ارجو من حضرتك الاهتمام وسرعه الرد ..

[مصريه حره]

انا متزوجه وحلمت ان زوجي داخل عليا ومعاه شاب وكان متضايق جدا لانه عرف اني اعرف هذا الشاب واعد يضرب فيه جامد وانا بحاول اقوله اني اعرفه معرفه سطحيه جدا كاد يكون منعرفش بعض بس هو مش بيسمعني ومن كتر ماهو متضايق وغيران عليا قام قتل نفسه بالمسدس ف انا بحسبه مات ف عيطت جامد وكنت زي المجنونه وفجأه لقيته فتح عينه براحه فعرفت انه لسه مامتش فقعدت اصرخ عشان يجيبوا الاسعاف بس المستشفى اللي راح فيها مساعدتوش في حاجه وطلبت واحده تانيه وبعدين صحيت من النوم
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــ
في حلم تاني بعد اذنك ..
انا في اول زواجي حلمت تقريبا 4 مرات اني بتزوج من احد اقاربي يعني بكل حلم شخص مختلف يقربني وفي الحلم بستغرب جدا ازاي انا متزوجه وبتزوج تاني وبعدين بروح بسرعه لزوجي الاصلي وبقوله انت ازاي سايبني كدا اعمل حاجه بس كنت بحس منه اوقات ببرود انه يعني هيعمل ايه .. واوقات كان يقولي طيب ارجعي على بيتنا وانا هتصرف .
بس
وبعد ما بطلت احلم بهذا الحلم .. حلمت ان زوجي تزوج عليا ولما اكتشفت موضوع روحت على الفندق اللي قاعد فيه وانا داخله قابلت 2 من اصدقائه ومحدش قاللي على رقم غرفته ولكن عرفته بس بصعوبه جدا حتى عشان اروح الغرفه واجهة صعوبه اكبر ولكن عندما دخلت عنده وجدته جالس على السرير فسالته وكأن مافيش حاجه انت بتعمل ايه هنا قالي عادي بغير جو تقبلت كلامه ولكن فتحت الدولاب عن قصد وجدت ملابس فتاة فبسأله عنها فابتسم ابتسمامه اللامبالاه .. فصرخت بوجهه كثيرا وقولتله انا بكرهك وانا مش عايزاك حتى ابنك اللي في بطني مش عايزه (وانا كنت حامل وقتها في الحلم والحقيقه ) وهو كان لا يبالي ابدا ولما خرجت من الغرفه عرفت اني في الدور ال 500 وانا استخدمت السلالم لاني كنت القاها اسهل من المصعد الكهربي وانتهى الحلم .. ارجو من حضرتك الاهتمام وسرعه الرد .
شكرا لاهتمامك