حاجات مستفزة وتحرق الدم

[الجواد الاصيل]

حاجات مستفزة وتحرق الدم



دورت في المنتدي علي قسم اعرف افضفض فيه عن الي خانقني بصراحة ما لاقتش غير اني اعمل مواضيع يتكتب فيه اي حاجه مريت بها او شوفتها او اتعرضت ليها وحرقت دمك اتكلم براحتك وما تخافش بعبر عن شعورك وشوف راي الناس التانية هل هما معاك ولا شايفين الوضع من منظر تاني .....
بما اني كاتب الموضوع فاسمحولي ابتدي...
.
1-قصة شعر الغراب ..الي الشباب طالعين فيها اليومين دول عامل زي شباب الهيبز (طبعا عرفنهم الله يرحم..)تلاقي شعروا ناشف ولما ركب واحد قدامي المكروباص شكلوا استفزني قوي طب ده بينام ازاي يا تري ما فيش جنبهم حلاق طب معهوش فلوس مش عارف بس حاجه مستفزة

2-نزلت اصلي الفجر علي شارع الهرم وعادي طبعا عديت من قدام ملهي ليلي المشكله مش فيه بس في العربيات الي قداموا هما كتير بس مش دي برضو المشكله اومال ايه خلصنا العربيات الي راكنه قدامو مكتوب علي المرايه من ورا لا اله الا الله محمد رسول الله وكمان فداك ابي وامي يا رسول الله وفيه جواها مصحف بجد حاجه مستفزة

3-واحد صاحبي كان طلع يجري شويه بعد الفجر في الطريق كان فيه محل بيبيع مسكرات((خمرة))لقي الراجل الي جوا مشغل علي الفجر قران التعمق في الغرابة والاستفزاز والعهدة علي الراوي

4-البنات بتوع المدارس وما ادراك يا حفيظ راكب مكروباص الهرم خير الله ما اجعله خير حظي المهبب كان زحمة جنب المدرسة والمواصلات وقفة من غبائي كنت فاتح الشباك علي اساس اني شاب وما يهمنيش حاجه بس لاقيت خير اللهم اجعله خير واحده بتشدني من ايدي بصراحة خفت علي نفسي هههههه وقفلت الازاز وواحده عماله تحدفلي (قبلات علي الهوا)انا اسف بس بجد كنت عايز اقول انتي ما عندكيش اخوات ولاد هههههههههه نصيحة لكل الشباب اوعي تعد جنب شباك مفتوح قمة الاستفزاز

5-والدي كانت رخصتو انتهت فراح يجددها كان فترة مسافر خير اللهم اجعلو خيرا راجع مضايق ومحروق دموا ايه خير يا والدي قالي لازم رشاوي قولتلوا عادي مش حقك والوزر عليهم (والله اعلم)قالي بس مش للدرجادي ده انا جوا القسم قسم الشرطه فموظف المفروض يختم تقريبا فتحلوا الدرج وقالوا بالحرف الرشوة يا بيه متخيلين بجد حاجه مستفزة

6- الكليه وما ادراك اعوذ بالله مما يحدث المهم كلوا كووووووووم والي شوفته كوووووووووووم تاني خالص رحت الكليه مش فاكر في الاجازه كنت عايز شهادة قيد تقريبا لقيت مجموعة شباب مع بنت قاعدين مع بعض عادي بنشوف ده كتير وبعدين قربت شويه وانا بعدي من جنبهم لقيت الولاد بيشربوا سجاير برضوا عادي ده انتا بني قادم ممل انجز..
لقيت البنت بطاع دخان من مرخريها اكيد مش ديناصور واكيد مش محوشه الدخان ده جوه وبالتالي تخيلت انها بدخن معاهم وماسك السجارة ولا اجدعها حشاش قديم بصراحه مش هقولكم علي حصلي بس اتوقعوا طبعا معدل الاستفزاز عدي للكرتيكال فاليو وانفجر العداد....الله المستعان

ياريت الموضوع يتثبت والمشاركه اجباريه من جميع الاعضاء مستحيل انك ممرتش باستفزاز في حياتك يتبع الجواد
__________________
فقيرا جئت بابك يا الهى
ولست الى عبادك بالفقير
غنى عنهم بيقين قلبى
واطمع منك فى الفضل الكبير
الهى ما سالت سواك عونا
فحسبى العون من رب قدير
الهى ما سالت سواك عفوا
فحسبى العفو من رب غفور
الهى ما سالت سواك هديا
فحسبى الهدى من رب بصير