حكايتي كنسلت كل المسلسلات المدبلجه ..

[أميره الاحزان]

السلام عليكم

مبارك عليكم الشهر فرداً فرداً


حكايتي الى ماتنتهي سوبره صدفيه


وانا نايمه جسمي يعورني اماكن صدفيه جافه والم فضيع مااعرف انام عدل شنو الحل .. احط فازلين بس ينشف مع الملابس صراحه اقول امي ابوي خالاتي اعيالهم جماعتنا مافيهم الا انا ليششش انا البطه السوده مثلاً



صدفيتي اجوفها تختفي بس الاثار موجوده وبعدين اجوف منطقه ثانيه تستوي عليها حبوب وتستوى صدفيه شنو قصتها تتدلع على



مره قلت حق امي انه في ناس بالسعوديه بيرسلون العلاج على كلام خالتي ريم بالشحن .. قالت امي يمكن حاطين شى فيها ولا يصير فيج شى > خوف الامهات بعدين قالت هل هم موثوق فيهم يمكن يخترب مع حراره الجو وووو اشياء واستفسارات كثيرره الى جرب هالامور اتمنى يعلمني وهل صج قطرانهم ممتاز العلاج المطلوب ولا نوعيه رخيصه ..



امي قالت لى بوديج العياده دكتورج القديم يعطيج علاج لشعرج عشان العيد وكذا
احين انا عندي علاج كنت استخدمه من يوم كان عمري 9 سنوات ولين الحين وهو يشفى الصدفيه .. افكر ارجع له بس حق شعري عشان العيد لانه صدفيتي الى بشعري طالعه من جدام بالجابهه ومن وراى الراس ووراى الاذنين يعنى قمه الاحراج والالم مع الصيف تعببب

اسم اعلاجي ..Diprosalic لون علبته خضراء .. ادري فيه كروتزون بس شرايكم فيه .. وكميه الكرتزون خفيفه ولا قويه
وهل ارجع له بس احين لين بعد العيد بتركه



احين احط لجسمي زيت مقري وكذا احس الصدفيه تختفي بس اثارها موجوده يعنى البشره تصير نفس لون ونعومه الجسم بس الحدود ماتتغير تصير غامقه


وبسسسس حبيت افضفض لانه بالبيت مايحسون فالالم الى اعيشه ولو قلت محد بيسمعني عبالهم اتدلع
حبيت اقولكم لانه انتوا نفس معاناتي ..


اللهم تقبل صيامنا واشفينا من مرضنا والبسنا ثوب الصحه والعافيه وحقق ماتتمناه قلوبنا ويسر لنا امورنا وبشررنا يارب يارحمن يارحيم

والله الدمعة بعيوني تعبت منها الصراحه
اتخيل طول عمري بعيش معها وماارح احقق شى ولا بتزوج


معااكم .. اميره الاحزان