لما تكبر ،، عبدالله الشريف

[نمضي كـ حلم]

http://media.masr.me/7KkvqbGvtMQ

كلمات وأداء عبدالله الشريف ،
تمثيل الطفل يوسف أحمد ،
تصوير أحمد الفيل ،
مونتاج وإخراج محمد خاطر
القصيدة عمرها ماكنتش يا ابنى مين هيكبر ولا يصغر
القصيدة إنك إنت لما تكبر
راح تلاقى المر جوة الحلو مهما تحط سكر
والكلام اللى حفظته في دنيتك مابقاش يعبر
هتكتشف إن القمر أصلا مش أبيض وإن نهر النيل معكر
واللى رسم القلب غشك لما عمله دايرتين وملون أحمر
واللى قالك مصر عزبة حاكمها عسكر
كان منافق لأن ده أصلاً معسكر
،،،،،،،،،،،،،،،،،،،،،،،،،،،،،،،،،،،،،،،،*،،،،،،،،،
لما تكبر راح تلاقى الكدب جوة كتاب تاريخ
راح تشوف راجل ضلالى بس بينادوه يا شيخ
راح يطلع ألف شطحة وتلقى منه فتوى واضحة
إن عيد الأضحى مش للحمة ، أصلا ،، للفسيخ
،،،،،،،،،،،،،،،،،،،،،،،،،،،،،،،،،،،،،،،،*،،،،،،،،،
واللى بيقولوا إحنا أهلك قتلوا عمك حبسوا خالك
هما دول اللى بفسادهم باعوا أرضك سرقوا مالك
هما هما اللى عيالهم بكرة هتحارب عيالك
إوعى تسمع يا إبنى منهم إوعى تديهم ودانك
،،،،،،،،،،،،،،،،،،،،،،،،،،،،،،،،،،،،،،،،*،،،،،،،،، ،،
كنت زيك لو كبير مرة نصحنى كنت أقوله روح يا عم
فإوعى تستهون كلامى والنصيحة إحفظها صم
لما تلقى نخبة إبعد دول طريقهم ويل وهم
أما لو عسكر هيوعد اعرف ان آخرها دم
،،،،،،،،،،،،،،،،،،،،،،،،،،،،،،،،،،،،،،،،*،،،،،،،،، ،
لما هيقولك ده غالى إعرف انه شيء رخيص
وأما يذكرلك مناضل تعرف انه كان خسيس
وأما هيقولك ده خاين اعرف انه أنضف رئيس
وأما كدبه يبقى فاجر تعرف ان امه لميس
،،،،،،،،،،،،،،،،،،،،،،،،،،،،،،،،،،،،،،،،*،،،،،،،،
الخلاصة راح يقولك انك انت نور عنيه وأمله وحياته
راح يحاول يقنعك إن اللى ماليين السجون ولا اللى ماتوا
كانوا عايزين الخراب يملا البلد ويضيع شتاته
راح يحاول يشترى سكاتك بشاشته وسماعاته
إوعى تسكت ،،،
إوعى تسكت إلا لما تسمع انت صوت سكاته
،،،،،،،،،،،،،،،،،،،،،،،،،،،،،،،،،،،،،،،،*،،،،،
يلا إكبر