شريط الرسائل القصيرة * هام جدا *

[بنوتة سوريا * نورة]

السلام عليكم ورحمة الله وبركاته :

موضوعي للنقاش هام جدا وبدو حل سريع للغاية ..

لاحظت ملاحظات كتيرة على شريط الرسائل القصيرة على فنوات الأناشيد

صرت شوف الاختلاف بيناتهم ..

عندكن : قناة طيور الجنة // قناة فور شباب // قناة راما // قناة كراميش // وغيرهم بس هدول المشهورين أكتر

1 _ كنترول طيور الجنة : محترم كتير , طبعا هنن عدة كناترة بس كلهن اسمهن كنترول طيور الجنة , الأعضاء بالشريط رسائلهن بريئة محترمة , وحاولو كتيرر انو يقولوا ويجبروا الكنترول انو يحكي اسموا بس القانون للقانة ممنوع الكنترو ل يحكي مين هو , وعلى فكرة نحنا ما بنحس ايمتى بيجي كل كنترول
برجع للأعضاء انو كل مواضيعهم ومزحهن مع الكنترول محترمة ولا تتجاوز الحدود ( الاسلامية والاخلاقية ) ...
هذا يدل على قمة الأدب والذوق للقناة والدليل على انها محترمة , فما الفائدة من معرفة شو اسم الكنترول ومنين وشو عمره وشو بيدرس ؟؟!؟!؟!
الشريط للفائدة وللمزح اللطيف الخفيف المحترم ..


2 - كنترول كراميش : فيه عدة كناترة وكل فترة بيجي واحد جديد وبصير الشاطر يلي بدو يرحب فيه ..
الكناترة بيحكوا عن اسمهن وعادي وعمرهن وشو بيشتغلوا وكلشي ..
مو هون المشكلة ,, المشكلة انو عم يصير تجاوزات غير لائقة بقناة اسلامية محترمة فهل من المعقول أنو تقول بعض المشاركات ( بدون ذكر الألقاب ) للكناترة ( كمان بدون ذكر اسم الكنترول ) هالألفاظ : يا غلاتي / بحبك / بموت فيك / معجبة بأسلوبك / صباح الورد والياسمين و.... /

ليش ؟؟؟؟ ليش يا جماعة في هيك شي على شريط لقناة اسلامية ؟؟!!
فلا عتب على غير قنوات

هل الكنترول أخوها او ابوها ؟؟؟؟؟؟
هل يا ترى بتبعت الرسائل أمام أهلها ؟؟؟؟؟؟؟

وبعدين الشريط للفائدة او اذا حدا بدو يسأل الكنترول على شي عن القناة ,, والله العظيم صار الشريط كله نكت ومزح و ومجاملات , اشتيت شو اسم ( الله ) مكتوب أو ذكر الصلاة على الحبيب محمد

والألقاااب ( الطاااااااامة الكبرررررررررى ) الواحد بدال ما يحط لقب يدل على اسلامه او يدل على شخصيته المحترمة بحط جمل غراام وحب وعشق للنجوم

هل النجوم أغلى عليهم من رب العالمين ورسول الله ؟؟!!

وبصراحة حاسة انو صاروا جمهور القناة يتابعوها مشان النجوم وليس لانها قناة اسلامية


يا جماعة لازم حل سريع ما بيصير نشوه صورتنا عند الغيررر

3 - كنترول قناة راما : كان فيها شوية تسيب بس الحمد لله مديرها الله يحفظه بدل كل الكناترة وحط قوانين صارمة , وبعدين اختفت القناة .. ان شالله ترجع
رسائلها فيها تسلية وفيها المفيد


4 - كنترول قناة فور شباب : فيها الحمد لله ذكر الله وفيها تسلية بس فيها بعض الشيء من تجاوز الحدود
بس من جديد اتحسنت ..


أن طرحت الموضوع ليس للاستهزاء على القنوات , أُشهد الله العلي العظيم أني لم أطرح الموضوع إلا ليتحسن حالهم ..

بدي رأيكم ويا ريت ما حدا يزعل


الموضوع نشرته بمنتدى آخروشفت رأي الأعضاء وبدي شوف رأي أعضاء ملتقى الشفاء ..