أخواتنا الكرام .
الملح المطلوب هو ملح الطعام العادى ومذكور علية أنة يحتوى على .. ( اليود ) وهذا ضرورى ...
لكم الشفاء بأذن الله بس واصلوا كما تفضلت أختنا أزيرا ..

السلام عليكم ورحمه الله وبركاته
شافانا وشافاكم الله اخواني جميعا من كل سوء ومن كل مكروه
اختي المتفائله الحمد لله على السلامه وينك من زمان ما اتحفتينا بمشاركاتك الزينه وكذلك لم نسمع عن اخبارك ولفين وصلتي ببرنامجك وشو صار باخر التطورات معك شافاكي الله والسلام والمعافاه الدائمه للجميع

امييييين يارب العالمين...
الملح اسمه ملح خشن ينباع في اخياش او عند محلات البهارات....هو ملح البحر الاصلي الغير مكرر
ويجي شكله مب مرتب مكسر وملوحته زايده عن الملح العادي المكرر
اذا ما لقيتيه لا تفقدين الامل وحطي الملح العادي حق الطبخ
الله يشفيك ويفكنا منها ثقيلة الدم الخايسة الصدفية
ويرزقنا بجلد صافي ناعم وابيض بياض الثلج
هههه

ما ادري ! يعني الملح الخشن حق البحر مافيه يود؟
انا الي استخدمته ملح خشن وليس الملح العادي حق الطبخ
وفادني ولله الحمد

اخي هجهوج ليش تحط شب؟ مين قالك؟
ياخي لا تعفس البطح وتخرب الدنيا ....هذا جلد مب قماش
خلك مثلنا تكفى
والله يشفيك ويشفينا ...ولا تزعل مني

نسيت تراني احط سدر يعني كني قاعد بملوخيه بس ياسلام نتايج طيبه

عسى ربي يشافيكم
انا ليلحين ماجربت اخاف :(
المشكله جسمي اتحمله
بس راسسسسي ملتهب حيل ماقدر اغطسه واطلعه :(
المشكله انا ملاحظة شغله ومخوفتني ..
الحين في صدفيه باذوني اليمين
تحتها بشوي في ورمه طالعه صغيره نفس غده ملتهبه :s او عرج
والمشكله راسي بعد برقبتي تحت راسي صوب الصدفيه طالعه ورمه او عرج !
مادري شنو هذا مخوفني المشكله لما المسه يعور :(
يارب استر

يابنت الكويت لاتغطسين راسك اغسلي راسك بشامبو مناسب وافركي فروة الراس بشوي زيت حبه سودا اصلي انتبهي لازم اصلي ويكفي اذا خف اللي في الجسم

الي بالجسم مو خاف
بس اقصد عندي بالجسم اهون من الراس
الراس يتعب واااايد .. راسي يباس حيل وناسف وتقرحات وجذي
انا كنت احط زيت خروع واستخدم شامبو سكن كاب
بس اليوم جربت زيت بذرة الكتان لانهم يمدحونه

بنت الكويت قبل لا تبدأين باي برنامج داوي الامراض اللي فيك غير الصدفيه بعدها ابدأي بالبرنامج
يعني مثل الذئبه والغدد اللي عندك اذا طابت سوي البرنامج
اخاف الملح يأ ثر عليها