حلم قص الشعر

[توكلي لله]

السلام عليكم ..

حلمت اليوم الصبح وكأني برا والوقت كان اليل ومعي مجموعه بنات بس ما اذكر من بالضبط واشوف ع الساعه واقلهم يالله نروح الحين ساعه 8 وانا بخبر السائق يجي ع الساعه 8ونص او 8وربع يكفينا الوقت وكأن نبي نروح نتعشى ع اساس بعد العشا يجي ع طول السائق ونرجع للبيت وبعدها كأن واقفين عند باب المدخل نبي ندخل جا شخص طويل (مجهول وكأن لبناني او ادرني او مصري مااذكر) يقول من فيكم شعرها طويل يسالني انتي شعرك طويل اللي شعرها طويل لازم تقصه وكأن يخبرنا لان ف حرمه داخل وياشر لنا ع المطعم او مدخل (وكأنها زوجته) راح تقص وتاخذ معها واعتقد سالوه شو تسوي فيهم قال انتوا تعرفوا شو راح تسوي وفهمت كأن راح تسوي لنا سحر اللي شعرها طويل مدري وكأني اشوف او اتخيل شعري شوي قصير مقصاي ع جهة وحده ولونه اسود وحرير وبديت اخاف كثير وبعدها مدري هل نفس الحلم ولا لا

دخلت المطعم انا واختي (متزوجه) وكأن هي اللي عازمتنا انا وخواتي دخلنا انا وهي و على اليمين جالسين خواتي 2 كلهم انسات وكأنهم تقدموا علينا وياكلوا بيتزاء وبعدها رحنا احنا ع طاوله ثانيه وجلسنا ع الكرسي وجابوا لنا بيتزاء دجاج وانا ما احب قلت لهم ما اريد ومعصبه وزعلانه قلت لهم انا اريد لحم قالوا لي ماشي خلص بعدين قالوا لي اخواتك الثنتين خذوا اللحم وخلص قلت لهم عيل انا مااريد وبســ مااذكر بعدها شو صار

عزبااء