انصحووووني ارجوكم

[ام ملك]

حبيت افضفض معاكم واحكيلكم قصتي ,انا عبير من مصر,كنت دايما بشوف ان احلي واصدق حاجه في الوجود هي الحب الحقيقي,ابتاء من حب الله ورسوله لحب الخير والناس,وكنت بشوف انه الحل الامثل لاصلاح اي شيء,ولما دخلت الجامعه وبقي عندي 18س ,بدأت وزي اي بنت ارسم صوره لفارس احلامي,تمنيت يكون متدين وخلوق ومثقف واكيد وسيم الي اخره,وفي الوقت اللي انا غرقانه في احلامي ,اتصدمت في ارض الواقع بخالتي(هي خاله امي ابي) تطلبني لابنها ,اللي طبعا كان ابعد مايكون عن تفكيري,ده غير انه كان اصغر مني بسنه
وكان بيدرس في مدرسه الثانويه الصناعيه,وبقيت في موقف لا احسد عليه ,ازاي هقول لخالتو حبيبتي لأ,اللي دايما بشوفها اقرب للملائكه منها للبشر,وبحبها اووووووووي ,طيب ازاي برضو اوافق علي ابنها واتخلي عن حلمي في رفيق دربي ,المهم وافقت برغم ان مفيش حد ضغط علي,بالعكس كان اخوالي ومعظم اقاربي مش موافقين وقالوا اني استحق الافضل, وتمت الخطوبه وقولت لنفسي مادام وافقت يبقي ادور فيه علي اللي يخليني احبه,وساعدني علي كده اني مليش علاقات مع اي حد,بدأت في رحله البحث ,اول ما لاقيته طاعته لامه واحترمت ده جدا ,وبعدين لاقيت ان قلبه طيب بريء يشبه قلوب الاطفال ,فشدني ده ليه جدا ,وحبيته وكمان بقيت اغير عليه ,وحصل كام موقف اتأكدت منهم اني حبيته واني بخاف عليه جدا,المهم سافر خطيبي لانه اصلا سعودي زي والده,وكانت مابينا الاتصالات التليفونيه اللي كنا بنطمن فيها علي بعض وكنت بشجعه من خلالها ع المذاكره لاني بعد ما حبيته اتحديت انه هيكون الافضل, كان التيرم الاول نظري وبالفعل جاب مجموع عالي وانا كمان ,وحصلت ظروف وسافر والدي الحبيب للعمل مع والد خطيبي , وفكرنا في النت عشان نبقي علي تواصل مع بابا ,(طبعا والاستاذ خطيبي)وبالفعل دخلنا النت وبدانا انا وخطيبي نقعد بالساعات نتكلم ,ونخطط لمستقبلنا واولادنا وازاي هنربيهم حتي اسمائهم اخترناها, وده قرب بينا اوي , وحبيته بجنون (لدرجه ان امه نفسها استغربت من حبنا لبعض ده واخته كمان كانت دايما تقولي ازاي بتسمعي كلام ده سيبك منه) كنت بقعد معاه حتي ايام الامتحانات ,وفي التيرم التاني اللي كان عنده هو عملي (يعني مفيش مذاكره)وانا طبعا نظري ,ونتيجه للنت انا سقطت وهو نجح وبقيت قدامه فرصه يدخل كليه الهندسه,بس كنت بشوف ان نجاحه هو نجاحي فرحت جدا انه وصل لكده ,وجت الاجازه وجيه خطيبي لمصر عشان نقضي الاجازه سوا وكانت احلي اجازه بعمري ,وفي الوقت ده اعلنت شركه كبيره عندهم فرصه للطلبه للعمل فيهاقدم بابا ورق خطيبي للشركه ,لانه طبعا عندنا بمصر ,ولما جيه وقت سفره ,كان الحزن بيقتلني ,وهو بكي كتييييييييييييييير لفراقنا ,والله لما عرفت انه في الميناء بدون اكل امتنعت عن الاكل والنوم لحد مااطمنت انه وصل بيتهم في السعوديه بالسلامه,ورجعنا للنت ,غير انه كان بيكلمني كتييييييييييير ف التليفون لدرجه اننا في السنه دي مع النت اتكلمنا بحوالي8000ريال ولما كان مش بيكون معاه فلوس كان بيوصل ناس بعربيته وياخد فلوس ويكلمني,وبالفعل دخل كليه الهندسه بس كانت في بلد تانيه جوه المملكه ,وكان دايما بيشكيلي وحدته وكنت دايما بواسيه واشجعه,وجت الوظيفه اللي كان بيحلم بيها,يشهد الله قد ايه دعيتله ان ربنا يوفقه ,والله كنت بدعيله دايما بالنجاح وبنسي ادعي لنفسي,اقسم بالله اني حتي مش سالته مرتبه هيكون كام,لانه مش مهم الاهم انه هيكون مبسوط ومرتاح,حتي لما قالي انه هيعملي مصروف رفضت تماما الفكره وقولتله اني باخد مصروف وبيكفيني,وبالرغم اني في بلدوهو في بلد كنت انا اللي بصحيه لشغله دايما ,يعلم الله كام مره قالي لولاكي كنت مرحتش امتحاني او شغلي,كنت دايما وراه ,كان بيصعب علي لما اصحيه والاقيه مش قادر يقوم ويقولي عايز انام ,ويوم مايكون عنده امتحان كان يقولي متروحيش كليتك عشان تدعيلي وتطمني علي ,وده طبعا اللي كنت هعمله بدون مايقول,ولما تقربنا من بعض بالشكل ده بدا يحكيلي مشاكله المستمره مع والدته بالرغم انه كان مستحيل يحكي,وكان بيحاول يطلعها هي اللي غلطانه وانها مش بتحترمه قصاد اي حد(وده كان حقيقي بشهاده والدي كمان ,وبالرغم من كده كنا دايم نقوله يستحمل(والله يوم ماعمل حادثه قالي انها كان كل همها العربيه وانه محسش بخوف حد عليه الا انا ويعلم الله ازاي اقنعته بخوفها عليه وانها لما سمعته سليم طلعت خوفها علي العربيه) وكنت دايما بقوله انت مثلي الاعلي في برك لامك ولاااازم تفضل كده,لان ده اللي هيوفقك في حياتك ولما كان يقولي مش عيز غيرك ف حياتي كنت اقوله لالالالالا قبلي خالتو وعمو واخواتك,يشهد الله كنت ازاي بحاول اقرب بينه وبين اخواته,لاني بحترم الراجل اللي فيه خير لاهله لانهم الاولي اكيد,المهم بقينا انا وهو واحد كان بيفهمني من غير مااتكلم وكنت بحس بيه رغم بعده عني (والله لو هو في موقف مضايقه كنت بحس بيه قبل ما يكلمني),وبقي كل حياتي ,كان كل اللي بتمناه هو اني احس بدفء وجوده جمبي,وحصلت مشاكل بين اهله ووالدي ,وكان هو كل مايحس اني هبعد عنه نقعد نبكي ف التليفون ولما عرفو اللي حواليا قالولي لازم ياخد موقف غير البكاء ,وطبعا ان قولت ازاي هياخد موقف دي والدته,طبعا مستحيل اطلب منه ده ,المهم نزل والدي لعندنا وقرر انه مش هيرجع وانه هيتصالح مع خالتو واننا نبعد عن الشغل عشان نفضل اهل ونزلت خلتو مصر ومعاها شبكتي الي كانت دايما بتقول انها ب10000ريال واكتشفت انها ب5000بس ,وعملت نفسي مش عرفت وسكت ,حاول بابا يهدي الوضع مع خلتي وزارها وهي كمان زارتنا .قولنا حلووو الامور هديت قبل ما خطيبي ينزل,المهم عملت خالتو عمليه ويشهد الله قد خدمناها انا وامي ,وقعدت معاها 8 ايام , ولما جيه خطيبي من ااالسعوديه كان لازم ارجع بيتنا ,لانه مايصحش افضل عندهم لوحدي,وجيه فعلا ولما جيه بيتنا بعد كام ساعه اتصلت خالتي الغاليه ووبخته لانه عندي ,ومشي عشان يرضيها ونا والله اللي طلبت منه ده,بالرغم اني كنت زعلانه جدااااا,وكنت بتمني يفضل قصاد عيني اعوض غيابه عني,وتاني يوم اتصل وقالي انه مش هيقدر ييجي عشان خالتو مش تزعل وطبعا كالعاده سكت,وفوجئت بيه جاي بالليل لان خالتو راحت عند خاله,وبات عندنا وتاني يوم خرجنا انا وهو وامي عشان يجيب كرافته لنفسه وتجيب امي حاجات لاخواتي عشان خطوبتي.ويومها كنت تعبانه مووووووت وفضلنا نلف من الساعه3للساعه10م عشان الكرافته ,وفي طريقنا كلمت خالتو خطيبي ووبخته كعادتها وقالتله تعالي حاااااااااااااااالا ,وطبعا تركنا انا وامي في الشارع وكنا قريبين من بيتهم ,ومشينا انا وامي عشان نجيب حاجه اخواتي ,وروحنا البيت وتخيلو المشهد ده (انا ماسكه تليفون البيت بعزم صديقتي علي لخطوبه وفي نفس الوقت ماسكه امي الموبايل وخالتو بتلغي معاها الخطوبه)والحجه اننا كنا قريبين من بيتها ومش طلعنا ,تخيلوا الصدمه ,لغيت الخطوبه بعد ما وصيتنا نعزم العيله وجيرانا كلهم.لغيت الخطوبه وهي عارفه ازاي انا بحب ابنها ,وعدي اليوم ده واتصل خطيبي يبكي لامي ويترجاها انها تحايل خالتو العزيزه عشان تعمل الخطوبه,وقتها امي قالت له انت لازم يكون ليك موقف رد عليها بدهشه عايزه اقف قدام امي قالتله امي طبعا لا بس قول انك عايز بنتي ,وراح خطيبي لمحترم وصل لامه اننا كنا بنقوله اقف قدامها ,واتصلت خالتي وبهدلتنا اعزكم الله ,وطبعا خطيبي برر الموقف انه كان قاصد يصلح,وساعتها الشخص اللي حبيته واتحديت بيه الدنيا كلها اختفي وظهر مكانه واحد كداب كل همه ان امه تحن عليه وانه يوريها ازاي ضحي بيا عشانها(لانهادايما كانت قاسيه عليه),وطبعا لان حالتي كانت سيئه قررت تيتا تروح لاختها ولاقيت الاستاذ خطيبي بيتفسح مع ابوه لان قلبه مكسور يا ضناياوكان اخر كلام عند خالتو,لو تقالتوها بالدهب مش هاخدها ومتقولوش خطبها سنتين وسابهاوقالت ني دايما بحرضه عليها وبعدين هو ولا بسهاولا حضنها ولاحتي مسك ايدها ,بالرغم انها شهاده اعتز بيها الا انها جرحتني جدا, والاستاذ خطيبي السابق لم ينطق بكلمه,هو بس لما ينفرد بتيتا يبكي ويقول والله بحب عبير ,واول ماتحضر امه يضحك ليهاوكان شيئ لم يكن,وكلمت تيتا وهي هناك وكلمته وبكي وقاال انه مش عارف يتصرف,المهم انتهي الموضوع بعدكلام خالتو ,وتيتا وخالو مشيوا تخيلوا خطيبي السابق قال لخالو ايه(انا نسيت الشاحن بتاعي لما كنت عندهم بس يلا اشتري واحد جديد و قول لعبير اني بحبها)وده ضحكني اووووووي ,تخيلوا كل اللي في تفكيره الشاحن؟المهم قعد خطيبي السابق في مصر بعدها 10ايام استنيته ييجي فيهم ,وكنت متاكده انه هييجي لحد يوم سفره,لكني كنت بضحك علي نفسي وسافر خطيبي وكاني لم اكن ف حياته ,المصيبه اني لسه مستنيه ولسه بحبه ولسه مخلصه ليه ,لاني اخدت عهد علي قلبي مايحب ولا يخلص الا ليه وكمان بدعيله كتير, اعمل ايه,ازي انساه .انا عيشت معاه في الواقع سنتين لكن عيشت معاه عمري كله ف خيالي عمري ماتوقعت ان دي النهايه,انا عارفه انه كله نصيب ,بس كان المفروض انه هنسيب بعض غصب عننا ,هو بيشكي لان امي قالتله ان ربنا هيرزقها باحسن منه واني قولتله انه باااااااااارد,وتخليت عنه ,ومش كلمته لما كان بيبكي لامي ف التليفون ,بس انا عملت كده عشان ييجي ويشوفني ,انا هجن انا كنت بحس انه صاااااادق, طيب في ايه ,اوقااااات كتير بفكر اكلمه وافهم منه ازاي تخلي عني بالسهوله دي ,انصحوني طبعا في حاجات كتير كان نفسي اكتبها بس طولت عليكم سامحوووووووووني