لم الشمل....

[@أبو الوليد@]

رغم ظروفنا الي بتجبرنا مانتواصل دايما
لكنني حاسس إنو إحنا مشتتين ومتفرقين وناس من القدامى مابنعرف أي خبر عنهم
وناس من الي كانوا شامة في الملتقى لانعرف عنهم أي شىء
وناس بتدخل بالشهر مرة وناس مابتفضى بتاتا وناس النت ضارب عندهم
وناس زعلانة ومتضايقة من بعض ناس موجودين هون
يا إخوان يا أخوات
شو المانع لو نتكاتف مع بعض ونكون إيد وحدة ونبحث عن الإخوان والأخوات الي كانوا بينا وكانوا حريصين على رفعة هذا الملتقى
بتذكر قبل ثلاث سنوات كان الإخوة والأخوات يسألوا عن بعضهم ورغم ظروفهم الصعبة كنت أشعر إنو إذا الواحد منهم فقد الأخر يدخل ويسال عن اخوه أو عن أخته
لو إحنا وقفنا وقفة جدية أخوية صادقة صافية نقية خالية من الشوائب في الله ومن اجل الله راح نشعر بصدق الأخوة والمحبة
وصدقوني من الصعب جدا إنو نترك بعض بتاتا
بتذكر لما الواحد كان ينزل موضوع والشخص الي نزل الموضوع مش معروف في الملتقى كان الكل يدخل ويشارك عشان مانشعره إنو مافي حدا مهتم واليوم بينزل الموضوع مراقبين ومشرفين نادر لما تلاقي حدا يشارك يمكن انا ببالغ
ويمكن مستغربين ليش انا بتكلم بالعامية لأنو يمكن يصل كلامي بصيغة طيبة ورائعة
مين منكم مستعد يلم الشمل معاي أو بدوني
بدي ألم الشمل مين مستعد يقدم على هالخطوة؟؟
حتقولي كيف وبكم وبقديش
حأقولك اصدق الله يصدقك وحتلاقي النتيجة رائعة