الله يرضى عليكم أختكم في محنة

[المتوكلة_على_الله]

السلام عليكم

الله يرضى عليكم ساعدو ربيعتي يعني تخيلوا أم ما تشوف عيالها ليومين مب حرام

ابوهم ريال ما يخاف الله فلس حمر ما يعطي حرمته ومقصر عليها بكل شيء لا وفوق ها يذلها إنه تزوجها ويابتله عيال ويقول لولاه كان ما عندها عيال
ذالنها بوظيفتها ويقولها الحمدلله إني خليتج تتوظفين لا وإذا يلست في البيت يحرمها من كل شيء مب حرام
وفوق ها يسب اهلها وهم اللي ساندوه وساعدوه وإذا إذا تكلمت رمى الأغراض عليها ولا مد يده وكل ها وحارمها من كل اللي تتمناه وإذا شافها سعيدة والله والله يختلق اي مشكلة علشان يغلس عليها باله كله في الناس وإنه يفرحهم أهله وإنه يفرحهم زوجته عياله لا والف لا ويدعي إنه فقير وما عنده وقت وربعه وأهله على راسه مب حرام
يمكن تقولون خلها ترد بيتها إهي مالها بيت عايشة عند اهله أهله كارهينها لأنها رفضت تكون خدامة لهم وتعيش على كيفهم لما تغلط يقومون الدنيا بس لما يغلطون عادي على العكس تحمد ربهم إنها ماخذه أخوهم ها غير المراقبة 24 ساعة
ربيعتي والله تعبت وتتمنى تتطلق بس خايفة من كلام الناس لأنه يكذب ويقول إني طيب مع الحرمة طيب في شو وهو والله مجننها والحين كل إجازة ياخذ عيالها ويحرمها من القعدة معاهم على الرغم إنهم لما كانوا عنده قبل ما تسير ربيعتي بيت اهلها والله ما كان يسال عنهم مع الشباب ويي البيت يرمي الاغراض أول الشهر ويختفي بحجة الربع الدراسة شغل لخواته وزوجته وعياله ما يعرفهم يعني شو رايكم في الموضوع لان الحرمة تعبانه إهي صلت إستخارة بس الواضح إنها كرهته أكثر