انا مسيحية
انا مسيحية وحاسة الايام بتشتت ومش عارفة شو اعمل بقرا كتير بدينكوا بزيد تشتتى تعبت كتير وبنفس الوقت ما حدا يقلى اسلمى وخلص انا هيك بكون خسرت حياتى كلها
|
رد: انا مسيحية
أسأل الله الكريم العظيم رب العرش العظيم لك ولنا الهدايه اللهم انر قلبها بنورك وبنورالايمان بك وحدك لاشريك لك فلك الحمد ولك الشكر وحدك وحببها اليك وبصر قلبها وعينها وجوارحها بك وبذكرك وبأتباع منهجك وحفظ كتابك واتباع سنة نبيك محمدا صلى الله عليه وسلم يارب العالمين الله يشرح صدرك للاسلام ويثبتنا ويثبتك بشهادة ان لا اله الا الله وان محمدا رسول الله يارب العالمين يارب آمين آمين |
رد: انا مسيحية
بسم الله الرحمن الرحيم
أختي العزيزة وردة الشفاء أول شي بحب خبرك اني والله ثم والله من مبارح وانا عم فكر فيكي وعم فكر كيف ممكن ساعدك ووقف جنبك والقصة مو قصة انه تشهري اسلامك او لا مابتفرق معنا اذا زاد عدد المسلمين واحد او نقص اللي شاغل بالي هو انه في انسانة اخت الي تعبانة وانا بعرف كتير منيح انه عمرها مارح ترتاح الا بشي واحد بس هو لما تعرف طريق الرب الحقيقي وانه السعادة الحقيقية مابتكون ولا بنحصل عليها ابدا الا بشي واحد بس وتذكريه كتير منيح كتير منيح هو القرب من الله سبحانه وتعالى اختي العزيزة أنا عم بحكي معك هالكلمات بقلبي ومن قلبي وحرصي عليكي كتير كبير وماتفكري اني عم دور عالأجر والثواب لانه في طرق كتيرة احصل فيها عالثواب انا اللي شاغلي بالي انت واللي حاسسته انه انتِ جواتك في شي حلو كتير لحتى ربنا عم يناديكي ويلهمك انه تدوري على طريق الهداية والراحة وعم تدوري تعرفي مين هو ربك خالقك عن جد بقى ماتتركي الفرصة تروح منك وماتديري ظهرك الها وماتفكري انك رح تخسري حياتك لانه مع الله لايمكن يكون فيه خسارة ابدا أختي اسمعيني منيح نحنا هون كلنا اخوة حقيقيين الك ومستعدين فردا فردا نساعدك وجاهزين لاي خدمة او طلب تطلبيه منا بعتذر اني حكيت باللهجة العامية بس الكلام كان طالع من قلبي وحبيت احكيه متل ماهو وبتمنى انه يوصل لقلبك تحياتي الك وربنا يوفقك ويسعدك |
رد: انا مسيحية
أهلا وسهلا بأختنا الفاضلة وردة الشفاء حفظها الله ورعاها أختي الكريمة والله الذي لا إله إلا هو أن شعورنا كلنا هو كيف تكون اختنا وردة الشفاء في راحة تامة وسعادة دائمة في الدنيا والأخرة وهذه السعادة يا اختي وردة واسمعيها من اخوكي والله لن تجديها إلا في دين الإسلام نعم والله انا ما دخلت هنا حتى أقول لكي اسلمي وخلاص لا ولكن انا أشعر تماما بما تعانين منه ألا وهي فقدان السعادة الحقيقية ألا وهي نعمة الإسلام واعلمي أنه سرعان ما سيدخل الإيمان إلى شغاف قلبك ، ولن تكون الدنيا كلها تعدل عندكِ العيش ساعة واحدة متقلبة في هذه النعمة العظيمة ، ولقد كان بعض الناس يدخلون الإسلام من أجل المال ، فسرعان ما يحبون الإسلام ويحاربون من أجله ويبذلون فيه الغالي والنفيس . فعليك أن تجاهدي نفسك ، وأن تعلمي أن الشيطان يريد أن يصدك عن السعادة وعن دين الفطرة والعقل ، وأنت ستختارين دين آدم وإبراهيم وموسى والمسيح عيسى عليهم السلام ، دين الفطرة التي خلق الناس عليها ، فهذا الكون ليس له إلا ربٌّ واحد لا شريك له ، هو المستحق للتوحيد والعبادة ، ونبينا محمد صلى الله عليه وسلم لم يُرسل إلا بما أرسل به الرسل من قبله ، فكوني مع طائفة أتباع الأنبياء والرسل تسعدي في الدنيا والآخرة . أنا أجزم بان كل مسيحي يعتنق النصرانية فهو غير مقتنع بها، ولم يشعر يوماً بالارتياح، ولن يشعر بالراحة في داخله إن السعادة هدف منشود ، ومطلب مُلِح ، وغاية مبتغاة. وكل إنسان يعيش على وجه الأرض يسعى لإسعاد نفسه ، وطرد الهم عنها. ولقد حرص الكتاب ، والمفكرون ، والفلاسفة ، والأدباء ، والأطباء على البحث في أسباب جلب السعادة ، وطرد الهم ؛ ولكل وجهة هو موليها ، وقد علم كل أناس مشربهم. ومع ذلك فإن السعادة التي يصل إليها أكثرهم سعادة مبتورة ، أو ناقصة ، أو وهمية أشبه ما تكون بالمخدر يتناوله متعاطيه ، فيشعر بنشوة أول وهلة ، حتى إذا ذهب أثره رجعت إليه الأحزان أضعافاً مضاعفة. والسبب أن أولئك يغفلون أصل الأصول في جلب السعادة الحقة ، ألا وهو طريق الإسلام - فذلك سر السعادة وطريقها الأقوم ؛ فلا يجد السعادة الحقة الدائمة إلا من آمن بالله ، واهتدى بهداه ؛ فهناك يسعد في دنياه وأخراه. فدين الإسلام الذي ختم الله به الأديان ، وارتضاه لجميع عباده ، وأمرهم بالدخول فيه. و سيتضح لك من خلاله عظمة هذا الدين ، وصحة ما جاء به ، وصلاحه لكل زمان ، ومكان ، وأمة. وإذا أردتي التفصيل بعد ذلك فما عليكِ إلا أن تبحثي بنفسك ، وأن تسألي عما يشكل عليكِ ؛ فالإسلام دين مفتوح لا يغلق في وجه أحد ، ولا يضيق بالأسئلة مهما كثرت وتنوعت ؛ فلكل سؤال في دين الإسلام جواب، ولكل قضية حكم ونحن مستعدون لخدمتك في اي وقت اخوكي أبو الوليد |
رد: انا مسيحية
السلام عليكم أختي الكريمة وردة الشفاء :_11: حياك الله بيننا وردة يفوح عطرها في بيت الشفاء الأخوي لا أزيد عما قالت أختي في الله راغبة في رضا الله والأخ الكريم أبو الوليد جزاهما الله خيرا، لكن أحببت فقط أن أؤكد على مسألة ربما قد تستهينين بها، وهو أن قلوبنا بين يدي الله يصرفها كيف يشاء، ومجرد إحساسك ورغبتك في التعرف على دين الإسلام هو نعمة من الله ونور لتسلكي الطريق فاتبعي هذا النور حتى تدركي طريق السكينة والطمأنينة يإذن الله فاغتنمي الفرصة... فهناك الكثير من الغافلين التائهين في هذه الحياة !!! فقط نصيحة ، حتى لا تتعبي مثلما قلت وتشتتي فكرك ، أنصحك بشيء مهم ، اقرئي القرآن الكريم وتفسير الآيات والأحاديث من سنة نبينا الأمين عليه الصلاة والسلام فهما المنبع الصافي لنا ولك وبإذن الله لن تجدي بعدهما إلا الراحة والطمأنينة، لا نملك لك أختي سوى الدعاء من القلوب بين يديه سبحانه أن يهديك ويشرح صدرك وينور دربك بإذن الله ، ويهدينا ويثبتنا على طريقه المستقيم حتى نلقاه وهو راض عنا يارب كما قال الإخوة ، نحن في الخدمة لأي شيء اختنا وردة في أمان الله |
رد: انا مسيحية
عزيزتي .. أشعر بالتشتت الذي تشعري به ، فقد كانت لي صديقة مسيحية ، وكانت مضطربة جدا ، وهي تحب جدا قراءة القصص فأخبرتها بأن تقرأ القصص للمسلمين الجدد الذين يحكون قصة إسلامهم وماهو شعورهم وكيف كانت البداية . الإنسان عندما يرى أناس مثله ، يشعر بنوع من الراحة ، فما رأيك بهذه الفكرة ؟ :) شو رايك أعطيكِ بعض القصص منشان تتسلي فيهن وترتاح نفسك بالأول ، وبعدا نناقش شو مابدك ، وأرد ع كل سؤال عم بيحيرك بالتفصيل والتوضيح الممل ، إنتِ هـلأ لما قرأت أكيد أكيد صارت أسئلة براسك كتيرة كتير وهاد الشي طبيعي ما تخافي ، وبعدين ماحدا رح يحكيلك أدخلي الإسلام لأنه هادا الأمر خاص فيكِ ولا حدا إله دخل فيه ، إنت خدي المعلومات ع إنها معلومات ، متل ما نحن عم نقرأ بالطب ونسأل فيه ، يعني منشان لازم نكون أطباء؟ لا طبعا بس من باب العلم بالشيء ، وبالآخر الخيار راجع للشخص لو إنه بده يكون طبيب أو لا ، متل هيك بالزبط قصة إسلامك ، انت حرة بدك تدخلي الإسلام أو لا ، بس أنا بهمني ماتحملي معلومات خطأ ، هاد كل شي .:d . أنتظر ردك .. وهاي وردة وردية لعيونك :_11: |
رد: انا مسيحية
نعم انا موافقة فراشة متالقة على موضوع القصص وشكرا للجميعوشكرا لكى بالاخص
|
رد: انا مسيحية
عجيب على اختنا وردة الشفاء
الهداية من الله قل لو اجتمعو الامه على ان ينفعوك بشىء لا ينفعوك الا ما قدر الله لك هذا تقدير العزيز العليم الامر لله وفي حديث ثاني للرسول الحبيب انك لتهدي رجل في سبيل الله خيرا لك من حمر النعم اذا وردتنا يريد لها الله الخير فالهدايه منه واعتقد هي مسلمة قلبا وقالبا من راس الموضوع |
رد: انا مسيحية
أختي العزيزة الى ان تجيبك فراشتنا المتألقة وتعطيكِ بعض القصص أنصحكِ أن تشاهدي قصة اسلام القس الامريكي يوسف استيس على اليوتيوب فقد أسلم هو وزوجته وابوه وزوجة ابيه وكلهم من القساوسة هي قصص جميلة ومفيدة ولولا ان خدمة اليوتيوب عندنا الان تعاني من مشاكل لكنت وضعت لك الروابط ولكن بامكانك فقط ان تكتبي على غوغل (قصة اسلام الداعية يوسف استيس)
الامر الآخر انصحكِ ان تتابعي جيدا مع الاخت الفاضلة الفراشة المتألقة فلديها علم غزير وسوف تجيب عن كل اسئلتكِ التي تحيركِ ان شاء الله بالشكل الذي يريحك وآخر أمر قبل كل ذلك اختلي بنفسكِ وخاطبي الله وادعيه دون حاجز والحي عليه ان يبين لكِ الحقيقة ويهديكِ الى الصواب هو سيسمعك ولن يضيعكِ ابدا كل ماعليكِ ان تأخذي الخطوة الاولى وتلجئي اليه |
رد: انا مسيحية
كتير مبسوطة إنه عجبتك فكرتي يا أحلى وردة ، هـلأ رح أعطيك أحلى القصص حتى تستمتعي فيهن :d . بس بدي أحكيلك شغلة : أنا حكيتلك إنه بدي ياكِ تحكيلي ع الأشياء يلي محيرتك منشان شغلة وحدة بس ، وهي: إنه ديننا الإسلامي كتير يهود وكتير نصارى وكتير ناس من الديانات التانية عم بيحرفوه ، فإنت لو بحثتِ ع النت ، مو مضمون إنه يلي رح تقرئيه كلو يكون صحيح منشان إنه كل أصحاب الديانات التانية عم بيحكو الحكيات الغلط ع ديننا ، ونحن المسلمين كلنا عارفين هالشيء ، وبنعرف كيف نعرف الصح من الغلط بشيء إسمه التواتر ، وهيني رح أشرحلك شو يعني. هـلأ لو أسألك سؤال: كيف بتقدري تعرفي الكتاب المقدس عندكم هل هو صح أو غلط؟ نحن المسلمين كلنا مؤمنين إنه القرآن كلام الله الصحيح ، الذي لا يمكن أن يحرف أو يتغير إلى قيام الساعة . طيب لو أنا حبيت أتأكد بنفسي إنه القرآن وصلني من الله ، والأحاديث في السنة وصلتني من الرسول عليه الصلاة والسلام مو من أي حد تاني ، أو إنه حد كزب علي وحكالي هاد من الله ، كيف؟ الشغلة بسيطة ، وهي بشغلة اسمها التواتر . شو يعني التواتر؟ يعني فلان عن فلان عن فلان ، وانتِ بتضلي تتبعي السلسلة . طيب كيف تعرفي إنه ماحدا منن كزب بالحكي ؟ في ناس كزابين بكل العصور ، طيب كيف تعرفي إنت انه يلي بين يدك (القرآن أو السنة ) مو كزب ؟ الجواب: من كتب التاريخ . بتشوفي فلان عاش بعد فلان ، وفلان درس ع يد فلان ، وبهيك بتلاقي إنه من المستحيل إنه بفوت الشك لقلبك ، لأنك شفتي كل شي بعيونك . لأجل هيك نحن المسلمين متأكدين ألف بالمية إنه القرآن الكريم فعلا كلام الله ، والسنة النبوية هي فعلا كلام نبيه محمد عليه الصلاة والسلام ، ولأجل هالنقطة بتلاقي كل المسلمين ماحدا منن فايت الشك لقلبه ، وهاي نقطة من نقاط قوة الدين الإسلامي ، ويلي بدو يروح ويدور في الكتب بيعرف الحقيقة بنفسه ، ومن هالنقطة كتير كتير كتير علماء درسوا الإسلام حتى يلاقوا شي ثغرة ويمسكوها ع المسلمين ، وكانت النتيجة دخولهم في الإسلام . بتمنى تكون هالنقطة وضحت إلك يا قمرة ;) ويلا فاصل ونواصل مع أروع القصص :_11:. |
رد: انا مسيحية
السلام عليكم ورحمة الله وبركاته .. اختنا وردة الشفاء , نحسبك اختاً لنا في الله , وعلى دين الله ( الاسلام ) .. الحمد لله رب العالمين , وحده لا شريك له , له الملك وله الحمد , وهو على كل شئ قدير , من يهده فلا مضل , ومن يضلل فلن تجد له ولياً مرشداً . فيا اختنا وردة الشفاء , ما تشتتك هذا الا بدايةً في طريق البحث عن الحقيقة التي بدت تزلزل كيانك من الداخل , فأنت من مضمون كلامك في اول الموضوع يتبين لي أنك لست مقتنعة بما انت عليه , وتبحثين عن مخرج يريح قلبك وعقلك ووجدانك . وكما تقدم في ردود الاخوة الكرام فما لكي الا طريق واحد الا وهو طريق الإسلام العظيم , الذي عليه نحيا وعليه نموت , والذي هو دين سيد الخلق محمد صلى الله عليه وسلم , خاتم الأنبياء والمرسلين , والذي بعثه الله بالحق( القرآن الكريم ) بشيراً ونذيراً , كي يبشرنا بديننا وقرآن ربنا جل في علاه , فوالله ثم والله أنه لولا أننا على دين الحق تبارك وتعالى , ما انتصرت الأمة وما ثبتت , فالايمان راسخ في قلوب المسلمين لأنهم أحبوا هذا الدين واعتنقوه واطمئنت به قلوبهم , وسكنت إليه أرواحهم , فلله الحمد والمنة على نعمة الإسلام العظيم .. أختي الكريمة وردة الشفاء , كل ما تحتاجينه أن تستدلي على أول الطريق , وأنت هنا بإذن الله تعالى في أول الطريق , فلك أخوة متحابين في الله , على إيديهم بإذن الله سيستنير دربك إلى طريق الهداية والصلاح , ونحن في الخدمة في أي وقت .. نسأل الله تبارك وتعالى أن ينير دربك , وقلبك بنور الهداية , ويهديك إلى الطريق المستقيم .. اللهم آمين آمين يارب العالمين |
رد: انا مسيحية
:) وهينا عدنا :) هاي القصة كتير كتير حلوة ، رفيئتي بكيت كتير وهي عم تسمعها ، لأنها صبية عم تحكي بمتل المشاعر يلي كانت عم بتحس فيها رفيئتي ، بتلاقيها هون http://media.masr.me/ing9N5twZB8&feature=player_embedded عم بتصير مؤتمرات منشان يستخرجوا الإعجاز العلمي من القرآن (الكتاب المقدس عند المسلمين ) بيحضورها مسلمين وغير مسلمين ، كلن عم بيجتمعوا منشان يستخرجوا العلوم من القرآن الكريم . هاد عالم تشيكي في المؤتمر عم بيحكي قصته كيف إهتدى للإسلام http://media.masr.me/7PSonqLnUb4&feature=related هون طبيب ألماني يحكي قصة إسلامه وكان السبب متل ما حكا ( غباء فكرة الثالوث المسيحية التي أجبر على الإيمان بها ) http://media.masr.me/cGo_QQZdy6A&feature=related هاي قصة مسيحية أمريكية أسلمت وعم تحكي سبب إسلامها ، هاي القصة كتير حبتها رفيئتي المسيحية http://media.masr.me/HtafWKy5ezo&feature=related هاي القصة رفيئتي كتير كمان حبتها لأنه الصبية حالتها متل حالة رفيئتي بالضبط http://media.masr.me/Q1AfD4lspKw&feature=related يلا شوفيهن هالقصص ، وخبريني بعد هيك رأيك :) ناطرتك أنا ، وهاي أحلى وردة لعيونك :_11: |
رد: انا مسيحية
شو رايك يا قمرة إنه أفتح موضوع يكون بيني وبينك ، بتحطي أسئلة بتتمني تعرفي عنها أو بتحيرك وأنا بجاوبك ، وأنا كمان أسئلك وبرجع جاوبلك بالشيء يلي عنا . يعني كل واحد منا يتعرف ع دين التاني . يكون هاد الموضوع بيني وبينك بدون أي تدخل من أي حد تاني حتى ما يسير في تشتت وبنركز الإتنين سوا . طبعا بيكون الموضوع بهدوء بدون أي تعصب ولا أي انفعال ، بتعرف أنا ع شو موجود بدينك وإنت بتتعرفي ع شو موجود عنا ، وبالآخر بنضل صديقات . يعني متل هاد الموضوع يلي عملته مع عضوة سابقة حوار مع نصرانية شو رايك؟ |
رد: انا مسيحية
اهلا اختي الكريمة وردة الشفاء..حياك الله. في البداية لو نظرنا الى مسألة التوحيد في الأسلام فسنجد ان المسلمون يعبدون ربا واله واحدا لاشريك له هو الله لم يلد ولم يولد خالق كل شي في الوجود..وانه ارسل الرسل لينشروا رسالة الله ودعوة الناس الى عبادة اله ورب واحد هو الله فأرسل ابراهيم واسماعيل واسحاق ويعقوب ويوسف ويحيي وزكريا وداؤد وسليمان وموسى وعيسى المسيح وغيرهم وفي الختام ارسل محمد (عليهم جميعا افضل الصلاة والتسليم) ارسلهم جميعا وايدهم بمعجزات ليقيموا الحجة على الناس. فنحن نعتقد ان يسوع المسيح ابن مريم)عليهما السلام)هو نبي وليس رب ..خلقه من ام من دون اب كما خلق ابونا ادم من دون اب ولا ام فالله قادر على كل شيء. وانصحك بقراءة سورة مريم في القرأن الكريم وستجدين فيها حقيقة سيدنا المسيح وامه (عليهما السلام) اما في النصرنية (المسيحية)فأله مقسم الى ثلاث اقانيم الأب والأبن وروح والقدس..وتارة يقولون ان يسوع هو ابن الرب وتارة يقولون ان يسوع هو الرب نفسه ومسألة الاهوت والكهنوت ومسألة الصلب والكثير من التعقيدات والتناقضات لو كتبتها فلن انتهي منها..ان الأمر لايحتاج الى هذا التعقيد هنالك رب وأله واحد هو الله (عز وجل) خالق كل شي وهناك انبياء ورسل..انتهى الموضوع وستجدين في الأسلام اجوبة لأسئلة كثيرة لم يتطرق لها في الديانات الأخرى كمسألة الموت وماذا يحدث للأنسان بعد ان يموت وماذا يحدث له في القبر ووصف يوم القيامة ووصف الجنة والنار وغيرها كثير اخبرنا بها الله سبحانه وتعالى في القرأن الكريم وبعضها رواها لنا رسول الله محمد(صلى الله عليه واله وسلم)في احاديثه. تحياتي لكي اختي الكريمة والسلام عليكم ورحمة الله وبركاته اخوكي ايهاب العراقي سورة مريم بصوت الشيخ سعود الشريم http://media.masr.me/e4WDsHTRLTQ |
رد: انا مسيحية
اللهم اهد وردة الشفاء الى طريقك المستقيم ونور قلبها بنور الحق
|
رد: انا مسيحية
السلام عليكم ورحمة الله وبركاته
انار الله قلبك الى طريق الحق وجعل من امامك نورا ومن خلفك نورا وعن يمينك نورا وعن شمالك نورا والاخوات جزاهم الله خيرا ما قصروا بالنصاءح لكي ولا املك لكي الا الدعا ء الصادق في جوف الليل ان يهديك الى طريق الحق . |
رد: انا مسيحية
يقول العلماء ..لا يوجد انسان يبحث عن الحق فقط دون غيره الا واهده الله الى الاسلام ايا كان دينه واعتقاده ..
لذا اخيني الوردة ..ابحثي عن الحق وستجديه ان شاء الله ..والبحث عن الحق يستلزم المعرفة ..فاسالي ما في نفسك وما تريدين معرفته .. |
رد: انا مسيحية
سمعت كثيرا كلمة دعوة فى ظهر الغيب ممكنن تفسرولى اياها
|
رد: انا مسيحية
اقتباس:
السلام عليكم ورحمة الله و بركاته. قال رَسُولَ اللَّهِ صَلّى اللهُ عَلَيْهِ وسَلَّم : (ما مِن عبْدٍ مُسْلِمٍ يَدعُو لأَخِيهِ بِظَهرِ الغَيْبِ إِلاَّ قَالَ المَلكُ ولَكَ بمِثْلٍ) رواه مسلم. رسُول اللَّه صَلّى اللهُ عَلَيْهِ وسَلَّم كانَ يقُولُ : (دَعْوةُ المرءِ المُسْلِمِ لأَخيهِ بِظَهْرِ الغَيْبِ مُسْتَجَابةٌ ، عِنْد رأْسِهِ ملَكٌ مُوكَّلٌ كلَّمَا دعا لأَخِيهِ بخيرٍ قَال المَلَكُ المُوكَّلُ بِهِ : آمِينَ ، ولَكَ بمِثْلٍ) رواه مسلم والدعوة لأخيك عن ظهر الغيب هو أن تدعوا له بالخيروالسلامة والشفاء.....وهو غائب عن نظرك لكنه موجود في قلبك. لأن رسول الله صلى الله عليه وسلم يقول. : (مَثَلُ الْمُؤْمِنِينَ فِي تَوَادِّهِمْ وَتَرَاحُمِهِمْ وَتَعَاطُفِهِمْ مَثَلُ الْجَسَدِ إِذَا اشْتَكَى مِنْهُ عُضْوٌ تَدَاعَى لَهُ سَائِرُ الْجَسَدِ بِالسَّهَرِ وَالْحُمَّى) رواه مسلم في حفظ الله. |
رد: انا مسيحية
اسأل الله العظيم رب العرش الكريم أن يجزي إخواني و أخواتي عنا خير الجزاء
وأسأل الله العظيم رب العرش الكريم أن يشرح صدرك و ينور قلبك وأن يطلق لسانك بالحق و أن يشرح صدر أهلك وكل محبيك وأسأل الله العظيم رب العرش الكريم أن ييسر لك في كل خطوة تخطين بها رفيقا صالحا يكن عونا لك في الدنيا والاخر نور الله بصرك وسدد خطاك واعانك على الحق |
رد: انا مسيحية
وفقك الله اختي وردة وهداك وشرح صدرك للايمان اللهم آآآآآآآآآآآآآآآمين
|
رد: انا مسيحية
اختي وردة شفاء اذا عندك اي سؤال او اي اشكال عن الأسلام تفضلي اخذي راحتك بدون احراج وشو هي المسائل والأمور اللي تسببلك التشتت قوليها ..حياك الله
|
رد: انا مسيحية
يا أهلا وسهلا فيكى حبيبتى نعم حبيبتى وكيف لا أحبك وأنتى من الذين يحبهم الله قال الله (إن الله يحب التوابين ويحب المتطهرين) وكيف لا أحبك وأنت شغلتى عقلك وفكرتى ولم تنساقى مثل كثير من الناس والله تعالى قال (افلا يتدبرون ) وكيف لا أحبك وفطرتك السليمه التى خلقك الله بها تئن جواكى وتصرخ أريد الله وحده لا شريك له .............يارب يوفقك للحق والخير
|
رد: انا مسيحية
اسأل الله العظيم رب العرش العظيم ان يهديكي للخير وللجنة وان يشرق قلبك بنور الاسلام
|
رد: انا مسيحية
شكرا كتير لالكوا وعلى وقوفكوا جمبى بس انا اتاخرت بالرد لانى كنت بقرا كتير عن دينكوا ورحت لشيوخ بطريقة غير مباشرة وسالتهم اشياء كتيرة وهما جاوبونى بشكل رائع انا هلاء بحاول اصلح اشياء حساها غلط زى السهر باماكن عامة لاوقات طويلة والاختلاط وطريقةة السلام بين الرجل والمرءاة جوزى لاحظ تغيرى بس انا بقله مشاكل بالشغل اوقفوا جمبى لانى لهلا مش مستقرة على رئى شكرا كتير لالكوا
|
رد: انا مسيحية
الله يشرح صدرك للأسلام اختي وردة الشفاء..أللهم أمين
|
رد: انا مسيحية
اقتباس:
ولولا انه اختنا الفراشة المتألقة هلأ هي بأفريقيا لكانت ماتركتك وقدمتلك كل مساعدة ممكنة واجابة على اي استفسار وان شاء الله بترجع قريبا ولبين ماترجع جاهزين نجاوب على اسئلتك ونخدمك بعيوننا ربنا يساعدك وينور قلبك وطريقك ,ماتاكلي هم شي ولا تخافي ابدا لأنه اللي ربنا معه مابيخاف من شي ولا على شي سلام |
رد: انا مسيحية
اختي وردة اسأل الله لك الهداية والثبات
سأخبرك عن زميلة لي بالعمل والدها قصيص وهي نصرانية واهلها متشددين جدا بدينهم تزوجت وسكنت بجانب جارة مسلمة ملتزمة وكانت هذه الجارة تحسن اليها وكانت تشرح لها ماهو الاسلام وكل شي عنه وكانت هي عند عودتها تخبر زوجها بكل شيء كانت هذه الجارة تجيبها على كل سؤال يدور في ذهنهم عن الاسلام حتى جاء يوم سطع في قلبها نور الهداية وايقظت الفطرة بداخلها وبدأت المقارنة وماهي فترة حتى اخبرتنا بأنها ترغب بأن تعلن اسلامها فدللناها على جمعية وذهبت اليها وهناك قامو بسؤالها هي وزوجها وبعد التأكد التام باقتناعهم بالدين اعلنو الاسلام ولا تعلمي مدى سعادتها الآن ومااجملها بالحجاب اتعرفي ماذا اختارت لنفسها اسم اختارت اسم جنة وعندما عرفت بخبر اسلامها ضممتها فرحا وبكيت بشدة من الفرح وهي الان تخفي اسلامها عن اهلها هي وزوجها وخصوصا لأن والدها قصيص تخشى ان تقتل وهي الان تحضر للسفر وبعد سفرها والابتعاد عنهم ستخبرهم بأنها اسلمت |
رد: انا مسيحية
اختي الكريمة وردة الشفاء جئت لكي بهذين الكتابين ان شاء الله تستفادي منهم
1-الكتاب الأول بعنوان لماذا اخترت الأسلام-المؤلف الشماس جمال زكريا أرمانيوس (سابقاً)...على هذا الرابط http://www.ebnmaryam.com/web/modules...cat=3&book=806 2-الكتب الثاني بعنوان محمد الرسالة والرسول..المؤلف د.نظمي لوقا ..على هذا الرابط http://www.ebnmaryam.com/web/modules...cat=4&book=540 |
رد: انا مسيحية
اختي
اسال الله ان يشرح صدرك للأسلام لانه دين الحق دين النجاة والطريق للجنان |
رد: انا مسيحية
وفقك الله اختي وردة وهداك وشرح صدرك للايمان اللهم آآآآآآآآآآآآآآآمين
|
رد: انا مسيحية
شكرا جدا على مشاعركم اتجاه ظروفى ومش عارفة ارد لبصراحة لانى حاسة انو فى اعضاء شاكة انى اكون بمثل او انى بهبل وخلاص انا اسفة اكون ضايقتكوا بس انا يوم محكيت الى عندى كنت بقمة حزنى وضياعى وهلاء انا بقرا ردودكم وبحاول اقوى نفسى مش حقلكم انى اسلمت وقتها حتنبسطوا كلكوا بس انا الى حعيش بتعاسة انا بدرس الامر وشو راح اخسر وحيكون كتييييييييييير وكبير بس بحاول اشوف انا كيف ممكن ما اخسر اعز الناس لقلبى اولادى شكرا
|
رد: انا مسيحية
ممكن أسألك سؤال هل لو اسلمتي ربنا حيضيعك وحيخلي حياتك شقا وتعب؟؟؟ لا والف لا انتي معدنك طيب وتوكلي على الله وقولي يارب والله مايضيعك |
رد: انا مسيحية
اقتباس:
انا مقدر مشاعر الأمومة عندك اللي هي اقوى شي عند الأم ..ومثل ما قال الأخ ابو الوليد ثقي بالله انو الله ماراح يضيعك ومن ترك شيئا لله عوضه الله خيرا منه وهدول اولادك وراح يبقوا أولادك الله لايحرمك منهم ولايحرمهم منك..ومثل ماتعرفي اختي وردة الشفاء انو الحياة قصيرة والأنسان مابيعرف ايمتى راح يموت والحياة فرص والفرص لاتتكرر...وصدقيني انو الله راح يعوضك بالدنيا والأخرة لأنك مستعدة تتخلي عن كلشي من شانه..الشغلة محتاجة ايمان قوي وتحمل للشدائد اسأل الله ان يثبتك ويقويكي..وشوفي هاي القصة لأخت امريكية اسلمت http://forum.ashefaa.com/showthread.php?t=106373 تحياتي |
رد: انا مسيحية
السلام عليكم ورحمة الله وبركاته أخى الفاضل بشير المحمدى اذكرك بكلمة النبى (صلى الله عليه وسلم ) :هلا شققت عن قلبه يا أسامه
|
رد: انا مسيحية
السلام عليكم ورحمة الله وبركاته أخى الفاضل بشير المحمدى اذكرك بكلمة النبى (صلى الله عليه وسلم ) :هلا شققت عن قلبه يا أسامه ....
|
رد: انا مسيحية
عزيزتي آسفة كتير لإنقطاعي عنك ، لأني طلعت في رحلة دعوية لجنوب أفريقيا وهيني هون ، كمان أسبوع وبرجع ع الدار بإذن الله ، وهـلأ اتسهل أمري وقدرت أدخل الحمدلله .. قرأت ردك إنك مو عارفة تتخذي القرار ، وخاصة منشان ولادك لهيك بدي أحكيك شغلة كتير كتير كتير حلوة ورح تبسطك ع الآخر عم تعرفي إنه دين الإسلام ، أباح للرجل أن يتزوج مرأة من أهل الكتاب ( يعني نصرانية أو يهودية ) وطبعا الأفضل إنها تكون مسلمة ، لكن لو حب إنه يتزوج غير مسلمة مافي مانع واله شروط معينة . فيكي تقرئي عن الصحفي المسلم وليد العمايرة من دورا - الخليل اتزوج مرأة نصرانية ، وبعد هيك أسلمت ، لأنه هي حبت الإسلام وأهله ، مو لأنه هو غصبها ، وولادها هون معنا بالشفاء ;) جابوا معهن مقابلة ع قناة إقرأ . وكمان مانو حرام بنوب إنه الأم مسلمة والأولاد غير هيك ، أصلا لو كانت الأم كتير طيبة وحنونة (وهي طبيعة المسلم أصلا ) رح تجذب أولادها الها ، وكتير أسر بعرفها أسلمت الأم ، وولادها وزوجها تبعوها ودخلو الإسلام ، وعائلات بالعكس أسلم الأب وبعد هيك كل الأسرة صارت مسلمة . وفي عائلات ضلو الأولاد ع دين الأب والأم مسلمة وبالآخر وبعد طول زمن أسلمو كياتهن ، يعني من هالناحية الأخلاق هي الي بتعمل هاي النقطة وبتسهلها ، وأنا واثقة من أخلاقك الحلوة ;). ولو كانوا ولادك صغار بالسن فهاي كتير سهلة ، لأنن متل العجينة الطرية بتقدري تشكلي فيهن متل ما بدك ، اسأليني أنا مختصة بالأطفال :d . ولو كانوا كبار بالسن ، يعني بالغين ، فإنت رح تستعملي أسلوب الإقناع ، يعني رح تحكي معن بهدوء وتعطيهن الفروقات بين هاد وهاد ، والسلبيات والإيجابيات وخصوصا لما توضحي الراحة النفسية والأثر الصحي المعكوس ع الجسم بكل شي بيعملو المسلم في حياته اليومية . بس هيك شغلة مهم إنه إنت تكوني فاهمة كل شي ، وأنا فيني ساعدك كتير هو بيضل القرار إلك ، وإنت صاحبته ، أنا بشكرك من قلبي إنك ما كزبتي وحكيتي أنا أسلمت متل وحدة كانت قبلك ، يعني شو الفايدة؟ لو ضليت مسيحية بيضلك وحدة منا ولا رح تلاقي منا أي كلام جارح ولا نبذ ولا تجريح ولا شي ، ولو أسلمتِ فأكيد رح نفرح أكتر. أما بالنسبة للناس يلي بيشكوا فيكي أو بتحسي تجاههم هيك شي ماعليك منن ، ولا تعطيهن أي اهتمام بنوب ، وإلنا معن تصرف تاني لأنه مو حق حد هون إنه يشك بدين التاني بنوب . خصوصا هاي المسألة ممنوع حدا يحكي فيها ، وأي حد يزعجك إبعتيلي رسالة ع الخاص أو لأي مراقب أو مراقبة ولا تحملي هم ، بنتصرف باللازم . برجع هـلأ بسألك شو عندك شي بيحيرك ولا عارفة اله جواب ؟ عنا بالإسلام ، مافي أي سؤال حرام نسأله ، ولا أي سؤال ممنوع الحكي فيه . أي شيء بيخطر ع بالك إحكي إلي وبجاوبك بإذن الله .. |
رد: انا مسيحية
هـلأ عم فكر معك بالخساير ، مع إنه هي ما تتسمى خساير بنوب :) يعني الشخص لما بيدفع مصاري تيشتري قطعة خبز ، شو بنحكي عنه بهاللحظة؟ خسران؟ ول ربحان؟ طيب .. لو حكينا ع إمك وأبوك ، طبعا إنت لو دخلت للإسلام مش راح تركيهم أبدا ، بل بيضلك الإبنة البارة الحنونة يلي بتلبي المطالب ولا بتحكي لا ولا بتحكي أف أبدا . حتى وهن دينهن مختلف عن الإسلام؟ اه حتى وهن دينهن مختلف عن الإسلام . رسول الله إبراهيم عليه السلام كان هو نبي من أنبياء الله للناس ، كان هو مسلم وأبوه كافر ، ومع هيك ضل يدعي لأبوه بالهداية ، وضل يتودد إله ويلبي طلباته ولا يناديه إلا يا أبتِ ، إحتراما إله ، مع إنه أبوه كان كتير قاسي وكتير عزبو ، ومرة من المرات جمع النار منشان يحرق إبنه إبراهيم ، ومع هيك ضل إبراهيم عليه السلام ما يعصي لأبوه كلمة . وفي الإسلام بر الوالدين من طاعة الله ، والأم والأب بابين من أبواب الجنة ، لو ما عملتي بالدنيا ولا شي منيح إلا إنك برتي بأمك وأبوك هاد كفاية إنه يدخلك الجنة بإذن الله ، وطبعا نحن بدنا جبال من الحسنات ، بس حتى تعرفي أديش أجر بر الوالدين كتير كبير وعظيم . طيب لو الوالدين كانوا قاسين وصعبين كتير وبيعزبونا كتير شو نعمل ؟ بالإسلام عنا إنه الإبن ما بيعاقب الوالدين بنوب ، الله عز وجل هو الي بيعاقب ، الإبن ماعليه إلا الصبر والتحمل ، وهو بهاي الحالة بياخد أجرين إتنين ، أجر الصبر وأجر إحترامه للوالدين . هيك خلصنا من نقطة وحاولت أختصرها كتير .. طيب النقطة التانية الأسرة ( الزوج والأبناء) حكيتلك بالأول أولادك ما رح تتركيهم لأنه دينهم مختلف ، لا أبدا ، بيضلك إمهم والإسلام كتير كتير احترم شعور الأمومة ، ولو كانوا صغار بيدخلوا بحكم الإسلام ، لأنه الأبناء بيتبعوا أفضل الأبوين . أما زوجك : عليكِ أن تدعيه للدخول في الإسلام، وأن ترغبيه في ذلك بكل طريق، فإن هو أبى فأخبريه أنه إن لم يستجب فإنك ستفارقيه، فإن دين الإسلام لا يجيز بقاء المسلمة تحت غير المسلم، لأن المسلمة عزيزة بعزة الإسلام وإن تزوجت بقيت تحت حكم الغير مسلم فهذا إذلال لها ، لذلك شرع الإسلام مفارقة الزوج الذي يرفض الإسلام ، بل إن المرأة إذا أسلمت قبل زوجها منع من الاستمتاع بها ، إكراما لها ، ويؤمر بالإسلام فإن رفض بعد دعوته بكل الطرق يطلقها ، فإن بقيت في العدة وهو تراجع عن قراره وأسلم أصبحت زوجته ويجوز أن يراجعها ، فليس الهدف هو تحطيم الأسر والعائلات ، وإنما الهدف هو تعزيز وتكريم المرأة المسلمة أن لا يعبث بها ويتمتع بها رجل غير مسلم ، وهذا تشريف للمرأة . أما بقية أفراد العائلة والصديقات الغير مسلمات ، يجوز لك مصاحبتهم ومواصلة الإتصال بهن ، لأنه بحسن أخلاقك وتعاملك ستحببيهن في الدين الإسلامي ومن الممكن يدخلوا هم أيضا في الدين الإسلامي وتكسبي فيهم أجر من الله عز وجل . بعدين ممكن عم تفكري بأول خطوة لازم تعمليها ، هي كتير سهلة وبسيطة ولا بيلزمها مصاري ولا شي . طيب شو ممكن كمان شغلة شاغلة بالك ؟ العمل .. ما رح تتركيه إلا لو إنك كنت عم تشتغلي بمصنع خمر أو مطعم بيبيع لحم خنزير ، غير هيك ممكن تعملي بعض الشغلات يلي بتسهل عليك قضية عملك ، رح أحكي معك فيها وقت ما تريدي ، لأنه بيهمني أفهم طبيعة عملك قبل ما أحكيلك شو لازم تعملي . شو كمان شاغل بالك ؟ ناطرتك أنا :) :_11: |
رد: انا مسيحية
شكرا فراشة متالقة مرحبا بعودتك بالسلامة شكرا جدا على كلماتك الى بطمن يعنى ما فى شئ لو لتواصلت معكم وانا مسيحية ولا لازم اسلم لاشارك بالملتقى انا حابة ملتقاكم وبحاول اقرا كمان من برا عن مواضيع وبشوف مواضيع الى بيحطولى اياها كلامك صح اهم شيئ انى اكون مرتاحة لاخد القرار وانا شايفة انو مو وقته هلاء لانى متعلقة باولادى ومتاكدة انى راح انحرم منهم اتحملونى
|
رد: انا مسيحية
اللهم اشرح قلبها للاسلام وبالايمان بك وحدك وبمحبتك ومحبة رسولك اختي انتي فيك الخير الكثير يارب يارب يارب ينور قلبك ويبصرك على الحق الله حق والاسلام حق والقران والكتب والملائكه والرسل والموت والحياة والدنيا والاخره والجنه والنار والقبر كلها حق الله يشرح صدرك ويحببك فيه ويحببني اكثر واكثر فيه يارب وكل مسلم ومسلمه الله كريم الله غفور الله رحيم |
| الساعة الآن : 06:33 PM |
Powered by vBulletin® Version 3.8.5
Copyright ©2000 - 2026, Jelsoft Enterprises Ltd By AliMadkour