امي تذهب بنا للسحره وشخص يقذفني بالحجاره !!!

[عبق الجوري]

السلام عليكم ورحمة الله
حلمت قبل فتره باني في بيت جدتي لكنه كان مختلف فالمنام وكنت كل ما اروح غرفه القا قطتين خايفين مني فأخاف منهم ولا ادخل عشان ما يهجمون علي فرحت عند الجميع وهم جالسين ولقيت قطط صغيره ما اذكر عددهم فقلت هذولي غير مو شرسات وجلست العبهم..
واليوم حلمت بأنيواخوتي نذهب مع امي لأمراة مصريه ساحره نوعاَ ما والعياذ بالله وكنا نروح لتحسين امور في حياتنا وكنت اتضايق فالمنام واقول لو اننا تركنا هالعمل لوجه ربي ودعيناه لعطانا الي نبي بدون ما نسوي كذا وفي مره وحنا راجعين من عندها كنا في سياره لكن قررنا ننزل ونمشي للبيت وحنا نمشي جا شخص بسيارته وقفها وجلس يرمي علي حجاره وكانت كلها تصيب راسي واستغربت كثير من تصويبه مع انه كان بعيد واستمر لين عصبت فاخذت وحده ورميتها لكنها ما اصابته فكملت مشي لين قرب الشخص مني وقبلنا بعض فالمنام وكنت اقول في نفسي انه يضربني بالحجر لانه يريدني ولما رجعنا البيت اخبرتنا امي انها ذهبت للساحر الاساسي الي المصريه تروح تتعلم منه وتاخذ الاعمال منه واخبر امي اني انا واختي سوف نزني مع نفس الشخص والعياذ بالله واعتقد انه قصد الشخص الي كان يرميني بالحجاره ولست متأكده من هذا لكني فالمنام انذهلت وسألت نفسي كيف نفعل هذا ؟
..انتهى
امي متزوجه ولا نعيش معها وكانت مسحوره وتعاني وربي كتبلها الشفاء الحمد لله
واختي متزوجه وتدرس فالخارج
وانا عزباء ويوجد شخص متقدم لي وهناك امرأه اشعر بانها تأذيني وتختلق عني الاكاذيب واحيان اشك انها تمارس السحر والعياذ بالله لكني ابدددا لست متأكده لكنه مجرد احساس من مواقف بسيطه لا اعلم ان كان المنام يعنيها.. جزا الله خير من يفسر لي

[عبق الجوري]

فسرولي الله يجزاكم خير.