يا رب اشفني من مرضي , يا الله اشفني من الصدفية يا أرحم الراحمين

[ahmadh]

السلام عليكم ورحمة الله وبركاته

إنّ المؤمن مصاب , والحمد لله على ما ابتليت به , مع أنّ الصدر داق من المرض , لكن الحمد لله في السراء والضراء , الحمد لله على كل حال ...

عمري 22 سنة تقريبًا , سبحان الله ما بذكر امتى شفت الصدفيه اول مرة , بس بعتقد صرلي اكثر من 4 سنوات بهالمرض , يمكن تكون المدة اكثر بكثير من 4 , ما بذكر ولا كان ببالي , يأست من كل المحاولات , الا من الدعاء والحمد لله , صرلي مع حلول شهر رمضان مواظب على الدعاء , ويا رب ارتاح من هالمرض الي بجد داق صدري منّه

المرض بقع بصدري وظهري (سابقا ً) ورأسي ...
قريت بأحد رد الأخوة بالموقع هون أنه الي بشوف مصيبة غيره بتسهل عليه مصيبته , صدق الي قال هالعبارة , شفت صورة لرجل أحد المرضى , الصدفيه منتشره فيها , صدقوني قلت الحمد لله على ما ابتلاني ,

استعملت مستحضر واحد بالفترة السابقةمن عند طبيب عربي : كانت تروح بس سرعان ما ترجع , لاني ما كنت اعرف شو الي صايبني , والطبيب هذا ما كان يقلي , كان يقلي ادهن من هالدواء , لما ادهن تروح , بس برأسي كنت فكرها قشرة مستعصيه , طلعت هيي قشرة مستعصيه بس للأسف بسبب الصدفيه مستعصيه ,
لـ من فترة كنت عم اتكلم مع مدير المدرسة الي بشتغل فيها , وقلي انا رح دلك على طبيب عربي موجود بشمال لبنان , رحت لعنده , هيدا الكلام من اول هالسنة اعتقد وهالا صرلي اكثر من 4 اشهر او 3 اشهر ما استعملت الدواء (تقصير عجيب فيني)
شافني وقلي معك صدفيه , واعطاني مرهم وشيء للدهن وقنينة (مقطرة من الاعشاب) للشرب , الحمد لله للحين الي بظهري ما فيه شيء الا مكان الي كنت ادهن دواء فيه لون غامق عم يتفتح مع مرور الوقت , ومبارح لاحظت فيه بقع بيضاء , بصدري انا قبل ما يروحوا بنوب وقفت الدواء , والي برأسي كان بقع حمراء عجيبه , طبعًا حلقت على القرعه , شلت الشهر نهائيًا وظهر الي كان متخبى بالشعر , احمرار عجيب , الحمد لله خف مثل صدري بس ما كملت على الدواء ,

المرهم فيه ورد جوري واعشاب ما بعرف شو هيي

انا وقفت الدواء وهيك بالفترة هيي , لأني ما كنت اعرف شو هيي الصدفيه ,

لكن بعد اطلاعي على عدة مواضيع وعدد من الناس المصابه بهالمرض , عرفت شو هيي الصدفيه لحد ما , وصراحة صرت عم فكر اني بعد الزواج (كان كاتب احد الاخوة انه قد تنتقل بجينات الولادة) قلت لا بد الا واني اتعالج منها لحتى ما يعاني ابني بالمستقبل الي انا عانيته من هالمرض ...

انا بلبنان , شو الطريقة السليمة للتخلص من المرض بشكل نهائي إن شاء الله , وبأقل وقت ممكن ؟؟؟

وبالنسبة للحجامة , انا عملته مرة بضهري بعد ما بلشت بالعلاج , والحمد لله كما قلتلكم بضهري الوحيد المرتاح والحمد لله ,

انا بدي علاج يريحني بشكل نهائي من الصدفيه , وبارك الله فيكم