بسمة علي وجوه الملتقي الكريم الشفاء

[الجواد الاصيل]

اعرفي عريسك بدري بدري.. من طريقة أكله ....؟؟؟؟



1- إذا كان عادي يعني لا بياكل بسرعة ولا ببطء ولا دايمًا شبعان ولا
مفجوع على طول.. يبقى شخص معتدل في عواطفهوقراراته ويبقى ده
آخر
الرجال المحترمين..

كلبشي.. واستعجلي الزفاف والحياة هتبقى بمبي



2- إذا كان بيحب الأكل زي عينيه.. وأول ما يدخل من الباب وقبل ما
يقول لك ازيك يقول لك ريحة التقلية تجنن ياروحي إنتوا عاملين ملوخية
على أرانب؟؟.. أموت أنا.. ويقعد ياكل ويحشر لحد ما يغمى عليه..

يبقى إنسان طفس.. وهوائي..

وطايش.. وأوعي تتجوزيه أحسن ياكلك وانتي نايمة....؟؟



3- أما إذا كان مش مهتم بالمرة.. لايقولك ده حلو ولا ده عادب ولا
مالح ولا مستوي ولا لسه ني ولا بيعلق أي تعليق.. وعمره مايقولك جعان
أو شبعان

يبقى إنسان مالوش لزمه.. وزي قلته.. وأنصحك بدل ما تتجوزيه إتبنيه..
وهاتعيشي إنتي الراجل والست ف وقت واحد واعملي حسابك هاتركبي وتدلدلي

رجلييكي.



4- أما إذا كان بياكل زى مايكون حد بيجري ورااااه وساعة الأكل
بيجيله حالة صرع معوي.. ويقوم من ع الأكل قبل أي حد تاني.

يبقى متسرع.. ومتهور في اتخاذ قراراته وممكن بعد الجواااز يكتشفإنك
لست ملهمته..ولست فتاة أحلامه ولستِ حلمه.. ويروح مطلقك بالتلاتة..
إخلعي إنتي بدري أحسن لكرامتك.



5- أما إذا كان بياكل على مهله.. ويمزمز.. ف كل صنف لوحده.. ويسأل
عن كل صنف إيه مقاديره ومعمول إزاااي ويقعد يستطعم ف الأكل من العصر
للمغرب .

حاسبي منه يا اختي ده النوع اللي له مخ.. وبيوزن الأمور بطريقه تفقع
المرارة.. ولو في يوم طلبتي منه يقولك كلمة حلوة هايقولك مش عامل
حسابي ويقعد يفكر 3 سنين وبعدين يقول لك بحبك ويقعد يشوف وقعها عليكي
إيه؟؟
نظااااام شلل رعاش

بدري.... بدري....

إخلعي يا أمي...



6- أما إذا كان بيقعد يقطع ف الأكل زي مايكون ف خناقة ويخبط ف الطبق
من الغل.. ويقطع حتة اللحمة زي ما يكون بيدبحها.. ويتفتف.. ويتكلم..
طول ماهو بياكل لما يغرق وشك أكل..

ده شخص عصبي جدًاااا.. ومع أول خناقة هايروح مناولك بالكرسي ف راسك أو
بالسكينة ف عينك يعمل لك عاهة مستديمة وبعدين.. يهدى.. ويقول لك:
"سوووري يا روحي هي جت فيكي.. ماعاليش"

""ماعاليش برَّه يا حبيبي وخد الباب ف أيدك""



7- أما إذا كان دايمًا قرفاااان دايمًا مش عاجبه العجب ولا الصيام ف
رجب.. يع..

الملوخية تقيلة.. ياي.. السمنة كتيرة على وش الشوربة.. ياساتر.. دا
محشي ولا صوابع
مووووز.. أووووف.. الرز محصويل.. يامَّه المكرونة
معجنة..

إذا كان كده توكلي على الله وهاتي أحمى ساطووووور عندك وأنا أعرف لك
واحد محامي هايطلعك منها زي الشعرة م العجيييين



والأحسن من ده كله.....

مالها القعدة ف بيت أبووووووووكي؟؟


{ رَبَّنَا لاَ تُزِغْ قُلُوبَنَا بَعْدَ إِذْ هَدَيْتَنَا وَهَبْ لَنَا مِن لَّدُنكَ رَحْمَةً إِنَّكَ أَنتَ الْوَهَّابُ }

{ رَبَّنَا إِنَّكَ جَامِعُ النَّاسِ لِيَوْمٍ لاَّ رَيْبَ فِيهِ إِنَّ اللّهَ لاَ يُخْلِفُ الْمِيعَاد }

ألا بالصبر تبلغ ما تريـــــــــــــد ......ممم.....و بالتقوى يلين لك الحديد
تريد النفس أن تؤتى مُناهـــــــــا ........... وبأبى الله الا ما يريــــد.

الي كل اخ واخت والله احبكم في الله اسالكم الدعاء بالثبات وان يجعل اقوالنا كافعالنا اخوكم الفقير لله الجواد الاصيل السلام عليكم

[فتاة الاسلام]

بسم الله ...

سوف يتم نقل الموضوع الى الملتقى الترفيهي ..

والله الموفق ,,

[ابو الفاروق]

جزاك الله خيرا

[لؤلؤة المنتدى]

بسم الله, جزاك الله خيرا اخي الجواد الاصيل على مجهودك ..........

[نورا*]

ههههههههههههههههههههه

جزاك الله خيرا اخي الكريم

ازا هيك كل مين بدنا نتجوز هههههههه

الله يعطيك العافيه

[spring]

شكرا على النصائح الطريفة. جزاك الله خيرا

[العدنيه]

بسم الله الرحمن الرحيم
السلام عليكم
مشكورة أخي على هذي النصائح
بس لو جالسين البنات يفعلوا كدا ماحد بتزوج منهم
مشكور أخي

[ورد جوري]

والأحسن من ده كله.....

مالها القعدة ف بيت أبووووووووكي؟؟
هههههههههههههههههههه ياسلام حل منطقي

[عبق الأحبة]

ههههههههههههههههههههههههههه
مشكور أخي

[الأمــــيــــرال]

هههههههههههههههههه
بارك الله بك اخي