فرحـــة شهــيــد

وائل عبد الوهاب أبو سعد · #1 28-01-2006, 03:42 PM

حتى الحيطان إتكلمت ...رمت الحجارة
لجل ما ياخد طفلك بإيدة الحجر
يجرى وحامل كلمتة على كتافة ... ولا همهوش صوت القنابل والخطر
قال لأمة إحكى قصتى
واوعك تخافى وتندمى
ابنك خلاص اصبح شهيد ...بيهتفوا بيه البشر
عارفه يا امة بأيه حسيت انا
لحظة ما خدت القنبلة ..حسيت ساعاتها بإنى طاير فى السما
شايل همومى
شايل معايا هموم خمسين سنة
حسيت ساعاتها بإنى ...فارس انا
فك الحصان لجامة وجريت ...ولا كليت .. رايح احل المسألة
صاحبة قوى ..لكن
مليون شهيد راح يسمعوا صوتى وانا ..بسرخ وأقول لأ
قومى إفرحى يا امة ..
.راح يرجع الفجر اللى غاب عنك سنين
قومى افردى شالك على كتافك ...واملى كاسات الحب بالشوق والحنين
واسقينى يا امة واسقى كل العطشانين
اللى غاب عنك سنه ...واللى غاب عنك سنين
قومى افرحى يا امة
أنادمى عمرة ما كان هدر
لون الحجارة دمى انا ... راح يكتبوا اخواتى خطر
على كل شارع م الشوارع
على كل حارة م الحارات
على كل بيت عمال بيسرخ م الاهات
قومى افرحى يا امة ...قومى افرحى يا امة

الذين يشاهدون محتوى الموضوع الآن : 1 ( الأعضاء 0 والزوار 1)

🤍 قناة "وَشِفَاءٌ لِّمَا فِي الصُّدُورِ" 🤍