نصيحة للمخطوبات.. ادخلي وما بتندمي.. هههههه

[maya]

آنستي العزيزة..

لو ربنا فك عقدتك وانخطبتي.. فإليك نصائحي حتى تأخذي بخطيبك من مركب الخطوبة إلِى ماحدا بيعرف راح ترسى على شو إلى مثوااااه الأخير في قفص ------ قصدي قفص الزوجية السعيد..

أجمل ما في الخطوبة العزايم الرومانسية على أحلى محلات أكل في البلد واللي عمرك ماراح تشوفيها بعد الزواج.. المهم نصائحي لك عند أي عزيمة مع خطيبك.. كلنا رقَّه ....

1. الأول لازم تعرفي إن الشوكة والسكينة بينمسكوا من إيديهم من الطرف يعني مو من الوسط ولا من البوز متل الخنجر ولا من فوق طبعًااا

2. الخبز .. أوعي تفضحينا وتقطعيه بسنانك، ولا الرغيف نصين بأيدك وكل نص لقمة وعلى دحش أوعي.. الخبز بيتقطع بالسكينة بالصحن.. وبعدين بتاخدي لقمة.. لقمة.. بالزور قال يعني نفسك مسدودة.. اضغطي على أعصابك جدااا وبعدين لما تروَّحي.. إبقي حِشّي متل ما بدك....

3. الشوووربة أرجوكِ.. بندالشوربة مهم جدًاااا.. الشوربة بتنشرب من غير صوت أبداً.. ومن غير ماتقعدي تنفخي فيها.. متل صبي النارة تبع الأركيلة اللي بينفخ في الفحم للزبون.. وطبعًاااااا بدي ياكي تنسى تمامًا الطاسة اللي بتحطيها على تمك في البيت وتشرشري على حالك..
بالمعلقه وبدون صوت.. سخنة !! نار !! كمان بدون صوت.. وبتتركي تلت الطبق ع الأقل.. مو تميليه.. من شان تلهطيها لآخر نقطة.....

4. الرز طبعاً بيتاكل بالشوكة أوعي إيدك تنمد ع المعلقة.. وتغرفي من طبق الرز وتعبي.. إوعي.. الرز بالشوكة.. وكأنك بتبوسيه .. مو بتاكليه..

5. المعكرونة.. الاسباكتي كمان بالشوكة.. بتنلف على طرف الشوكة.. لحد ما تخلص وبعدين تحطيها ف تمك ع السكت.. مو تشفطي المعكرونة عود عود..

6. السمك مشكلة.. شوفي.. بتفصلي اللحم عن الحسك. شلوووون..؟؟ تقطعي اللحم من النص.. بالطول وبعدين تفردي اللحم ع الجانبين ولما تخلصي ناحية.. ما تقلبي السمكة.. بلا فضايح.. شيلي السلسلة بالشوكة والسكينة وحطيها جنب الصحن وكملي أكل النص التاني.. وبدال الفيلم الهندي هاد.. نصيحة.. ما تاكلي السمك أبداً.. قولي مابحب السمك ونفدي حالك..

7. الكروفيت -إذا كنتِ بتعرفيه-.. أول ماطبق الكروفيت بينزل.. طلعي عليه بقرف واحتقار شديدين.. قال يعني قرفانة من كتر أكل الكروفيت في بيت بابااااا.. وأتنهدي بقوة وقولي.. كمااااان..؟؟؟ وبتروحي قاطعة راس الكروفيتية بالشوكة.. أنا أرجوكِ بلا المصمصة هلأ..

8. البطاطا سواء مسلوقة أو مقلية أوعي تهرسيها وترميها ع الرز ويلا..... لا..لآ...لآ...بالشوكة قطعة قطعة وإنت متل ما تكوني راح تبكي من كتر ما البطاطا صعبانة عليكي..

9. الفاكهة.. لو الفاكهة فيها بذر طلعيه من تمك على مهل وحطيه ف إيدك وهي مسكرة وبعدين في طفاية السجاير اللي على الطاولة.. أوعي ياحبيبتي من نظام التفتفة للبذر.. إنسي....

10.ولما تخلصي أكل .. بتحطي إيدك على بطنك -اللي عصافيرها عم تزقزق من العيّنات والنماذج اللي أكلتيها-.. وتقولي له مو معقول.. أنا عمري ما انفجعت هيك.. أنا قدامي أسبوع.. ما راح آكل فيه.....

وبعدين تمسكي المحرمه اللي دايمًا موجودة ع الطاولة من غير لزوم.. وتبوسيها.. قال يعني بتمسحي تمك..

وبعدين تستأذني منه لدخول الحمام لإصلاح ماكياجك وبتدخلي الحمام وبتطالعي من الشنطة تبعيتك.. صندويشة الفلافل اللي جايبتيها معك وبالهنا والشفااااااااااااا

بس ما تطولي في أكلها.. أحسن ما يكشفك!!!

[قسامية غزه]

هههههههههههههههههه
بارك الله فيك
طيب واذا طلعت ريحة السندويشه تعت الفلافل قبل ماناكلها

[maya]

شرّفني مرورك غاليتي القسامية..
بس هلأ سمعت عن مشروع جديد.. وضع مكروويف داخل قسم حمامات النساء
لهيك جيبي السندويشة باردة .. مو مشكلة .. وأحكمي إغلاق الكيس...

[جنات النعيم]

ههههههههههههههههههههه
مشكووورة والله كتيير حلوة

[maya]

أهلا وسهلا فيكِ أختي جنات النعيم..
شكراً لمروركِ..

[بلسم القسام]

ههههههههههه
مشكورة

[ورد جوري]

هههههههههه
شو هالابداعات ميمو
والله موتيني من الضحك
الله يفرح قلبك ويسعدك حبيبتي

[غراس الجنه]

هههههههههههههههههه عسسسسسسسسسسسسسسسسل يا ميمي

[ღ زهرة الشفاء ღ]

ههههههههه شو هذا يا عيني

هيك بدنا يصير فينا لا بالله مافي خطوبه

بدنا مايا بتموتنا جوووووووع احنا جاين ناكل لو بنكعد نطلع على الاكل

تسلمين يا قلبي نصائح مهمة للمخطوبات

[maya]

المشاركة الأصلية كتبت بواسطة بلسم القسام

ههههههههههه
مشكورة

أهلاً بكِ ..
شكراً لمروركِ