اليوم العالمي للصدفيه ( الجمعه الموافق 21-11-1431هـ)
ينظمه كرسي أبحاث الصدفية بجامعة الملك سعود
عيادات تخصصية مجانية في لقاء اليوم العالمي للصدفية الرياض – محمد الحيدر يشارك كرسي أبحاث الصدفية بجامعة الملك سعود العالم في تنظيم اليوم العالمي للصدفية والذي يوافق يوم الجمعة 21/11/1431ه الموافق 29/10/2010م , إذ ينظم الكرسي اللقاء السنوي لليوم العالمي للصدفية في منتزه المرسى بالرياض. ويشتمل برنامج الحفل على عدد من الفعاليات التوعوية وبرنامج تثقيفي من قبل متخصصين في هذا المجال ومعرض مصاحب ولقاء مفتوح مع استشاريين في طب الأمراض الجلدية والصدفية. وكشف المشرف على كرسي أبحاث الصدفية الدكتور سامي السويدان أنه سيقام في هذا العام ولأول مرة عيادات تخصصية مجانية أثناء انعقاد فعاليات اليوم العالمي للصدفية يشرف عليها استشاريون في طب الأمراض الجلدية لتقييم وفحص المرضى المصابين بالصدفية والتأكد من تشخيص المرض ووضع الخطة العلاجية المقترحة لكل حالة. ولفت الدكتور السويدان إلى أن هذا اللقاء يعقد بالتعاون مع الجمعية السعودية لطب الأمراض الجلدية وجراحة الجلد ، مشيراً إلى أن الكرسي حقق عددا من الاعتبارات الدولية تمثلت في عضوية المنظومة الدولية للصدفية ومقرها دولة فرنسا والفيدرالية الدولية للصدفية ومقرها دولة السويد والمجموعة الدولية لدراسات وأبحاث الصدفية ومقرها الولايات المتحدة الأمريكية ، معربا عن شكره للقائمين على مركز المرسى الترفيهي على التعاون الكبير في إقامة هذه الفعاليات والدور الفاعل للمركز في خدمة المجتمع ، داعياً للتواصل عبر هاتف 4690152 فاكس 4690780 جوال 0557119600 بريد إلكتروني: [email protected] مع ضرورة الحجز المسبق. من جهته ذكر رئيس مجموعة دعم مرضى الصدفية الدكتور عبد المجيد العجلان إلى أن هذا اللقاء السنوى والفعاليات المصاحبة له تأتي استشعارا من كرسي أبحاث الصدفية والقائمين عليه للواجب والمسؤولية تجاه المجتمع بشرائحه المختلفة لاسيما المصابين بهذا المرض وذويهم. |
رد: اليوم العالمي للصدفيه ( الجمعه الموافق 21-11-1431هـ)
شكراا اختى على الموضوع للراغبين بالاشتراك واخبارنا بالنتائج يمكنهم التسجيل |
رد: اليوم العالمي للصدفيه ( الجمعه الموافق 21-11-1431هـ)
:)انشالله بحضررررررررررررررررر .......
بنات اذا فيكم احد بيرروح يقولي عشان نتقابل.. |
رد: اليوم العالمي للصدفيه ( الجمعه الموافق 21-11-1431هـ)
كنت اتمنى اني اتواجد بسس للأسف ما أقدر اختبارات و كذا ما بقدر
بسس يالله وافووناا بإلي يصيير معكم من الألف إلي الياء جزاكم الله ألف خييير |
رد: اليوم العالمي للصدفيه ( الجمعه الموافق 21-11-1431هـ)
والله مااقدر اروح
كيفك نونو من زمان عنك عساك بخير ربي يوفقكم |
رد: اليوم العالمي للصدفيه ( الجمعه الموافق 21-11-1431هـ)
بارك الله فيك على هذه الدعوة الميمونة والتي مغزاها كبير نسئل الله ان يوفق الجميع وبدورنا نوجه نداء خاصة نحن سكان منطقة المغرب العربي ان تكون انت ممثلنا وتنوب عنا لانك اصبحت تعرف حالة الصدفية خاصة في ظل تجارب الكثير وطروحاتهم بخصوص نوع الصدفية التي يعانون منها . ونتمنى لك التوفيق في اافادتنا بجديد هذا الملتقى . |
رد: اليوم العالمي للصدفيه ( الجمعه الموافق 21-11-1431هـ)
اتمنى التوفيق للجميع و جميل مثل هذه المبادرات التحسيسيه و يا ليث لنا في المغرب العربي مثلها :o |
رد: اليوم العالمي للصدفيه ( الجمعه الموافق 21-11-1431هـ)
انا ان شاء الله سوف احظر وراح اسجل اسمي لديهم الي يبغى يخاويني او نتواعد هناك بالمرسى يرسلي على الخاص وخلونا نتعرف على بعض اكثر ونشوف وش جديد هذا الكرسي |
رد: اليوم العالمي للصدفيه ( الجمعه الموافق 21-11-1431هـ)
إن شاء الله تخبرونا بالنتائج , و جزاكي الله أختي على الموضوع |
رد: اليوم العالمي للصدفيه ( الجمعه الموافق 21-11-1431هـ)
لاتنسون تذكرون الصدفيه في العراق وانتشارها بعد الاحتلال بعد الخوف والهلع وعدم الراحه النفسيه
|
رد: اليوم العالمي للصدفيه ( الجمعه الموافق 21-11-1431هـ)
شكرا اختى الشفافية ربي ايبارك فيك على الموضوع وان شاء الله تفيدونا بجديد هذا العام وكل عام ومرضى الصدفية في احسن حال |
رد: اليوم العالمي للصدفيه ( الجمعه الموافق 21-11-1431هـ)
هنيكم ولايضركم يا اهل الرياض ودي احضر بس مشوااار ومشاغل خلوها على ربكم وافونا يالربع بالجديد لديهم بارك الله فيكم |
رد: اليوم العالمي للصدفيه ( الجمعه الموافق 21-11-1431هـ)
طمنوني و ش يطلع معهم
اشكركم |
رد: اليوم العالمي للصدفيه ( الجمعه الموافق 21-11-1431هـ)
برنسل مناديب من الملتقى واللي يروح بالله يوفاينا بالجديد
واللي بيصير مندوب الملتقى يعلمنا عشان نصرف له انتداب |
رد: اليوم العالمي للصدفيه ( الجمعه الموافق 21-11-1431هـ)
من بيخاويني يوم الجمعة بالمساء الساعة 6 لهذا الملتقى |
رد: اليوم العالمي للصدفيه ( الجمعه الموافق 21-11-1431هـ)
منتزة المرسى الي على الدائري الشرقي صح !! بس ياترى هل سيكون الدخول للعزاب مسموح أم لا ههههههه وممكن نعرف متى يبدأ البرنامج بالضبط ؟؟ |
رد: اليوم العالمي للصدفيه ( الجمعه الموافق 21-11-1431هـ)
http://up.arab-x.com/Oct10/CKP37276.gif جمعة مباركة لجميع الاعضاء الطيبين نور الله ايامكم وجعلها في طاعة الرحمان ننتظر الاخبار وجديد اليوم العالمي لهذا العام من اللى حضروا فلا تنسوا اخوتكم في المنتدى جزاكم الله كل خير :_11::_11::_11: |
رد: اليوم العالمي للصدفيه ( الجمعه الموافق 21-11-1431هـ)
انا ان شاءالله بروح وحجزت يوم الخميس والدخول للعزاب عادي والي يبغا يجيب معه مرافق عادي
والمعلومات الي اخذتها وقت الكشف على المصابين من 6-7 مساء بعدها المحاضره وبعدها مسابقات والساعه 9 ونص العشاء هذا الي قدرت احصل عليه وان شاءالله اليوم بس اروح افيدكم بكل شي |
رد: اليوم العالمي للصدفيه ( الجمعه الموافق 21-11-1431هـ)
بارك الله فيك ننتظر منك الاخبار |
رد: اليوم العالمي للصدفيه ( الجمعه الموافق 21-11-1431هـ)
اخر الاخبار اللي وصلتني انو فيه مفاطيح وبوفيه مفتوح بعد اللقاء
عشان كذا يمكن اسير عليهم ويمكن اجي وقت العشاء لا تعتمدون علي في المعلومات بارك الله فيكم |
رد: اليوم العالمي للصدفيه ( الجمعه الموافق 21-11-1431هـ)
بشرو وش صار معكم ياللي حضرتوا |
رد: اليوم العالمي للصدفيه ( الجمعه الموافق 21-11-1431هـ)
افا هو اليوم وين المراسلين
والله شكلهم جالسين على البوفيه ولا يلعبون بالمفاطيح |
رد: اليوم العالمي للصدفيه ( الجمعه الموافق 21-11-1431هـ)
الملتقى ماشاءالله منظم وحلو ... طبعا اول مادخلنا سجلت اسمي ورقم جوالي ودخلت القاعه واخذت رقم عشان الفحص وبعد ساعه رحت افحص عند الدكتور الفحص كان طبعا لتحديد شدة الصدفيه ويسأل عن الادويه المستخدمه وكان معاه تقرير سجل اسمي فيه وفيه خيارات تحت شدة الصدفيه واول ماشاف صدفيتي انهبل قال يوووووه شديده مره وحط صح وش كبره عند علامة شديدة ودخلت بعدها عند الاخصائيه اخذت تدردش معي شوي وبصراحه قلبت المواجع علي وخلتني اختنق ومدري وش اقول المهم سألتني عن الادويه الي استخدمها قلت لها قبل فتره استخدمت قطران ووقفته فتره بحكم دراستي وريحة القطران يبيلها اقل شي يومين عشان تروح وقالت وين الصدفيه وريتها ساقي ويوم شافتها انهبلت وقالت كيف حالتك النفسيه قلت تقدرين تقولين تعودت عليها وسألتني اسئلها من ضمنها هل هناك تصاحب الصدفيه قلت لا هل عندك التهاب مفاصل قلت لااا قالت هل فيه انواع تضايقك من الملابس قلت لا قال انت تنحرج من الصدفيه قلت اكييييييييد قالت تأثر عليك قلت يس اغلب وقتي في البيت اطلع وقت الكليه فقط قالت ما استخدمت ابرة الهيوميرا قلت لا ما استخدمت الا ابره حساسيه اخذتها قبل فتره قالت طيب ليش قلت لاني اخاف من الاعراض الجانبيه قالت الهيوميرا مالها اعراض جانبيه يسوون لك تحليل انزيمات الكبد وتحليل وظائف الكلى ومايكون عندك درن مزمن ومايكون عندك انفلونزا وقت الحقنه قلت طيب والاعراض الجانبيه قالت مالها اعراض ومفعولها جدا رهييييييب المهم مالكم في الطويله جلست ادردش معها شوي في نفس المواضيع الي ذكرتها المهم اقنعتني بالهيوميرا وقالت انت كويس ما استخدمت حبوب كورتيزون ولا ادويه قويه وعطونا منشورات وسيدي عن الصدفيه وقلم مكتوب عليه صدفيه كل شي كان صدفيه في صدفيه المهم حضرت المحاضره وسمعنا الاسئله الي دارت بين المصابين والدكاتره
وأحسن خبر قالوه لنا بعد ما اخذو ارقامنا قالو راح نتصل عليكم بعد العيد ان شاءالله ونفتح لكم ملفات في المستشفى الجامعي ونتابع العلاج في المستشفى وراح يكون فيه عياده متكاملة عن الصدفيه وراح يكون العلاج البايولوجي متوفر فيها والي ريحني لابرة الهيوميرا انهم قالوا ممكن الشخص يستخدمها في البيت اول كورس ياخذه في المستشفى ومع التدريب ممكن يحقن المريض نفسه او يحقنه قريب له والدكتور وليد الغامدي اكد ان مالها اضرار جانبيه تذكر مثل الميثوتركسيت ولا الكورتيزونات وبالنسبه للمفطح لاتخافون ما اكلت شي لان المصدوفين ماقصروا يوم قال في ختام لقائنا طاروا للبوفيه وطنشوه |
رد: اليوم العالمي للصدفيه ( الجمعه الموافق 21-11-1431هـ)
تسلم يا بطل يا وليد
ان دائم اقول واكرر ان الهيوميرا يستخدمها اللي خلاص ما عاد فيه فارغ صبر والحمدلله اننا تقدم لنا هنا مجانا مع انها مكلفه جدا بارك الله في ابو متعب والله ما يقصر علينا بشي حتى صدفيتنا يصرف عليها الله يخليه لنا |
رد: اليوم العالمي للصدفيه ( الجمعه الموافق 21-11-1431هـ)
وكذلك وصلني انه الله يجزاه خير
التاهيل الشامل يدفع لمريض الصدفيه سنويا عشر الاف ريال حق العلاجات وخلافه والله اننا بنعمه يبيلها شكر بس بارك الله فيك يا وليد بس ياليتك صورت المفطح وارفقته لنا نوسع صدورنا شوي |
رد: اليوم العالمي للصدفيه ( الجمعه الموافق 21-11-1431هـ)
الله يسلمك اخوي هجهوج ... وابو متعب مايقصر الله يجزاه الجنه ويغفر لوالديه ان شاءالله بس انا حبيت اسأل هل فيه احد جرب الهيوميرا لان امس الاخصائيه وانا اناقشها بخصوص الابر واني شايل فكرة الابر من راسي قالت لي ماتبغا تتزوج حسيت بغصه وانا في داخلي اقول لا ما ابغا اتزوج بس قلت اكيد ابغا اتزوج قالت طيب لازم تستخدمها ومالها اي اضرار فياليت احد الشباب يفيدنا عنها ماودي اجرب شي ما اعرفه
|
رد: اليوم العالمي للصدفيه ( الجمعه الموافق 21-11-1431هـ)
شف يا وليد ان قلت لك اذا حسيت انك خلاص ناوي تعرس ومثلا رحت لسفاجا ورحت هنا وهنا وهنا وسويت كلش استخدم الهيوميرا انا قبل قليل عندي واحد يتقهوى مصدف صدفيه غير طبيعيه جبال مهيب صدفيه له فتره بالكورس الان ما فيه شي
لكن هذي يا حبيبي خلاص لمن تقول كفايه اتعبتي الصوره مشاوير وتعبت انا بلقى لغدرك معاذير وفيه الان الان الان من منتدانا من هو يستخدم الهيوميرا وفيه من استخدم الهيوميرا وتعافى وترك المنتدى ولو عادت بترجع بشكل بسيط بس برضو اخر الحلول لانو لكل شي مضاعفات ودي اسولف عليك بس كني اشوف بيتزا جايه بالطريق |
رد: اليوم العالمي للصدفيه ( الجمعه الموافق 21-11-1431هـ)
أكيد لانعتمد عليك بالمعلومات لأنك مشغول في المفاطيح هههه الله يجزيك هجهوج كلامك بيريح النفس
|
رد: اليوم العالمي للصدفيه ( الجمعه الموافق 21-11-1431هـ)
نسيت اقولك فيه وقت راحو يجيبون الشطه
حقين التهاب المفاصل والروماتيزم المزمن يستخدمونها ولا جابو خبر يعني ما عندهم ذيك الحساسيه منها بارك الله فيك بس ياليتك مكمل معروفك ومصور المفطح |
رد: اليوم العالمي للصدفيه ( الجمعه الموافق 21-11-1431هـ)
ايوووووه هنا مربط الفرس <<<توه مذاكر تاريخ
انا ابغا الي استخدموا الهيوميرا يقولون لنا وش الاعراض ويوم وقفوها تعبوا ولا عادي لاني بصراحه هالايام كرهت نفسي ومقلب على وظيفه في مستشفى واتوقع لو عرفوا بموضوع الصدفيه بيقولون امسك الباب |
رد: اليوم العالمي للصدفيه ( الجمعه الموافق 21-11-1431هـ)
خذها ياولييييييييييييييد والله نفس الكلام قالته لي الدكتوره قبل<<ندمت لكن سبحان الله الله ماكتب وان شالله خيره قالت لي ان مالها اضرار وتقضي على الصدفيه,,,وهي احسن حل للصدفيه حتى الان وتقول انو في مرضى عندها استخدموها وتعافو رايي توكل على الله وجربها ومحد ميت قبل يومه |
رد: اليوم العالمي للصدفيه ( الجمعه الموافق 21-11-1431هـ)
انا راح اخذها ان شاءالله بس ودي اعرف اضرارها الجانبيه مافيه احد راح يموت قبل يومه اكيد بس ودي اعرف
|
رد: اليوم العالمي للصدفيه ( الجمعه الموافق 21-11-1431هـ)
شكرا يامراسلنا من الرياض وليد والله يوفق ويخلي لنا ابو متعب وعساه ذخر لنا ابعاد كنتو ولا قريبين المراد انكم دايم سالمين وهجهوج المفاطيح اخذت عقلك يمكن لاتركت المفاطيح تطيب :d |
رد: اليوم العالمي للصدفيه ( الجمعه الموافق 21-11-1431هـ)
الشكر لكم وللاخوان الي كتبوا وشاركوا في المنتدى الاكثر من رائع
|
رد: اليوم العالمي للصدفيه ( الجمعه الموافق 21-11-1431هـ)
الاخ وليد تظن باقي فيه تسجيل عندهم عشان المستشفى الجامعي؟ |
رد: اليوم العالمي للصدفيه ( الجمعه الموافق 21-11-1431هـ)
والله ياخوي مدري بس يتصلون فيني راح اسئلهم ان شاءالله
وعدوني بعد العيد راح يتصلون فيني وان شاءالله خير |
رد: اليوم العالمي للصدفيه ( الجمعه الموافق 21-11-1431هـ)
بالتوفيق ياخوي وليد والله يكثر من امثالك |
رد: اليوم العالمي للصدفيه ( الجمعه الموافق 21-11-1431هـ)
اقتباس:
ينطبق عليها قول الشاعر وما حيلة المضطر الا ركوبها يعني مريض صدفيه اتعبته التهابات المفاصل ومو قادر يمشي او واحد خلاص بايع ومخلص ودي اشرح كيف عملها حسب كلام الدختور بحاول تقضي على نوع من البروتين تقلل عدد كريات الدم البيضاء وبعد كذا تخف الصدفيه من اضرارها بعد ترك الابر تعود كريات الدم البيضاء اقل نشاطا والبروتين اكثر كماختن وهذي من تحليل هجهوج فتكون عودة الصدفيه خفيفه والله اعلم هذا ما حبيت ادلو به بدلوي |
رد: اليوم العالمي للصدفيه ( الجمعه الموافق 21-11-1431هـ)
يعني الابر تنفع لالم المفاصل؟
|
رد: اليوم العالمي للصدفيه ( الجمعه الموافق 21-11-1431هـ)
اقتباس:
الدختور ههههههههههههههههه وفي روايه اخرى التختور:ppu:D اللي انا مستغربه منه ليش الدكاتره اللي اروح لهم مايعلموني بالحقيقه :confused::confused::confused:دايما يسفهوني وعمرهم ماقالولي احذري يعني انا لمن رحت للدكتوره وسمعت سالفتي للاخر اخذت لفه بالكرسي الدوار حول نفسها وقالت مالك الا الهيوميرا افضل علاج موجود على الساحه وماله مخاطر وقعدت تعد وتضيع فيها قلت معقوله!!!قالت نعم من داخل ماصدقتها وقلبي كان قارصني ولمن عرف خالي قال احذرو وبناء عليه قالت امي ممنوعه ومقروعه <<بتقول قصه حياتها:D وبعد استخدام اللوريد والمفاجأه اللي صارت لصدوفتي رحت للدكتوره عشان ابشرها قالت مالك الا الهيوميرا واقنعتني باسلوب حلو ومن بعدها اقنعت المعارضين بانه مامنها ضرر المهم في النهايه قالت تدرين ياجودينا انتي اللي عندك مو صدفيه:eek:خشي بجيبي الا صدفيه و صدفيه وبنت اصول بعد<<طبعا بخاطري ماقلت لها كذا قلت طيب وش تطلع ذي يادكتوره..اسكتت شوي وقالت مرض سماكه الجلد الوراثي<<طبعا ارنب عشان تصرفني قلت انا مسويه عينه من الجلد 3 مرات والنتيجه صدفيه وبعدين المرض اللي تقولينه انا اول مرا اسمع فيه قالت هذا انتي بس انا اعرفه..ياكرهي للنظره الدونيه من ناس يزعمون انهم فاهمين االزبده انها خيره من الله والحمدلله ووالله ان الحين ظاهر دياتتي خاليه من الصدفيه خصوصا بعد ماوصلتني دفعه2010 من اللوريد ولو اني مو منتظمه ولله الحمد والمنه :) |
| الساعة الآن : 11:56 PM |
Powered by vBulletin® Version 3.8.5
Copyright ©2000 - 2025, Jelsoft Enterprises Ltd By AliMadkour