فيض المشاعر .. لمن أهيديها !!!

[أسومة]

السلام عليكم
هاي قصيدة بعد انا كاتبتها وان شا الله تنال اعجابكم ...


يلست كل هالليالي أترياك
وينك وأنته بعيد ويا طول ممشاك
بس كل شي يسوى للملاك
أسير وأتعب لجل فداك
انتظرني حبيبي مصيري بألقاك
انتظرني الليلة على عشاك
أنته حياتي دنيتي وناسي الله ما أحلاك
اسم الله عليك ..تبارك الرحمن شو عطاك
أقص لسان كل من رمس عليك وعاباك
وأكسر كل ريل تجرأت تتعدى على خطاك
وين تسير وين تروّح أنا ويّاك
لبيه آمر تدلل أنا فداك
أدري إن كل من شافك تمناك
بس ما كلهم وصلوا لدرجة حبي لك وغلاك
لا تفكر إني بلحظة أروم أنساك
إن حسبتني جذى أبا أستغرب وأقول: شو بلاك!
هيه شو بلاك ؟! نسيت إني أكثر من عطاك
وأغرقك بحبٍ كثيرٍ دفّاك
حشى والله ما اكون انا اللي تغلاك
لأنك دووم فبالي وأتحداني أتناساك
ياحلو ربيعك,صيفك,خريفك وشتاك
إن فوّت يلستك فوّت دنياك
أسعد الله صباحك ومساك
ماحدٍ استبشر فيه سواك
أفرش السجاد الأحمر تحت ممشاك
مرحبا بك ابقلبٍ ولهااااك
ولهت لصوتك وجوفة ويه الملاك
طولت الغيبة يلا أسرع خطاك
القصايد والديوان حتى ظلماك
قليله ابحقك السموحة واعذر من حبّاك

ردودكم ... لان رايكم يهمني ..