التهاب الجيوب الانفيه والصدفيه !
السلام عليكم موضوع هل تتوقعون الصدفيه تتعلق بالتهاب الجيوب الانفيه ؟! الدكتور امس ذكرلي نقطه : اهم شي انعالج كل شي بالجسم ..سواء كان * التهاب لوز * التهاب بالجيوب الانفيه *بالفم والاسنان ذكرلي عنده مريض يعاني من التهابات جلديه مستعصيه وكانت لثته حمره وملتهبه لما عالجوا لثته الالتهابات راحت ! * واهم اهم نقطه قالي التغذييييه لازم تكوون يجيك عالشغلات الناقصه بجسمه قالي تلعب دوور كبييير ! نمبر ون ! .. بسألكم انا فيني شغلات تشككني بلجيوب الانفيه 1. خشمي كله مسكر ماتنفس منه وحتى حاسة الشم ضعيفه عندي ! 2.مرات احس سائل ينزل من انفي لي البلعوم !! ولاكثر هالشي الاحظ تلتهب اللوز بعدها ! بكثرة بكثرة مادري شسوي عشان يخف :( 3. صداااع حوالين عيوني .. وحرارة مرات 4. لما اخذت شراب كورتيزون للغدد اللمفاويه لاحظت السائل الي ينزل اختفى ! مجرد ماوقفت الكورتيزون رجع 5.لاحظت احيان تطلعلي ورمات بخدي !!! والحين هالشي حصلي ورمه بخدي اليمين ولما اضغط عليها تألمني :( هل هذي علامات اصابة بالجيوب الانفيه ؟! |
رد: التهاب الجيوب الانفيه والصدفيه !
مرحبا بك بنت الكويت موضوعك هام وملاحظتك بعد والله كل شئ يصير نشوف فى حد تعالج من الجيوب الانفيه |
رد: التهاب الجيوب الانفيه والصدفيه !
احدى الدكاترة الجلدية اخبرتني انه لابد ان يكون شيء في جسمش يؤلمش او بكتيريا تسبب لك المرض والمشكلة كيف نعرف موضع الالتهاب ؟؟
|
رد: التهاب الجيوب الانفيه والصدفيه !
اقتباس:
مراحب ئي والله تعبنا قمنا نحوس وندور لعل وعسى نلقى شي ! ان شاء الله تشوفه فيني .. قول آمييين :ppu |
رد: التهاب الجيوب الانفيه والصدفيه !
اقتباس:
من خلال الاعراض الي تحسينها او تشتكين منها ومرات من تحليل الدم .. ونسبة الترسيب وجذي .. عسى الله يشافينا ويكشف ضرنا |
رد: التهاب الجيوب الانفيه والصدفيه !
المشكلة ما في اعراض محددة وشنو اسماء الفحوصات للدم ؟؟
ولك جزيل الشكر بنت الكويت |
رد: التهاب الجيوب الانفيه والصدفيه !
مادري والله
بس تقدرين تروحين حق دكتورتج قوليلها بجيك على جسمي كله ! ابي تحاليل شامله !! واللوز ماتلتهب عندج ؟؟ ماتحسين بشغلات غريبه مثلا حرراره ؟؟ حساسية انف ؟ جذي هالشغلات حتى لو شي بسيط قوليلنا ماتدرين يمكن اهو الي مأثر عالصدفيه |
رد: التهاب الجيوب الانفيه والصدفيه !
والله من الممكن ان تكون الصدفية تتعلق في بعض الاحيان بالجيوب . وانا ايضا معي صدفية منذ خمس سنوات . وايضا لدي تورم بالقرنيات الانفية .
وانني اخطط الان ان اقوم بعملية نزع الجيوب الانفية وسوف اخبركم بالنتيجة في حال تحسنت الصدفية . الله يشفي الجميع . |
رد: التهاب الجيوب الانفيه والصدفيه !
، احس بأعراض اللوز وتضخمها والجيوب وحساسية غبار قليلا وانا اختي طلع عندي (حزاز جلدي مزمن)
|
رد: التهاب الجيوب الانفيه والصدفيه !
الاخت الكريمة بنت الكويت
انصحك بتجربة شرب مغلي الزعتر ثلاث كاسات في اليوم عن تجربة مفيد جدا في حالة الجيوب الانفية والجهاز التنفسي الله يشفيك يا اختي |
رد: التهاب الجيوب الانفيه والصدفيه !
اقتباس:
شنو اعراض الجيوب الانفيه الي تحس فيها ؟؟ والعمليه سهله وآمنه يعني ؟ وماترجع مره ثانيه التهاب الجيوب ؟! وان شاء الله باذن الله تروح الصدفيه وتطلع بسببها الله يفك عوقك |
رد: التهاب الجيوب الانفيه والصدفيه !
اقتباس:
والحين بعد متضخمه وعملولي مسحه طلع فيها ستربتوكوكس باكتيريا ! مرات شي مرتبط بشي ! الدكتور قال اهم شي تعالجون الاشياء قبل الصدفيه ! لانه مرات اهم السبب .. |
رد: التهاب الجيوب الانفيه والصدفيه !
اقتباس:
بس ان شاء الله بجربه ممكن تقولياخوي شنهي اعراض الجيوب الانفيه الي عندك ؟! |
رد: التهاب الجيوب الانفيه والصدفيه !
Note :
هذي معلومات قالي اياها الدكتور وماحبيت ابخل عليكم فيها هني طريقة علاجهم لما يضعون لكريمات يسوون معاها wet dressing يعني قماش او ( خام فنيله ) او فوط ناعمه يضعونها ( يغطسونها ) بمااء دافي او حار مضاف اليه خل ابيض ويلفون فيها الاماكن المصابه بعد مايتم دهنها بالكريم + بعدها قماش ناشف وهالطريقه تساعد على سرعة امتصاص الجسم للدوا + تقتل الباكتيريا وجذي فـ انا سالته تنصحني استخدم غسول ؟! للمنطقه الحساسه قالي لاااا الـ wet dressing احسن وانفع لانه نبي الوسط يكون acidic حمضي ! |
رد: التهاب الجيوب الانفيه والصدفيه !
شغله ثانيه
انا حاليا الصدفيه ارجعتلي لكن مع بثوور !!!! ونقط باماكن كثيره احس يصعب السيطره عليها بالكريمات ! لانه نقط متوزعه .. سمعت دكتورتي تكلم دكتوري انه هذا بسبب لنيوتيقازون :( لانه بالكويت زادولي الجرعه حييل لي 40 ! واهم بامريكا قالولي فقط 20 لاتزيدين فراح يبدون معاي باللايت ثيرابي ، العلاج الضوئي لكن حق ماي feet راح تسمر المنطقه ؟! :( ياناس ضايق خلقي ! باجر لون قدمي اسمر وجسمي فاتح !!! احس جنه وصخ ! وقالتلي اذا اضطرينا نعمل لجسمج لاتخافين بنعملج الجسم كله عشان يضبغ كله يكون نفس الـ tan ! انا كنت بسوي تان وكنت احن على امي وامي موراضيه اسوي لكن لما السالفه سارت مرض وانه العلاج بيعملي نفس التان هونت مابي التان :p اتهقون اذا سوولي جسمي كله راح يكون جسمي غامق حيل ؟! وشكثر يطول على مايرد لوني الطبيعي ؟! |
رد: التهاب الجيوب الانفيه والصدفيه !
انجرب ما ظل شيء الا جربناه والله الشافي
|
رد: التهاب الجيوب الانفيه والصدفيه !
الله يشفيك و يعافيك اختي الكريمه بنت الكويت و الله انك عزيزه علينا جميعا:o
و اكثر شيء يعجبني فيك هو طريقة الكتابه التي كلها ابتسامه و سخريه و تفائل رغم الظروف الصعبه و رغم كل الالام و الاوجاع اسئل الله العظيم رب العرش العظيم ان يشفيك. |
رد: التهاب الجيوب الانفيه والصدفيه !
الف سلامة عليك بنت الكويت .
لاتخافي بالنسبة للون فقط عند الانهاء فترة قصيرة ويعود اللون الطبيعي. انا جربته لمدة كبيرة وعاد لوني مثل ما كان . بس انبهي ضعي حماية عيار خفيف حتى لا يحترق الجلد . والله لك وحشة لا تغيبي علينا وطمنينا عليك دائما . ومنك نستفيد . وان شاء الله نسمع اخبار شفائك عن قريب . |
رد: التهاب الجيوب الانفيه والصدفيه !
اقتباس:
بعد عمري الله يعز غاليج ومغليج تسلمين عسى بس تفهمون كلامي :ppu المشكله اني ماعرف فصحى :d مشان هيك بتكلم معاكون على لهجة بلادي :( << قلبت دولة ثانيه ! .. والله تعبنا من هالمرض بس شنسوي بعد الله كريم انا احاتي لا اقلب فحمه ! برووحه واصلني شعر يقول شاعر مفتون بالسمر يقول: لاشفت كوع خلي وطقتني البوهة لونه أجلح إمدوعم على إملوحه يلطخه بدهن فازلين ساعه ! وان خلاه دقيقه شوهب بروحه :ppu لووووووول ادري مافهمتوا ماراح يفهموونه الا لكويتيين و الخليجيين اشك انهم بيفهمونه :ppu |
رد: التهاب الجيوب الانفيه والصدفيه !
اقتباس:
عفيه طمنيني يعني لما صبغتي لونج صبغ حيل ؟ سرتي سمره ؟! ولا برونز ؟؟ نفس التان يعني ؟ اللون حلو ؟ ولا وشكثر طول على مارد طبيعي ؟؟ حتى لو تقريبا ! :( بعد عمري عسى مايوحشج غالي ان شاء الله والله يشافيج يارب |
رد: التهاب الجيوب الانفيه والصدفيه !
لاتخافي عزيزتي
بعد خمسة عشرة يوم ببلش يزول تتدريجيا كان لوني برونز غامق ثم عاد الى لونه الطبيعي انا بشرتي بيضاء. حتى لو كان الشخص لونه اسمر يعودالى لونه الاصلي . |
رد: التهاب الجيوب الانفيه والصدفيه !
اختي بنت الكويت هل سويتي تحليل عينة تأكدتي صدفية كيف شكل صدفيتك
|
رد: التهاب الجيوب الانفيه والصدفيه !
ندى
ان شاء الله بس 15 يوم ! الله يسمع منج ورديتي بيضا ؟؟ ولا حنطاويه ؟ |
رد: التهاب الجيوب الانفيه والصدفيه !
نور
انا خذوا مني عيناااااااااااات مو عينه لوول قطعوا يلدي تقطع ! :d |
رد: التهاب الجيوب الانفيه والصدفيه !
نفس الحال يعني تأكدتي صدفية ؟ وهل صدفية نقطية ؟
|
رد: التهاب الجيوب الانفيه والصدفيه !
بنت الكويت
اكيد رديت بيضاء . بدي اقول شىء في ثلاث شغلات لازم تتقيدي فيهم اولا تضعي كريم خماية ثانيا تشربي مياه كثير حتى لاينشف الجلد مهم جدا جدا ثالثا تضعي مرطب على جلدك بعد الجلسة . سوال هل بعد كل جلسة تشعرين بتعب شديد ؟ الف سلامة عليك . |
رد: التهاب الجيوب الانفيه والصدفيه !
اقتباس:
بس الحين قامت تنتشر نقط بجسمي بمناطق مختلفه بسبب لنيوتيقازون او احتمال بسبب باكتيريا لستربتوكوكس وانتي ؟! |
رد: التهاب الجيوب الانفيه والصدفيه !
اقتباس:
بس شلون احطه عالصدفيه :king: وبنفس الوقت شالفايده يحميني من الاشعه ؟ اهم يحتاجونها عشان تاثر عالصدفيه ؟! امس جربت اشرب نص لتر ماء .. باالليل مانمت وانتي بكرامه رايحه راده عالحمام :( كرهت عمري مابديت ليلحين ! بس احاتي |
رد: التهاب الجيوب الانفيه والصدفيه !
ياعمري بنت الكويت
سلامتك ماتشوفين شر الله يشفيك يارب ويشفي الجميع |
رد: التهاب الجيوب الانفيه والصدفيه !
اقتباس:
|
| الساعة الآن : 01:38 AM |
Powered by vBulletin® Version 3.8.5
Copyright ©2000 - 2025, Jelsoft Enterprises Ltd By AliMadkour