفيجى تعالج وانا لاء نصيب
 

بسم الله الرحمن الرحيم

الأخ الكريم /بوسطن

هذا الدود يسمى العلق الطبي يستعمل في إيران وتركيا لسحب الدم من الأماكن التي تتجمع فيها السموم والفضلات في الجسم ،ولهذا الدود إستخدامات طبية ناجحة لأمراض عديدة منها الغرغرينا .

لكن يحتاج إلى شخص مؤهل كما هو الأمر في الحجامة التقليدية .

وبالتوفيق للجميع

اللهم اشف مرضى الصدفية بشفائك وداوهم بدوائك وعافهم من بلائك.

رد: رفيجى تعالج وانا لاء نصيب
 

اخ بوسطن انا سمعت عنه موجوده بالكويت
في واحد ما ادري شنو اصله احتمال ايراني موجود في منطقة العمريه حتى له مواعيد واتاخذ رقم من زمن انا سامعه عنه عنده مثل هاليرقات تمص الدم لين تنتفخ وطيح

رد: رفيجى تعالج وانا لاء نصيب