ما رأيكم بالدكتور الهاشمي
اخواني واخواتي
ابي اسالك ما رأيكم بعلاج الدكتور الهاشمي وخصوصا الامراض الجلديه مثل ما تعرفوا بنتي عندها اكزيما شرسه ومن جد تعبانه وشكرا |
مرحبا اخوي انا ما انصحك لانه قبل مده كلمته عشان علاج للصدفيه رد علي موظف واعطاني رقم حساب قالي حولي الفلوس ويوصلك العلاج بعد مده وقفل بدون مايدري ايش هو المرض؟
عرفت بعدها ان الموضوع فيه تلاعب انا ماابي احط بذمتي شي بس اتاكد احسن قبل ماتاخذالعلاج يمكن يكون كله كرتيزون بعدين اذا تبي علاج جرب تغتسل بنتك ببولها اكرمك الله يوميا لفتره لان البول فيه ماده تقضي على الاكزيما لكن تغتسل ببولها فقط وتقعد دقايق بعدين تغتسل بالماء وانشالله يكتب لها الشفاء |
مدري ذا الهاشمي ماارتحت له كلش كلش
استغفرالله العظيم احسه ماعنده ماعند جدتي وناس جربو عندهم ويقولون بلا نتيجه تذكر |
اختي حلا اتاسف اذا ما شاركت بالموضوع بس زي ما بيقولوا المصريين اخواننا نزلتي لي من السما.انا دايما اسمع في مسلسلاتكم السعودي وخاصة في طاش ما طاش جملة- ماعندك ماعند جدتي- واريد اعرف شو بتعني واريد اطابق منك هل فهمتها صح او لا. واسفة اذا ما شاركت بالموضوع.
|
سويت 80 شافى الله ابنتك وكافة مرضى المنتدى والمسلمين
|
انا على فكره اخذت علاج الهاشمي بس بصراحه ما لاحضت اي تحسن ابدا حتى نقطه وحده بس ابغاها تروح ما راحت
على فكره علشان ما احط بذمتي شي كل علاجه استخدمته الا علاج واحد ماقدرت استخدمه بس على الاقل استفيد من الباقي انا دقيت عليهم والله لو تشوفوا كميف الاتصلات يتصلووا علي علشان اخذ الدواء ويوم ما اشتريته اتصل ابغه استفسر على الرقم نفسه ها ها ولا عندك احد |
سلام عليكم
مساء الخير جميعا
بنسبة للاكزيما اخوى لازم تشوف دكتور اغذية للان الغذاء مهم جدا جدا وهناك انواع من الغذاء تزيد وتهيج المرض بس وين الاطباء اللى ينصحون او يفهمون للاسف |
والله الهاشمي معروف ....باـــــــــــــــ
ما انصح احد يستخدم شي منه ..جارتنا فيها سكر واخذت الدواء وقلها وحذرها ان ما تقول انها تتعالج عنده ..صاب خلل في البنكرياس لان علاجه عبارة عن عسل وهي عندها مرض السكر.....فراحت للتخصيصي بالرياض ولمى عرف الطبيب قال :متى بتعرفون ان هذولا ـــــــــــــــ انا عمي مات من اسبوعين بعد استخدام ادوية .....والله اعلم هو ظهر بالتلفاز وشرح انه يستعين في علاجه بالجان ....وما ادري عنكم كيفكم اختي انسام جملة ماعنده ماعند جدتي...تعني (وماذا عند الجده مجرد حكايات قديمة وطرائف ولا شي مفيد) |
والله شي محير
لاني اعرف نا تعالجوا عنده واستفادوا مرررررررررررره بس انا ابي اعرف اكثر لاني بصراحه ماني مقتنعهخ بالعلاج عبر الهاتف انا سئل واحده كان زوجها حالته صعبه تقول رحنا له للامارات وكان قيمه العلاج 3500 لكن من بعدها زوجها تعالج باذن الله من مرضد داخلي انتظر ارائكم |
اتمنى اختى تي انك ما تروحين له لانه نصاب محترف
الاستشارة ب3500 ريال ولما تنسين شي وتبغين تسالينه مره ثانيه ترجعين تدفعين 3500 مره ثانيه وبعدين جابوه بالقناه الاخباريه السعودية واتوقع اي احد شاف اللقاء وانا منهم ما يفكر حتى بالذهاب اليه وللامانه انا شفت لقاء معه في القناه اللبنانية وسمعته بالحرف الواحد لما احد المشاهدين ساله وقال له نسمع انك تروح للمغرب وزنجبار كثير ما هو السبب ؟ قال يا اخي المغرب وزنجبار هي اماكن السحر وانا اروح هناك علشان افك السحر !!!!؟؟ يعني يستخدم السحر مو الرقيه مثل ما يدعي ومثل ما سمعت ان معظم الاتصالات اللي تجيه وتقول انهم ناس تشافوا اكتشفوا انها تجي من مكاتبه في الاردن علشان يقنعون الناس والله اعلم |
للرفع.....
|
أختي الكريمة Sweet
لا انصحك ابدا باللجوء اليه ، وارجو منك مراجعة هذا الرابط لتقفي على حقيقة الرجل http://forum.ashefaa.com/showthread.php?t=44188 جزاك الله خيرا وبارك فيك |
أهلين أختي الله يشفي بنتك
أنا سمعت عن الهاشمي أنه دجال والله أعلم الكثير حذروا منه ومن ظمنهم الدكتور جابر القحطاني لأن مره جابو لقاء على قناة المجد مع القحطاني وكانو داعين الهاشمي وماحضر البرنامج وفضحه الدكتور القحطاني وقال ماجاء لأنه عارف اني أبحضر البرنامج وتهرب خايف أفضحه لأنه دجال يتعامل مع السحره في المغرب والصومال هذا ماقاله الدكتور جابر عنه وأنا شايفه البرنامج بنفسي |
الهاشمي دجال ونصاب جاء للمغرب جمع أموال وراح الناس ما تعالجو حالتهم كما هي أختي بالنسبة للأكزيما والله لو كنت قريبة لداليتك على طبيبة هي كان لها الفضل في شفائي من الأكزيما طبعا بعد الله سبحانه وتعالى الحمد لله كثيرا لكن ليست في يوم وليلة تبغي وقت عشان تتعالج علاج الأكزيما لازم يكون من الداخل أولا ثم تأتي مرحلة الجلد من الخارج الله يشافي بنتك أختي |
عن تجربة شخصية : اشتريت من الهاشمي علاج الصدفية ب 2000 ريال وكنت في حالة نفسية سيئة جداا وكنت على استعداد اجرب اي شئ ... المهم وصلني العلاج في كرتون مثل كرتون ماء الصحة ابو ليتر ونصف فتحت الكرتون حصلت قوارير ماء صحة واحدة فيها سائل احمر والاخرى سائل برتقالي يشبه الميريندا و اربع علب زجاجية اللي وحدة فيه مادة لزجة خضراء والثانية حبة البركة مخلوطة بعسل والباقي نسيته المهم اخذت ملعقة من حبة البركة و ثاني يوم كان الكرتون كله بالزبالة تكرمون...لاني بصراحة ما ارتحت لشكل العلاج
|
وي ..شوفوا الشين يبين لو بعد مدة والزين زين ولو بين بعد مده
يعني راح المغرب والسعودية والحين ليبيا وياخذفلوس الناس ويخلي الجن يسكنونهم ويشرد ما يخاف الله ...حرام عليه...هو وكل واحد يتاجر بنفسية وحياة المرضى |
الاخت سويت وزارة الصحة السعوديه حذرت منه الدكتور جابر القحطاني ايضا حدرمنه اتركيه ما عنده ماعند جدتي فيه دكتور في جده اسمه الغلاييني شارع الامير سلطان ممتاز للاكزيما بس علاجه غالي شوي للعلم
|
ازيراء وش صار مع ام عماد قررتي العلاج معاها ولا تركتيها:rolleyes:
|
لا ...اخوي نمربن عدوان اووووو سوري اقصد نمر ..المهم انا الحين حامل ...وبعدالولادة ...في وحدة عندنا بالجبيل تعالج تقريبا بالطاقة والقران بروح لها
وبشوف بعد اباكير حق الامارات ...الله يعينا |
نصيحه مجربه البحر والتشمس والعصائر الفرش والدجاج الفرش والابتعاد عن دهون + راحه البال والتمر والخضروات وشب الماء والابتعاد عن البقره ومشتقاتها راح تعيش مرتاح لا صدفيه ولا شئ
|
بالنسبة للهاشمي انا ما جربت علاجة و لكن عندي من اصدقاء جرب و لم يحصل على نتيجة نهائيا و علاجة غالي جدا |
سلام عليكم :
انا كلمت الهاشمى من زمان قبل لااشرح بس قلت صدفيه قال رقم لحساب يوصلك كل شئ سئلت عن دكتور قال انه بالامارات مارتحت وتم اعلان ان الهاشمى نصاااب وتم تحذير استخدام علاجه ولا يملك ترخيص |
السلام عليكم
أنا استخدمت علاج الهاشمي لعلاج صدفيتي لمدة 6 اشهر متواصلة وبدون فائدة ماصار تحسن بس ماكنت استمع للرقية الشرعبة بشكل متواصل بل يشكل متقطع. |
انصح كل واحد له مجرد فكرة يتعالج عند المدعو الدكتور الهاشمي انه يبطل والكل صار يعرف حقيقة الهاشمي مع انه ماهو دكتور وفي مصادرحقيقية تثبت انه خداع والدليل كثرة الدعاية في قناته كلها شعر ومدح عنه هو عامل دعاية لنفسه اكثر وبعدين انا جربت مع بنتي الله يرحمها ارسل لها الاعشاب في قارورات بلاستيك حتى مو معقمة هي كانت بصحة وعافية لين مااخذت اول جرعة حالتها ادهورت وسائت وكنا نتصل على المركز مافي حد عبرنا زي ما اشار الاخ الكريم اول لما كانو بيستلمو الفلوس كان يتصلو وبعدين لما صرفو لنا الدواء وسائت حالة بنتي ما عادو حتى يردو علينا والله انه لمستهتر بارواح الناس كل الي يهمو يكسب شهرة وبس
|
علاج الاكزيما ممكن تبحث عنه في موسوعة التداوي بالاعشاب ومن نفسك تسويه تراه مو مرض يصعب علاجه وان شاء الله بنتك بتتعافى منه الله يشفي جميع مرضى المسلمين يارب
|
اقتباس:
|
السلام عليكم ورحمة الله وبركاته
انا بعد ما انصح بعلاج الهاشمي انا استخدمته للبهاق علاجه تقربيا 20 يوم بس متعب و يهد الحيل مجهد يعني انا اقولك وش كنت اسوي على شان ما تعبين حالك من البدايه اولا تقرين صورة البقرة كامله يوما مع الاعلاج شريطين تسمعين لشريطين 3مرات باليوم كل شريط ساعه كامله يعني 6 ساعات والعلاج زيت زيتون مقري فيه وزعفران علبتين وعلب ثانيه كثيرة من غير الممنوعات الي تقربيا ما تاكلين شي انا قلت ما صار لي علشان انتي تعرفين بنتك تتحمل ولا لا |
اضافه الي كان يكلمني اسمه الدكتور وليد كان يقول انه في الامارات بس اتضح لنا من فاتورة الجوال انه في عمان
|
ياأخت سويت من قال لك انه دكتوووور؟؟؟؟؟؟؟؟؟؟؟؟؟؟؟ لا تعطونه اكبر من حقه الله يشفي بنتك عاجلا غير آجل |
هو ليش بعض الحالات تستجيب
لانه بدرجه الا ولى على سوره البفره والرقيه وسبحان الله القران شفاء |
| الساعة الآن : 05:21 AM |
Powered by vBulletin® Version 3.8.5
Copyright ©2000 - 2025, Jelsoft Enterprises Ltd By AliMadkour