قصيدة غزل (فلسطينية )

[صديقة الدموع]

قصيده غزليه من شخص لخطيبته باللهجة الفلسطينية °◦°ஐ


كطعيني شكفه شكفه وارميني للجيران
واعملي مني كفته وطعميني للفيران
واسحبي مني دمي واتبرعي فيه للزعران
فكرك انسى حبك وادور بالشارع سكران
لا عمي.. هدا الحكي مش هسا.. هادا كان زمان
هسَّا في امير ومايا متل ما في لينا وعدنان
اي سدكيني بحبك حب كد ما في بجارتنا كمل وسيبان
سدكيني لابنيلك فيلا وبركة سباحة كمان
واجيبلك لبس من اشكال الوان
وسيارة البي ام.. لا عند رامبو منها ولا عند جاكي شان
اي هو بس انت ارجعي وردي على ريان
هالمسكين انفلك وهو ينادي.. فراكك والله حرام
تعي نرجع مع بعض متل ايام زمان
نرجع إنْرَوِّحْ بنفس الباص..
انا اكعد ورا وإنتي تكعدي كدام
انت توصلي داركم وانا عشان اوصل بدفع بريزة كمان
اي كهرتيني وفكعتي مرارتي ونسيت انه عندي امتحان
اي بلا حب بلا هم كله هبل وجنان
فش بعد المطكع للدنيا... لا في بنت تحبه ولا تطرشله وجهها دهان.