يا جماعة حدا يفهمني

[marooha]

السلام عليكم
بصراحة على قد ما سمعت كلمة قشور صرت فكر انو الدكاترة مخربطين بالتشخيص مع اني رحت على شي خمس دكاترة وكلن قالولي انو مرضي اسمه داء السماك وللاسف مو بس انا
انا واتنين من اخواتي نحنا خمس اخوة بنت وصبي ما فين شي والحمد لله وانا واخوي واختي الصغيرة معنا هالمرض يللي انشالله ما حدا يبتلى فيه
المهم يعني الاعراض يللي عبشوفا بتختلف شوي عن يللي معي ورح قلكن شو هية:
اولا انا ما عندي قشور بجسمي في جفاف واضح بس مو كتير شديد القشور موجودة بس بالكفين وباطن القدمين
ظهري ما في شي ابدا اكتر شي مزعج متل ما قلتلكن من قبل هو انو انا بحس انو في اختلاف بلون البشرة بين المناطق المصابة اللي بتكون غامقة بالنسبة للمناطق المعافاة
والجفاف بيتعالج بالفازلين مثلا او اي مرطب تاني يعني مو هالمشكلة الفظيعة
آسفة طولت بس هاد اكتر مكان بحس انو فيني فضفض يللي بقلبي
واخر شي انا بس حابة قلكن انو انا عبدرس طب بشري هو صحي لساتني سنة تانية بس انشالله انا ناوية اتخصص جلدية بقى ادعولي وآراءكم بالموضوع كتير بتهمني