ارجو الرد من الشيخ فايز

[omaiam]

السلام عليكم ورحمة الله وبركاته
شوفت رؤيتين ياشيخ فى يوم واحد وربنا يجعلهم خير بإذن الله تعالى
*اسفة انى هقولهم الاتنين بس انا حاسه ان ممكن يكون ليهم علاقة ببعض
الاولى : انى فى محل دهب بشترى حلق ومعايا واحده صاحبتى تقريبا وبسأل هو الحلق ده عيار 18؟ وردت صحبتى وقالت اه
المهم انى لبسته وكان شكله حلو قوى بس انا كنت مش محجبه فى الحلم وده ماكانش مدايقنى فى الحلم بس اللى كان مدايقنى ان شعرى ماكانش متسرح كويس
المهم اننا خرجنا بعد مادفعنا الفلوس بس رجعت بسرعة اطلب الفاتورة وقلت للجواهرجى انى هديها لجدى لانه بيفهم فى الدهب

الرؤيه التانيه: انى كنت انا وخطيبى قاعدين عندنا فى الصاله وأن مكان الدبله اللى فى اليد اليمنى اتغير وبقت فى ايدى الشمال فى الصابع الاوسط
وانا مستغربه و بوريها لخطيبى قالى لو متدايقه رجعيها فى ايدك اليمين تانى

*مخطوبة , ملتزمه الحمد لله , لا أعانى من الامراض