ما حكم صلاة كبار السن؟ ( تمت الإجابة عليه )

[الفراشة المتألقة]

السلام عليكم ورحمة الله وبركاته

وصلني على الخاص سؤال من إحدى الأخوات عن حكم صلاة كبار السن ، فأحببت أن يكون على العام كي يستفيد من السؤال وإجابته الجميع .

صيغة السؤال كالتالي:

, كنت بدي اسألك عن الماما من ناحية الصلاة لما بنقللها صلي بتصلي بس بتحسيها مو مركزة ولا بتعرف عدد الركعات طبعا بتصلي وهي قاعدة عالكرسي واذا ما قلنالها صلي هي مابتتذكر تصلي والمشكلة الاكبر بالطهارة ,العفو منك يعني ممكن تنقط شوي ,يعني تيابها ما بضمن انها نظيفة تماما انا بغيلها تيابها مرة باليوم وصعب علي وعليها اني غيلها اكتر من هيك خاصة انه وزنها تقيل وحركتها صعبة ,بقى اغلب الاوقات بقللها اجمعي الضهر مع العصر والمغرب مع العشا اما الصبح اغلب الاحيان ما بتصلي بتكون نايمة وما بحب فيقها لانها لو فاقت ما بقى تقدر تنام وبتصحي البيت كله وهي عم تنادينا,هلأ ما بعرف اذا كان الجمع ممكن ولا لا وكما اذا ممكن تصلي اذا تيابها ما كانت نظيفة تماما ,وطبعا فكرة الحفاض مرفوضة تماما من قبل اهلي لانه هي ما بتتحرك الا لما تروح عالحمام واذا تحفضت خلص مابقى تتحرك ابدا كمان متل ما ذكرتلك وزنها تقيل وتغيير الحفاض صعب ,والله ماني عارفة كيف اتصرف بها المشكلة ,البابا عم يقول يمكن هي بتسقط عنها الصلاة لانها اكتر الاحيان مو مركزة وكانت تنسى اسماءنا هلأ احيانا بتنسى اني بنتها وبتقلي وين امك بقلها ليش مين انا بتقلي مابعرف ,بس انا بقول له ما دامت حافظة ايات ما بتسقط عنها الصلاة ,شو رأيك انت؟ شو حكم الشرع بهيك حالة ؟