أفيدوني جزاكم الله خير

[سما نجد]

السلام عليكم ورحمة الله وبركاته
لوسمحتوا أتمنى تجاوبوني على تساؤلاتي وبخبرتكم مع الصدفية الله يشفيكم منها إن شاء الله إنه قادر على ذلك تفيدوني .
أنا تقريبا من 9 شهور طلعت عندي حبتين وحدة في يدي وحدة في رجلي وعليها قشرة بنفس لون الجلد واستمرت 3 شهور ما اهتميت فيها وبعدها رحت لدكتور أعطاني مرهم طلعها لي في أكثر من مكان رحت دكتور ثاني ماعرف ايش هي يقول يمكن اكزيما ويمكن حساسية أو صدفية رحت دكتورة ثانية أعطتني مراهم في الصبح وفي الظهر وفي المساء راحت معظمها وبعضها مافاد معها العلاج وكانت تقولي حساسية ولما راجعتها في آخر مرة قالت ممكن شبيه الصدفية أو صدفية.
اللي عندي مافيها حكة وماتطلع دم ومالها قشور يدوبك قشرة أو حتى طبقة بنفس لون الجلد مجرد كم حبة في الأيادي والأرجل والبطن والظهر يعني مو كثيرة ما كأن في شئ بس منظرها مو حلو .
فياليت تفيدوني إذا كانت الحبوب اللي عندي صدفية وهل الصدفية لازم فيها حكة أو لا وقشور الصدفية كيف تكون وهل لو استخدم القطران يفيدني أو تنصحوني بخلطة الدهيمية لأن الحبوب عندي خفيفة تقريبا خاصة أنا متوقفة عن الكورتيزونات من أسبوعين وخلاص ما أبغى استخدمها .
أتمنى أحد يفيدني تهت من كثرة المواضيع اللي تخص الصدفية وأعراضها