إتفضلوا وشاركونا مواقفكم مع السياره

[السلسبيل]

أكيد مش كل واحد معلم سواقه من يومه
أكيد لكل واحد فينا نهفه مع السياره أو نسوه
أكيد كل موقف بيمر بيعلمك كيف تتصرف بحذر وإنتباه أكثر
أكيد أنا منهم وتجربتي علمتني كتير ومش راح أنساها
أكيد الموضوع مش مزح لإنه ما فيه مزح بهيك مواضيع بس فيه عبره ومشاركه فأرجو المشاركه
وأبدا من عند لما أخدت رخصة السياره طبعاً كنت مبسوطه عحالي كتير ما تركت السياره روحه وجينه لبعد العشا لما قررت إني أتفنن وأصف السياره فوق الرصيف والرصيف ضيق وماشآء الله دخلت من بين السيارات طلعت الرصيف وأخذتني نظرة إعجاب بنفسي وإلا أنا داخله بالسور الحمد لله وتعلمت من يومها إني أتصرف حسب قدراتي وكمان تعلمت دعاء إذا بتحكيه الله بيحفظ الراكب والمركبه وهو " وما قدروا الله حق قدره والأرض جميعاً قبضته يوم القيامه والسماوات مطوياتٌ بيمينه سبحانه وتعالى عما يصفون "
طبعاً مع بقية الأذكار والحمد لله