يابنت بالك لا يغـرك شياطين..

[مسك الحياه]

يابنت بالك لا يغـركشياطين
حـذراك لايغـرك كـلام الذيابـه

يقولأحبك وأعشقك موت تدرين
أموت بك ياشوق شـوق الكتابـه

ويقص لك قصت حياة المحبين
يقول ||أحبـك وانتظـر منـك أجابـه

ويفرشلك الورد الحمر والبساتين
ويعطيك من حلو الكـلام بذرابـه

والله يخسي ولد لا تصدقين
ملعون خايب يخزن السم نابـه

تكفين ثم تكفين يابنـت تكفين
لاتدنسيـن اسمـك ومن هـو وفابـه

أخوك لامنه قعد بـ الدواوين
يقعـد وراسـه فـوق فـوق السحابـه

يابنت والله سمعتك فوق الاثنين
سمعتك من سمعة عرب لك قرابـه

سمعتك ثم سمعتك تسوى ملايين..
ثم سمعتك ثم سمعتـك والمهابـه

وأن قال أحبك أفهمي وش تردين
.قولي المحبه يالردى لـي معابـه

وقولي له أهلي بالملاقى سلاطين
ودرب الدنس ياورع محدن مشابه

هذا كلامي وقولي اللي تقولين
اللي يبيك يدل بيتـك وبابـه

والخاتمه يابنت طعم العسل زين .
مير البـلا اليـ دنستـه الذبابـه