تجربتي مع ابر الهيوميرا ..

[{ ريم }]

السلام عليكم ورحمه الله وبركاته ..
كيف حالكم ؟ وكيف القطران معكم ؟
جايه اهذر عليكم واوثق تجربتي مع ابر الهيوميرا بناءا على طلب اخوي عامر الهاجري
من البدايه انصح الكل بعدم تجربتها والاسباب معروفه اثار جانبيه لاتعد ولا تحصى
علاج غير نهائي للصدفيه واعتبرها مسكن لا اقل ولا اكثر ..
ومع تجربتها يمكن تصيب او تخيب ..
انصحكم بالقطران وبس ..

تجربتي اعتبرها تجربه فرضت علي لان وقتها كنت مجبره .. مشكله مريض الصدفيه يتعلق باى علاج
< اخذت راحتي بالكلام وطولت عليكم
اول جرعه كانت ابرتين في الفخذ بتاريخ 14- 9
النتائج بعد شهر كانت كويسه التحسن كان 90 ٪ تقريبا .. بعدها بشهر بدآت تنتشر من جديد
جن جنوني وقتها ارسلت لخالتي ام سعد .. الله يسعدها ويطول عمرها .. وعرضت عليها الصور كانت باحجام صغيره .. من خبرتها ماشاءالله تبارك الله قالت راح تكبر اكثر .. وبالفعل اللان تغطي الجسم بنسبه 95٪ على كلام الطبيب .. في وقت قصير هجمت بشراسه عجيبه .. الحمد الله على كل حال
نسيت اقول استخدمت 15 ابره وكاني اضربهم بالجدار
ذكرت التجربه بشكل مختصر جدا اعذروني ..

* حابه استشيركم بحاجه
اللان صرفوا لي مع الابر حبوب ميثروكسات لمده اسبوعين فقط بعدهابتتوقف 3 حبات بالاسبوع مع الابر ..
الغريب في الامر اخذت القطران معي وعرضته على الاطباء مع صور الشفاء في موضوع خالتي الغاليه < يعني بالادله المقطوعه ههههه
ماصدقوني
عذرهم انه بيسمر الجلد وطريقه استعماله متعبه ويبي لها تعليمات معينه ..

< اكتب لكم هذا الموضوع ورائحه القطران تفوح من جلدي .. استخدمته من 3 ايام
والله الشافي ..