شئ وحش اوووووي بيقابلنا كل يوم كل لحظه كل ثانيه....لكل الاعضاء

[القلب السمـح]

الشئ اللي حبيت اتكلم معاكوا فيه هو ( سوء الظن باخوك المسلم ) بمعني انك تظن في اخوك المسلم ظن وحش وتتهمه باعمال وحشه مش فيه لاني كلامه معجبكش ومقدرتش تتعامل معاه ودورت كلامه في عقلك بمفهوم خاطئ تيجوا نصارح بعضنا بالاسئله دي مين فينا ما ظنش في غيرو ظن سوء مين فينا مقلش علي غيرو كلام يسئ ليه فيه بس مين فينا فكر مره انو قبل ما يظن او يفكر في غيرو السوء انو يرجع لربه ويشوف ظنه علي حق ولا لأ : طب تيجوا مع بعضنا نشوف ربنا ورسولنا صل الله عليه وسلم قالوا ايه سوء الظن الحمد لله القائل ( يَا أَيُّهَا الَّذِينَ آمَنُوا اجْتَنِبُوا كَثِيراً مِّنَ الظَّنِّ إِنَّ بَعْضَ الظَّنِّ إِثْمٌ ) والصلاة والسلام على خير الأنام القائل ( إياكم والظن فإن الظن أكذب الحديث ) يعني لو اخوك المسلم مظهرش منه حاجه وحشه او عمل كبيره من الكبائر وانت ظنيت فيه ظن سوء يبقي انتي كده ظلمته وخصوصا لو كان مسلم زيك وكمان اللي بيعمل كده بيكون قلبه فيه مرض وكمان بيكون قلبه مش متعلق بربنا طب وايه الحل علشان نتقي حاجه وحشه زي دي 1 - اننا دايما نحسن الظن بالمسلم ومنتهموش بحاجه هو بعيد عنها 2 - اننا ناخد دايما الكلام بمبدا الخير مش بمبدا الشر : 3 - اننا نحط قدامنا عاقبه سوء الظن و اد ايه هي كبيره من الكبائر وليها اضرارها وتذكر قول عمر بن الخطاب ( لا تظن بكلمة خرجت من أخيك المؤمن شرًّا، وأنت تجد لها في الخير محملاً ) ولازم دايما نعرف اننا قد ايه هنتغير للاحسن لو مشينا علي شرع الرحمن وكلام قرائنه اللهم أصلح نياتنا وذرياتنا واجعلنا ممن يحسنون الظن بك وبالمؤمنين اللهم اجعل عملنا خالصاً لوجهك الكريم وارزقنا العلم النافع والعمل الصالح منقووووووووووول