تجربه بسيطه بس غريبه

[احساس زوجه]

السلام عليكم ورحمة الله وبركاته

ومبارك عليكم الشهر الفضيل

وعسا الله يتقبل صيامنا وقيامنا

قبل اسبوعين تقريبا كانت عندي مناسبه سعيده وهي زواج احد قريباتي الموهم قعدت اربع ايام من غير لا دهان ولا فازلين ولا اي شي كورتيزوني وانا اللي كنت متعوده علا الدهان اليومي ومرتين بعد
وكنت جدن سعيده وسوالف وضحك المهم كنت ناسيتها تماامن

الغريب بالامر

انه الحبوب ظلت مثل ما هي لا اكبرت ولا في حكه وبسم الله علينا

مدري متى بنحل لغز هالمرض اللي لاله اعلاج ولا تفسير ولا كم ولا كيف ولا ولا

سبحان الله

وبعد هالمناسبه

رجعت حليمه لعادتها القديمه قمت انبش واشوف واقولب فيها هي حيه والا ميته وما قعدت الا اربع ساعات الا بدت الحكه والاحمرار والقشور الذهبيه

ورجعت الحياة لها

لكن واللي خلق لي روح ونفس يجي ويروح

ماراح ايأس

وانا متأكده اني بيجي يوم وارمي هذا المرض مع ذكرياتي الحزينه

العبره من هالتجربه

عيشوا حياتكم اطلعو سافروا عندك هوايه مارسها عندك عائله لا تهملها
وتقعد تثأر منهم بسبب مرض لا هو منهم ولا لهم ذنب فيه

انا كنت جذي قبل 5 سنوات اصب غضبي علا اللي حولي وهم مالهم ذنب ولاهم دارين عن شي

وبس

وصلى اللهم علا سيدنا محمد وعلا آل سيدنا محمد