سؤال ...

[بالاسلام نرتقي]

السلام عليكم و رحمة الله و بركاته

من يومين دعتني جارتنا بشان روح معها ع زيارة ...
فانا رحت كان ببيت الجماعه الي رحنا لعندن مولد
بيبي طالعلو ضراس ...
كان في بنات عم يقرو المولد ..
قراو كتير و حكو كتير ...
كلام ما بفوت بالعقل ..ان لما الرسول امو كانت حامل في اجو الملائكة و بشروها و داياتها كانو حواء و مريم و اسيا وما بعرف مين ...وفي حكي ما كنت افهمو و بعدها قامو صارو يفركو ضهور بعض و يصلو ع النبي ..
انا اول مرة بحياتي احضر هيك شي ...
فكان بس عم اضحك ...
بعدها كانو حاطين بنص الاوضة صينية و مي ومغطايين بعد ما خلصو المولد ضيفونا مي وكان ع الصينية ...اربع صحون صحن برغل و صحن رز و ملح و سكر ...
انا ما كنت مشتهية لهيك ما اكلت ...
ورجعت ع البيت وانا مستغربة من الي صار ...
مبارح قررنا نطلع رحلة لنغير جو ...
طلعنا ...
طبعا الناس الي كانو كلن غربا ...
في وحدة كانت عم تخلط اللحم قالت ...هاي بشان التبرك ...
ما حكينا شي ...
بعد بشوي قالت و الله رح تدب في البركة ماما انتبهت قالت شو ...
قالت و الله جبت من بيت الشيخ قطعه خبز و فرمتها و خلطت اللحمة ...
بشان التبرك
كمان ماما احتارت ناكل ما ناكل شو هل خبز تناقشو وتخانئو انا طلعت من الموضوع و بعدت وما عرفت شو صار بعدين
وماما ضلت طول الوقت مخضوضة و معصبة وبدنها متسمم...
وطول حكين ع هل شي الشيخ وما شيخ ...
بس و الله انا اكلت
وهن عندن اعتقادات فظيعه ...ان الشيخ عندو قدرات و هو من اولياء الله و بيساوي شغلات نحن ما بنساويها ...وحكي كتير
كيف الواحد بيحكي مع هيك ناس ..
جارتنا قالت لا تتناقشو او تفوتو معن بهل احاديث بيزعجوكن و مستعدين يقتلوكن كمان اذا حكيتو ع شيوخن ...
هي جارتنا محترمة وما بتامن بهيك شغلات بس بتساير كتير ...
بس نحن اول مرة بنشوف هيك شي ...شي بنضحك و شي بنزعل ان اسا في ناس بتفكر بهل عقلية ...
بس شو لحل لان بالمنطقة الي نحن ساكنين فيها بينقسمو العالم لقسمين ناس متحررة جدا جدا و المتدينة ع اساس هيك ...
وهل الاكل الي اكلناه حرام و لا لا ...
واذا الواحد حضر مناسباتن بس ليغير جو او ليشوفن ويعرف عاداتن و تقاليدن حرام ....؟؟