ليش يا اردني

[ابو جندل المهاجر]

1- بحرنا ميت ....
2- وادينا ... وادي اليابس
3- خليجنا ... عقبه
4- رمزنا سوسنة سوداء ..
5- مطربنا المفضل ... متعب السقار . اسمه متعب من الله
6- من اسماءنا الاصيله( متعب ، مهاوش ، زعل ، حرب ، )
7- مرات بندلع أولادنا ( أبو غضب)
8- أربع مرات بسنه وحده فقعتنا الحكومة رفع أسعار المحروقات ... حتى القداحه ام الشلن صارت بربع ليره وبرميل النفط صار سعره 42 دولار بالأسواق العالمية والحكومة بـــتــــبـــيـــعنا اياه بسعر خرافي 70 دولار يا عالم وما بدك ايانا ا نكشر ....
9- أكبر نسبة مدخنين بالشرق الأوسط عنا .... الولد من يخش اول عدادي بيبلش تعفيط ...
مين بالدنيا كلها بيدخن ملوخيه إلا بالأردن ....
10- مصطلح " الشرر بقدح من عيوني " شائع في الأردن فقط .
11- اول مزحه بنعلمها لأولادنا " هسة بضربك بوكس بطيارة الفكس .. وفي بعض الروايات الغريبه " وبطيرك عالقدس "
12- " اطلع من راسي لا أقطعه " ول ول ول ... بدهاش تعليق هاي
13- التـــــار ولا العار يا هريدي . آسف هاي مش عنا .. لودت شوي
14- لما نفرح ..... بنطخ ... الناس بتولع شمع ... بتغني ... بترقص ... احنا بنطخ " لعلع البارود لعلع "
15- من أشهر أغانينا الشعبية ( اظرب اظرب لا تظرب يا رمان .. كسرت الخيزرانه مالك زعلان ) ...
بلشناها بظرب وختمناها بظرب
16- من أغانينا أيضا . يا ويل لاللي نحاربه ... بالسيف نقطع شاربه . " يا لطيف ألطف "
17- حتى طبختنا .... مقلوبه
18- حتى الخروف اللي راسه عالمنسف بتحسه مكشر بخلقتك

مع العلم اني عشت في الاردن وانولدت في الاردن في عمان ثم ارجعت لارض اجدادي فلسطين