الثوم لصدفية الاظافر

[عازمة على شفائه]

السلام عليكم ورحمة الله وبركاته:
كيف حالكم اعضاء المنتدى الطيبيبن...اتمنى من الله ان تكونوا بكامل صحتكم والعافية.....
معليش سامحوني عالانقطاع بس والله انو بسبب قطران الفحم الحجري...يعني بصراحة ما عدت قلقت زي زمان عن كل جديد للصدفية...لانو خلص ان شاء الله انو العلاج صار موجود بس انا والله عمبستنى ابني ليكبر وهو ساعتها يعمل الي بدو ياه...
المهم حابة اشارككم هذه التجربة الرائعو والناجحة باذن الله لكل حدا متاخر عليه وصول القطران ومستعجل على اضافرو يطيبوا....الثوم الثوم الثوم...
ابني الصغير عندو ثلاث اضافر مصابة اتنين درجة خفيفة وواحد حالتو حالة مشوه يعني.....بعد الفرك بالثوم وبالاخص الماء الذي يخرج من الثوم وما صرلي والله شاهد علي يمكن 10 ايام فقط وانا غير منتظمة بشكل يومي...في اصبع شفي شفاء تام تام ما شاء الله لا قوة الا بالله...لأ ومنظره جميل ماشاء الله....والثاني خف بشكل كبير الحمدلله يعني مستحيل حدا يعرف انو في شي...الاصبع الثالث والله كان سمك القشرة تحتو كبير جدا لدرجة كنت اعتقد انو سينفصل لا محالة....تجاوب بشكل سريع جدا استغربتها...فقط بعد كم استعمال رجع الاضفر وصار كتير قريب من الاصبع يعني منظرو جدا مقبول وان شاء الله رح اكمل معو جتى الشفاء التام باذن الله.....طبعا فكرة الثوم خطرتلي بعد ما يئست من كل الدهانات جربت كل شيء حتى اللوريد مع اني التزمت فيه شهرين تخف كتير ولكن لا تشفى ابدا وجربت الكثير من خلطات الزيوت كذلك وكلو تحسين مؤقت بدون شفاء..
اتمنى تستفيدو من هذه التجربة الجديدة والناجحة ان شاء الله للاظافر...واتمنى من كل حدا جربها واستفاد يدعيلي الله يشفيلي ابني شفاء تام تام يا رب....
اللهم اشف جميع مرضى المسلمين اللهم اااامين....