سؤال مهم ، أقوم بذنب من فترة ..

[itachi]

السلام عليكم اخواني واخواتي
انا عندي مشكلة قاتليتني من فترة ومتمني لاقيله حل:
انا عمقوم بذنب كبير من فترة طويلة, مدمرلي نفسيتي تماما, مع العلم اني ما عماشكي لحدا, والشخص الوحيد اللي كان فيني احكيله وكان فيه يساعدني ما عاد فيني شوفه لبعد اسبوعين تقريبا.
انا الذنب عمارتكبه من سنتين, ولو تعرفوا قديش قلبي عميتحرق, انا كنت بدي توب قبل آخر رمضان, لكني تكاسلت, وقلت خلي التوبة لرمضان, وبرمضان او قبله بشوي, سمعت من الشيخ احمد حسان(وانا ما عمازكر الاسم لقول انو الشيخ غلطان لا سمح الله, بالعكس انا بعرف احسانه وفهمه) حديث انا بصراحه ما حفظته لهيك ما بدي كزب او حرف كلام الرسول صلى الله عليه وسلم, لكن معنى الحديث انه من مر عليه رمضان ولم يتب فلا توبة له(يعني راحت عليه) وانا من غبينتي قدر الشيطان انه يخدعني ويميطني, ومر رمضان وما قدرت توب, وانا من وقتها ما عماقدر توب بس بدي توب , وبظن انه ازا ما قدرت ارجع لربي ما حدا حيقدر يساعدني وبتمنى لاقي عندكن شي غير اللي بظنه, ومن قبل رمضان كنت حس بقوة ديني وكنت قريب من الله عز وجل, لكن بعد هالرمضان هاد بالزات(مع انه مو اول رمضان بمر علي وانا مزنب) بطلت حس بشي: قل ديني , صرت الصلاة حسها مجرد حركات(مع اني كنت صلي السنة حتى, وكنت كل كلمة بالصلاة استشعر باني عم وجهها لربي وربي امامي, وقد ما بحكيلكن اني كنت محسن, لسه انا كنت محسن اكتر, وبظن اني وصلت لاحسان الشيوخ الافاضل)
صراحة بعد هالرمضان تدمرت حياتي, فيا ريت تساعدوني, وتشرحولي معنى الحديث, ول فعلا اللي بمر عليه رمضان وما بتوب فيه بتروح عليه؟
وشكرا للجميع, وبعتزر على طول الكلام لكني بعتبركم اخوتي واهلي وبظن انو مو غلط الانسان يعترف بزنبه وخاصة ازا كانلو هالهدف,متل انو بدو حل
وشكرا للجميع ويا ريييييييييييييييييييييييييييييييييييييييت تساعدوني