ههههههه

السلام عليكم ورحمه الله وبركااته

الله يعين الجميع يا اخت حلا ... انا عن نفسي الإجابه على اسإلتهم

مشابهه لج .. اقولهم حساسيه وخلاص ... مو علشان نحن نخجل من شي
او خوف مننا ... بس علشان ما ندخلهم في متاهات هم في غنى عنها ...


الشكر الجزيـــــــــــل لج

:_11:

وعليكم السلام ورحمة الله وبركاته

هلا وسهلا

يعطيك العافية على مرورك الجميل .

بالفعل الحقن الكرتوزون تخفيها لكن سرعان ما ترجع بشدة .

بسراحة حاولت اقنعه لكن بدون فائدة ..

يقول انا ماني خسران شيء العلاج وعلى التامين ..

قلت له بالعكس انت خسران صحتك .. وعمرك .

قال ابشوف الدكتور وان شاء الله يصير خير .
............................ ترى هذا فاصل اعلاني :d

مبروك الزيارة الي المدينة وتقبل الله منا ومنكم صالح الاعمال .


وبالتاكيد المدينة زحمة ها الايام بالرغم من شدة حرها .




اسال الله العلي العظيم ان شفينا من الصدفية .

[QUOTE][السلام علكيم ورحمه الله وبركاته

هلا اخوي خارج التغطيه ...

احييك والله على هذه الخطوه الرائعه .. كونك سعيت
تعمل الخلطه ... :_11:

أخي المهم إنك عرفت وين تحصل زيت جوز الهند
( انا وضعت صورة للعبله لازم تاخد مثلها وتقوله الأصلي)

ولما تكون عندك العلبه من جديد ...

تروح المطبخ عند الثوم ...

http://www.arabiyat.com/magazine/uploads/garlic.jpg

الثوم عندك بيكون مثل هالصور صح؟ ... اوكي وراح تلاحظ إنه
كل واحد منهم فيه أعداد من الفصوص مختلفه .. إليفيه 3 وإلي 4 وإلي 6
..الخ

خذ لك واحد فيه مثلا 6 فصوص ... ودق في هال 6 فصوص لين
تحسهم انهرسوا ... وحطهم في وعااء مع زيت جوز الهند واخلطهم قبل
عن تحطهم على النار .... شغل النار وخلها خفيـــــفه .. وبس دخلها
لوقت قصيــــر بس لين تحس بلمسة حرارة خفيفه , سكر النار .. وخله على جنب لين يبرد عراحته ... وبعدها حطه في علبة زجاج ...

وبعدها متى ما فضيت استعمله على جسمك ...

:_11:


السموحه ...

اختك في الله ...


برينسس:cool:/QUOTE]


وعليكم السلام ورحمة الله وبركاته

بسراحة كل ذوق على هذا التوضيح ولا اروع ..

لو كتبت بجميع لغات العالم ما توفي كلمات الشكر لك .

جزاك الله كل خير وجعلك من عباده السعداء .

مع خالص تحيات خارج التغطية .:D.

السلام عليكم ورحمه الله وبركاته
 

:D


هلا اخوي...

لو كنت اعرف اوردو كنت فهمتك بعد فيها ...:ppu

ولا تتفلسف وتقول افهمك بالإنجليزي .... ترا بيكون على
كل حرف درهم:D <<< تمزح :ppu

ومعليش ابغيك تشكرني بكل لغات العالم:icon14: ...<< وياثقل مزحها..:ppu:confused:

اسوولف:_11:


السموحه منك

اختك في الله

برينسس:_11:

هلا وسهلا .

اخذي راحتك بالمزح انا خارج التغطية :)

اردو ما شي الحال يمكن يجي منه .

وعلى قول حلا الكرتوزون يمتص الدم ...

الظاهر ماعاد فينا دم ..

الله يكفينا كل شر .

الصدفية ليش سموها بهذا الاسم اكيييد على شان تجيء بالصدفة..

او يمكن علي شان مالها علاج .

ولا على شان انها صدقية وفية ..

السلام عليكم ورحمه الله وبركاته,’,

هلا اخوي خارج التغطيه
يبارك بعمرك..والله يتقبل منا ومنك اجمعين يارب
الله يعين صديقك..وانشاء الله ماتاثر عليه الكرتزون

بالنسبه سبب تسميه الصدفيه بهذا الاسم..
لان تتكون قشور سميكه ع الجلد تشبه الصدف...
لذالك سمي بداء الصداف


لكم خالص امنياتي بالشفاء والصحه والعافيه..
آختكم/حلا

السلام عليكم
حياكم الله اخوتي
سعدت بتواصلكم الدؤوب مما يعطي النفسل دافع لمواجهة هذه الحرب :) الصدفيه اقصد
أفضل علاج لصدفيه الرأس النيتقزون
وبمجرد ايقافك للعقار يتفاعل هذا العقار مع جهاز المناعه مما يخيل لك ان الصدفيه قد ذهبت وهي في الحقيقه مختفيه لبضع من الوقت و تستعد للظهور
مازلت أنظر الى الطب بنظرة المتشائم
والسبب في ذلك عدم وجود عقار يحقق لنا درجة الرضى ولو بشكل ظاهري
من وجهة نظري مازال الطب فاشلا في ايجاد حل لهذه المعضله :)
اسال الله العلي القدير ان يشفينا

حياك الله اختي
كل شي ولا السمنه عاد الواحد ما صدق نزل ربع كيلو بعد شهر رجيم :)
سبحان الله ربما العامل النفسي له دور في ذلك
انا مكثت في مدينه الرياض ثلاث سنوات وكنت ادرس هناك فنصحني الطبيب بالانتقال الى مدينه ساحليه فذهبت الى مسقط راسي الخبر
وحاليا استكمل ما تبقى من دراستي الجامعيه اسال الله العلي القدير ان يوفقنا
ولكن لم أتاقلم في مكه ولا في الطائف فهم مدينتان قمة بالجفاف
فانا اتردد الى هذه المدن من فتره لآخرى بحكم بعض الاعمال التي اقوم بها هناك ولكن اضطر الى الذهاب الى جده مع العلم ان لدينا منزل في الطائف ولكن احرم منه ومن جوه بسبب هذه المعضله اسال الله العافيه
في اعتقادي ان سبب تاقلمك هو استقرارك في هذه البقعة المشرفه ولاشك ان البشر يتاثر بمحيطه الخارجي
اسال الله العلي القدير الشفاء لي ولكم يا حي يا قيوم

وعليكم السلام والرحمه

اخي الكريم
الكرتوزن ممنوع اصلا دخوله الى المملكه الا اذا صرف لك من مستشفى حكومي
نتائجه سريع ولكن ستهاجمك الصدفيه بشكل اشرس من سابقه وبشكل اوسع
يوجد في اجسادنا هذه الماده ولكن نفتقره وهذا ما يسبب لنا خلل في جهاز المناعه مما جعلهم يصنعون هذه الماده
والكرتوزون المتواجد في الصيدليات له اثار جانبيه لا تحمد عقباه
اسال الله العلي القدير الشفاء لي ولكم اخوتي

يحيك ربي
اممممـ مدري صراحه بس مكه ماتعتبر جافه لان فيها بحر بس بعيد..اما الطائف وعععععع انا يله اروح مواعيد المستشفى بالهدا جوها مو حلوو ابد
ويمكن ماتآقلت لان ماتعودت نفسيا ع المكان...والله يوفقك بدراستك بالجامعه وتتخرج انشاء الله...
واهم شي المرطبات حتى لو المنطقه جافه...انا شكلي في النهايه بفتح صيدليه كريمات..جميع الكريمات بالدعايات اجربها و42ادهن كني عجيز خخخخخ


الله يشفينا وياكم من كل داء يارب العالمين...

آختكم/حلا

آخوي البنان,’,
انت مجرب النيوتقازون؟؟؟
بس مااظن انها زينه لصدفيه الرآس الا اذا كان فيها بكتريا القطرات الديبرو سالك والاليكوم حلووه لاكن الحمدلله مافي بشعري شي يمكن من كثر الزيوت يلي احطها :p...لان وظيفه الحبوب تقضى ع البكتريا المسببه للصديد.. الا اذا تلاعنت البكتريا وصار لها سبات مؤقتا..ماينفع معاها النيوتقازون
انا يوم خذيت الحبوب بدايه 50 جرام لمده 3اشهر يقول عشان يعطي اشارات للجهاز المناعي يحد من الصدفيه وتدريجيا تقل الجرعات الين توصل 10 جرام
وانا مااداني المستشفيات ولا الادويه بس مو نظره تشائم لان احس ماعندهم ماعند جدتي
والشافي الله سبحانه وتعالى
جعلنا الله وياكم من الصابرين المحتسبين
^_^

الله يحيك اختي
الرياض على جفافها تعتبر بوسط المحيط الهادي بالنسبه لمكه والطايف :)
لاشك التواجد المستمر في منطقه معينه يجعلك لا تميزين هذه النقطه فلو ذهبتي لمنطقه اخرى مختلفه سواء ساحليه او غير ساحليه سوف تجدين حكه بالجلد وهذا يدل على تغير المحيط بالنسبه لديك وتحتاج من يوم الى ثلاثة ايام لتتاقلم على منطقة الجديده
الطايف جوها مو حلو !! عجبا ولو اني اكره الطايف ولكن اجد جوها من اروع ما يكون
واصبح لديك خبره في الكريمات خبيرة الاعشاب مريم نور :)





نعم اختي سبق وتجرعت جرعتك الحاليه
50 غراما ولكن لم يستطع جسمي تقبله فقد تم تخفييفه الى 30 غراما اي ثلاث حبات كل حبه عشرة غرامات
وكانت المده اكثر من شهرين تقريبا
ولكن بمجرد ان اتوقف عن تجرعه سرعان ما يعاود الزياره شيئا فشيئا
بالنسبه لصدفية الرأس افضل علاج له حاليا هو النيوتيقزون فلا يستجيب له القطرات ولا الدهانات الاخرى
واصعب انواع الصدفيه التي من الصعب علاجها هي صدفية الراس والاظافر فلذلك يلجأ الاطباء لهذا العقار لتخلص من الصدفيه في هذه المناطق
اسال الله العلي القدير الشفاء لي ولك ولكل مريض

السلام عليكم ورحمة الله وبركاته

وش اخباركم ان شاء الله تمام
ياليت تفيدون عن عقار النيوتقازون؟؟؟

لا عندي صدفية بالاظافر ..

من حيث اجابياته وسلبياته ..

السلام عليكم ورحمه الله وبركاته:D

كيف الحال؟

اخوتي واخواني في الله ...


انا والحمدلله لو اشكو من صدفيه الأظافر..

ولكن هل من احد ان يستطيح ان يفيدني ما هي بدايات
الإصابه بصدفيه الأظافر,, يعني شنو هي العلامات الي
في البدايه تصير في الأظافر تيبن بدايه الإصابه

للعلم..

اعاننا الله وإياكم وعافانا فيما ابتلانا به...:)

اختكم في الله

برينسس:_11:

وعليكم السلام والرحمه

حياك الله اخوي
النيوتقيزون هو عقار مقشر للجلد (يقوم بعملية التقشير) ويخلصك من الجلد الزائد الذي ينمو بسرعه اكبر من الشخص الطبيعي
وقبل استخدام العقار يجب استشارة الطبيب المختص لعمل تحاليل
لايوجد عقار بدون سلبيات ولكن افضل شي لحالتك هي النيوتقيزون والله اعلم

وعليكم السلام والرحمه
صدفية الاظافر تميل الى الضعف العام للظفر ويكون هناك اصفرار وترين بها قشور بين الاظفر والجلد صفراء
ونمو الظفر المصاب بالصدفيه يكون اسرع من الاظافرالغير مصابه سبحان الله
اتمنى اني افدتكم

السلام عليكم ورحمه الله وبركاته,’,
آخوي البنان السالفه مو سالفه جو الطايف حلوو ولا شين...بس حيــــــــــــــــل جاف..وكئيبه مهيب مريحه نفسيا طبعا بالنسبه لي...وغير كذا واهمهم مثل ماقلت قبل مواعيد المستشفى هناك خلتني اشوف جوها مو حلوو..بس االاكيد ان جوها من ناحيه برد ولاحر يهبل آيام الصيف مايختلف اثنين ع هذا الرأي..
والنيتقازون..صح50 جرام قوويه مره انا امستحملتها كنت اخذ من راسي يوم50ويومين اووف وطبعا مااعلم الدكتور..واظن هم يعطونها ع حسب الوزن..مره من المرات انخبل الدكتور وعطاني 75جرام بس ماكليتها وعقب اسبوع اكتشف ان وزني ضعيف ومايصلح جرعات قويه...

((ملاحظه))
اذا احد مو جود بالسعوديه ويتعالج بالنيوتقاسون ويصرفه من صيدليات الى الان يعلمني من وين وباي صيدليه...لان صديقتي تتعالج بنفس الحبوب وانقطعت من المنطقه الغربيه وهي تجيبها من مصر وفي مصر موقفه...وانا اخذها من مستشفى القوات المسلحه..ولاتقدر تاخذها منهم :(
بلييييييز ساعدووني:(
وجزاكم الله كل خير,’,

آختكم/حلا

وعليكم السلام ورحمه الله وبركاته,’,
هلا آخوي خارج التغطيه..

كيف احوالك انشاء الله بخير..

نيوتقازون ماعمري سمعت ان يصرف لعلاج صدفيه الاظافر..
لان من آثاره الجانبيه النيوتقازون..تكسير الاظافر وضعفها..التهاب حول الاظافر
ووظيفه الدواء تقشير الجلد والقضاء ع البكتريا المسببه للصديد...بس مايعطونه الا للصدفيه الشديده
وعلى حسب ماقلت ان صدفيتك من النوع الخفيف ماشاء الله...
واثاره الجانبيه كثيــــــــــــــــــــــــــــره جده خصوصا ع الامد البعيد

الله لايحوجك له يارب

اتمنى افدتك ^_^

آختك/حلا

وعليكم السلام ورحمة الله وبركاته .

هلا حلا

الحمد لله بخير وعافية والشكر لله سبحانه

انت شو اخبارك ان شاء الله بخير .

اشكر ك على التوضيح . وان شاء الله ما استخدمه .

الله يعطيك العافية ع كلامك الطيب والجميل .

والله لا يحوجنا لكل العلاجات .

ويغنينا عنها بفضل ويشفينا .

السلام عليكم ورحمة الله وبركاته

اسعد الله ايامكم بالخير والمسرات والشفاء التمام من الصدفية

وش اخباركم و ايا حبيبتكم هذه ما ادري وش يسمونا :)

اللي رحت لدكتور وجلس يشرح لي ويرسم عن الصدفية تصدقون ذكرني ايام المدرسة

اخر شي يشرح وانا نائم الظاهر ما احد يجيئه في العيادة غيري قاعد يتونس معاي .

قلت له هات من الاخر وخلصنا .

قال اباعطيك مرهم فيه كرتوزون واخر ديفونكس تخلطهم مع بعض .

لمدة اسبوع وتراجعني .

وكذا لك اعطاني حبوب عبارة عن زيت السمك ..


والله ما ادري هو هذا الدكتور عارف شي عن الصدفية ولا بس يسمع ويفرأ


اقول الله يعطينا خير ويكفينا شره .

صحيح انتم شو دخلكم بالسالفة ..:)


حبايبي الله لا يحرمني من مشورتكم

حياك الله اختي

هناك استفسا ر بسيط
هل يوجد مستشفى في الطائف موثوق لعلاج الامراض الجلديه وهل هو خاص ام حكومي
وهل يوجد به جهاز الناروباند !!

اذا كانت الجرعه تحسن من هجوم الصدفيه عليك فهذا امر جميل جدا لانه النيتقزون اقلل اثار جانبيه من الميتوركسيت .
للاسف منذ سنتين وهذا العقار غير متوفر في الصيدليات ولا اعلم لماذا
ولكن تصرف في المستشفيات الحكوميه
ربما يكون هناك احد من ابناء منطقك جده ليرشدك
اسال الله العلي القدير الشفاء لنا

السلام عليكم
 

100 هلا وسهلا لجميع الاخوه والاخوات ..
اشكر جميع الاخوه اللي سألوا عني واللي ماسألوا عني بعد ...
افيدكم باني كنت خارج البلد في رحلة عمل ....

وعن الحاله الصحيه الحمدلله لا جديد ومازلت في طور علاجي مع
هالميتروكسيت اللي بيجيب الغثياااااااان ... وانا في الاسبوع الخامس
من هالعلاج ... الله كريم .

بالصدفه اختى حلا امبارح كنت في صيدليه هنا عندنا بجده وجاء رجل واخذ
حبوب النيوتيجازون 25 ملغرام وهي متوفره 25 و 10 وهذه الصديليه
هي صيدلية مستشفى بقشان الخارجيه اللي بشارع التحليه ...

تعرفوا ..... كنت احلم اني ارجع واحصل على علاج او حتى مهديئ جديد اكتشف
من احد الاخوه المشاركين لهالعله بس خساره ....

يجيب الله الخير

مدري ايه اخبار خلطة الجوز الهند والثوم انشاءالله جايبه نتيجه كويسه ؟؟


ابوضياء

السلام عليكم ورحمة الله وبركاته

اخوي ابوضياء مرحبا حيل عدد ماسال السيل .وعدد ما ارعد وبرق المزن .

الحمد لله ع السلامة .. سلامة الاسفار .

مطول الغيبات جاب العنائم :)

قلنا تاخر وجاب معه الدواء الشفائي باذن الله .:)


ولي رجعة ان شاء الله لاخذ الاخبار منك .:s

أهلين أبو ضياء
 

حمدا لله على سلامة وصولك أخى ألحبيب أبوضياء ..
وكلنا نسأل عليك وأرسلت اليك رسالة للأطمئنان عنك خير أن شاء الله وعودا حميدا بأذنة تعالى ..
نورت المنتدى .. :cool: :_11: :cool: :_11: :o

يحيكـ ربي آخوي..
المستشفى بالهدآ(مستشفى القوات المسلحه)..بس معرف اهي خاص ولا حكومي
وصراحه اطباء مستشفيات القوات موثوقين مررره وكفؤ...ولا المستشفيات الخاص لعبوو بحسبتي
وانت تقصد الناروباند..اشعه فوق البنفسجيه..البوفا؟؟
وذا تقصدها اي موجودها وكنت اخذها

انت تقولي عن اثار الميثتروكسيت...بس الحمدلله ماطولت معه

وهو صح النيوتقازون منقطع من السعوديه وصديقتي تجيبه من مصر وانا اخذه من مستشفى القوات


يعطيك العافيه ماقصرت,’,
^_^

السلام عليكم ورحمه الله وبركاته,’,

هلا ومرحبآآ آبو ضياء
نور المنتدى بوجودك..الحمدلله ع السلامه
الله يكون بعونك ع الميثتروكسيت..ويجعل ربي فيه الشفاء انشاء الله

وعن النيوتقازون..الله يبشرك بالجنه يارب فرحتني
ويله جده مو بعيده عنا..

وجزآك الله كل خير...

آختك/حلا

ابو ضياء

حياك الله اخوي

من طول الغيابات جاب الغنايم :)
ان شاء الله تكون باحسن حال اخي الكريم


الاخت حلا بارك الله فيك على الافاده
شاكرلك تواصلك

السلام عليكم
اول شي الحمدالله على سلامتك اخوي ابو ضياء
والحمدالله طمنتناا عنك ..
ثاني شي انا امس رديت من الشاليهات وجذي
فدشيت البحر اتسبح طبعا اول شي حسيت بعوار شوي الصدفيه تحر بس والله ماجذب عليكم قمت اغوص وجذي لما خلصت من البحر بالليل قعدت المس الصدفيه الي براسي بشوفها بس والا ماكو !!! حدي تعجبت المس ماكو والحين قبل لا اكتب الرد قلت خنـ اتاكد بس الحمدالله يارب ماكو اتوقع انها سارت قشره حتى قلت حق امي اذا السالفه جذي شكلي كل مره بعبي ماي من البحر واخذه واغسل شعري فيه وجذي .. اما الي بجسمي تحت الابط احس نفس سار تهيج او حساسيه مثل زادت وتحرني .. وبالمكان الثاني احس ماكو شي تغير ! بس لما اخذ مضاد حيوي الاحظ الصديد وجذي يوقف ! احس بس مليت لي متى بلعب بالمضاد الحيوي لعب ! لاعت جبدي شكلي باجر يمكن اروح حق الجلديه من زمان ماشافتني << لاني حفظت علاجها :p
وانا الحين سارلي اسبوعين ماخذيت ابره الميتروكسيت بس الحمدالله ماشوف سار فيني شي !@ انا احاتي لايسير شي اني تركتها من كيفي .. اذكر قبل لما تركت الحبوب من كيفي كنت ارجع وجذي كل يوم اما الحين الحمدالله ماكو شي
احس ماله داعي اخذ الابره لاني الحمدالله بس عندي صدفيه براسي والحين موموجودة وتحت الابط وبمكان ثاني بس ! ومعاهم فطريات فماله داعي الميتروكسيت !
عاد تصدقون اليوم قعدت اتذكر قبل احس سبحان الله والله ودي اتذكر العلاجات الي خذيتها عشان افيدكم بس ماذكر
ربي لك الحمد والشكر يارب سبحان الي يغير من حال الى حال قبل من كثر ما الصدفيه منتشره عندي وملتهبه دكتورتي كانت تصورها وجذي كانت ورى اذوني الحين سارلي سنين ماكو ! " الحمدالله يارب " كانت برقبتي من ورى الحين ماكو ! " ربي لك الحمد والشكر " كانت ابطني ! والحين ماكو " الحمدالله الحمدالله الحمدالله " اذكر ابطني كنت استخدم دوا خالطته دكتورة من الخاص مراه احطه ومره احط سكن كاب كريم والله حده عجيب بعد كنت استخدمه حق راسي وجذي بس كانت حيل ملتهبه مافاد ورديت حق دكتورتي مالت الحكومه عطتني فيوسيدين وطاب الحمدالله ..واذكر طلع بمكان ماعرف شسمه بس شفتاو الركبه ؟ الي يكون وراها وحطيت جنه بانديرم وراح الحمدالله " دكتورتي ياحبها حق البانديرم :p " انا سارلي سنين وبنين وانا اخذ بهـ البانديرم تهقون يضر ؟ من 5 سنين وانا اخذه ارتاحله بس الحلو فيه ان لا كان التهاب حيل وحطيته بسرعه يخف بس لاسار شوي عادي مايروح مايخف ! الحمدالله على كل حال بس انا الحين عندي صدفيه وفطريات باماكن مو شي اتعب حيل وسارتلي فتره مو راضي يسير تغير ! والميتروكسيت خذيته من شهر 12 الي طاف والا اشوف سوى شي ! يعني شدعوه كل هالـ 7 اشهر ماسوى شي !
الله يعيناا ويشافيناا ياااااااارب ..
وسوري عـ الطواله والقرقه

السلام عليكم
 

هلا بالاخوه الاعزاء
خارج التغطيه - فكري دياب - الاخت حلا - الاخ البنان - الاخت بنت الكويت
اشكركم على هالتراحيب ...
ووالله انتم اللي منورين هالمنتدى القيم .... وجزاكم الله خيراً .

الله يعينا جميعا ويصبرنا على هالعله وينزل لنا ولجميع اخواننا المرضى الشفاء
التام .

ابوضياء

السلام عليكم ورحمة الله وبركاته

الحمد لله الذي يغير من حال الي حال .
وادعوا الله لي ولك وجميع الاخوة بالشفاء العاجل من الصدفية .

تعليق على كلامك كنت امس عند دكتور قال لي ان الصدفية غالباً تختفي مايبقى الا نقط بسيطة في اماكن معين .

وذكر من هذه الاماكن الاكواد وفوق العصعص والركبتين .

وقال ضمن حديثه لي ان الصدفية ممكن في اي وقت تختفي وبدون علاج . والسبب الي حد الان مجهول.

يااااااااهو من يعرف السبب ويخلصنا من هذه العلة .

بنت الكويت !
بس انا ماادري اذا كنت مستمرة ع الميثرو كسيت. لان الميثروكسيت هو الذي يمنع ظهر الصدفية

ويحد من انتشارها . ولكن قد تظهر في اماكن معين وتكوب بسيطة .

نسيتي العلاجات اللي تستخدمينها عقبال ما تنسين الصدفية ما تتذكرينها .

ولا تذكرين ان كانت معك صدفية .
:rolleyes:

اعتقد العقاقير تختلف بحسب التقبل من شخص لاخر
فقد تعطي بنتائج جيده لفئه ولاتاتي بنتائج مقنعه لفئه اخرى
اسال الله العلي القدير الشفاء لي ولكم

السلام عليكم ورحمه الله وبركاته,’,
انشاء الله استانستي بالشاليهات ^_^
واكيد ماي البحر زين حق الصدفيه...بس يحرق اذا معها بكتريا
الحمدلله ان خفت عليك عقبال الشفاء لك ولنا يارب...

اخوي خارج التغطيه انا موجذي قصدي
شوف الله يسلمك انا سارلي يمكن سنه والي ابطني واذوني وارقبتي وجذي رايحييييييين عني الحمدالله يعني من زمان
لما خذيت ابرة الميتروكسيت بس فيني براسي والابط ومكان ثاني وسارلي 7 شهور وماشوف اي تحسن ترى نفس الشي
والحين سارلي اسبوعين ماخذيت الابره وهم نفس الشي ! الي براسي الحين خاف من البحر الحمدالله ومن الدوا الي احطه اما الباجي صديد يخف ويزيد :( عباله احنا قاعدين نلعب :confused:
انا الحين محتاره شلون بقول حق دكتوري بهدها ماراح يرضا ابي احاول افهمه واقنعه شلون ؟ عفيه فيدوني

اهليين حلا ثااانكس

عاد تصدقين حدي استغربت لما الماي حاش شعري توقعته بحرني وجذي بس كان الوضع عادي !

انا الاماكن الي فيها صدفيه وفطريات قامت تحرني حيييييييل !

واحس تهيجت .. تهقين ماي البحر موزين حق الفطريات ؟

توني قاع اسولف مع رفيجتي اهي بعد فيها صدفيه
الادويه ماتفيد معاها وجذي
فتوها قاع تقولي بلشت بعلاج لمدة يومين كانت شهرين تقرى عنه وتسال عنه بس تقول في فرق وايد إسمه
homeopathy
قطره تحطها بالماي وتشربها وسالتها عن السايد افيكت وجذي قالت ماكو الا يمكن مرات الحكه بس وقالتلي انها اول وحدة بالخليج تطلبه
فـ مادري انتو سمعتاو عنه ؟؟

السلام عليكم
 

سلامي للجميع ..

هلا ببنت الكويت ... انا لم اسمع من قبل عن هالعلاج homeopathy
بس انشاءالله يكون علاج ناجح وفعال لهالخايسه الصدفيه ...

بس عندى كذا سؤال اذا ممكن ؟
من اين قرأت واين سألت عن هالعلاج هذا ؟
وهل هو علاج خاص للصدفيه ( يعني نهائي حسب ماقرأت وسألت عنه ؟ )
ومن اي بلد طلبته هالعلاج ؟

ملاحظه : اين انتي يالاميره الصغيره ؟
انشاءالله تكوني بخير وصحه جيده ؟

ابو ضياء

حبيبي ياليت تكلمني على الماسنجر .

اخوي ابو ضياء انا لما سالتها قالتلي الدكتور رفيج ابوها واهو اسباني الدوا من اسبانياا
وتقولي الدوا حق الصدفيه وحق كذا مرض ..
بس طبعا احنا الي بهمنا الصدفيه قالتلي اذا تبين خلي ابوج يكلم ابوي وجذي يتفاهمون
انا عبالي الدكتور كويتي قلت عالاقل لو اروحله واسال وجذي

هلا بنوووته..
ماي البحر لا جا ع الصديد يهيج ويصير احمر مارتحت له ابد..

الله يشافينا يارب من كل مرض

السلام عليكم وحمة الله وبركاته .

وش اخبارك ان شاء الله بخير

بس ياليت تفيدوني عن شامبوا polytam .

هل وهو يحتوي ع كرتوزون . ام لا .