( حــــــزن الـــوداع )

[ღ فجر الأحلام ღ]

بـ ( حــــــزن الـــوداع )

اللأبيات رووعه ولها وقع خااص وشدتني كثير واتمنى تعجبكم






















بعـد ثالـث ثـلاثـه حــل والـوقـت لـيـل
كـل عيـن مــن العـبـره سـقـت خـدهـا

ارتـعــش واتـثـبـت والعـبـايـر تـسـيـل
لا اقــدر اقــول لـيـه ولا اقــدر اردهــا

واقـف مـوقـف المحتـار وقــت طـويـل
نـظــر لـواقـعـي بالـعـيـن واصــدهــا

مااقدر اهب من الواقع على المستحيـل
تقـصـر الـرجـل خطـوة قـبـل لا امـدهـا

حسبي الله علـى الفرقـا ونعـم الوكيـل
هـددتـنـي وانــا مـجـروح مــن ضـدهـا

بين حزن الوداع وبيـن جـور الرحيـل
كـــل لـحـظـة تـمــر بــهــم واعــدهــا


واشهد الجدي في مبداه واشهد سهيل
قـصـتـي تـبـنــي الاهــــرام وتـهـدهــا

ماشفالـي جـروح ولا بـرد لـي غـلـيـل
صــارت الــروح روح بـيـحــت سـدهـا

كـل ماقلـت شــده قـلـت يمـكـن تـزيـل
كلـمـا قـلــت راحـــت قـلــت لا بـدهــا

شرهة القلب عـدل ونظرة العيـن ميـل
اقـنـع النـفـس مـيـر النـفـس مـاودهـا

والمشاعـر لهـا بيـن الحـنايـا صهـيـل
والخـواطـر تـحــز الـنـفـس وتـحـدهـا

واكتب الشعـر مـن دمـي ودمـي ثقيـل
كـلـمـا جـيــت امـــد القـافـيـه شـدهــا

اقربـي يالقوافـي واشـربـي حنضلـيـل
مــن بـحـور يسـاقـي جـزرهـا مـدهــا

واذعنـي للحقيقـه واشربـي سلسبـيـل
مـن نـهـر يــذوب الــذوب مــع نـدهـا

مايـشـح الكـريـم ولا يـجـود البـخـيـل
كـــل نـفــس طبيعـتـهـا عـلــى قـدهــا