اللهجة العراقية

[ღ زهرة الشفاء ღ]

لهجة العراق : هذه لهجتنا ولي يريد يتعلمها خليه يتفضل ولي يريد يشوفها ويطلع

عليها نقول له أهلا وسهلا نورتمونا ...


شكو ماكو : يعني ما هي اخباركم

هوسة : يعني فوضى

كُلش هواية : شيء كثير

مرة لخ : مرة الثانية
يعني مثلا من اكول شنو عندنا الدرس لخ اي الدرس الثاني

لعد : تعني إذن

وينك : تعني أين

ليش : تعني لماذا

ما ادري : ما اعرف

اشدعوة:::::جدا غالي سعره

فد نمونة:::::استهزاء بحاجة معينة او شخص معين اي لا يوجد شبيه له

عفية عليك:::::احسنت وجيد جدا

فدوة لهطول:::::اعجاب بطول شخص او تحبب لطفل

يامعود على كيفك:::::يارجل لا تسرع او هدئ من روعك

كافي عاد:::::الى هنا وبس
دير بالك:::::احذر وانتبه

خابرني:::::اتصل بي هاتفيا

اتكربست:::::وقعت من السلم

دايخ:::::عندي صداع او تعني مشغول بموضوع معين

الله بالخير:::::عبارة ترحيبية بالشخص بعد ان يجلس

قفص عليه:::::اخدعه بكثير من الحالات

نكري:::::سارق ونشال وحرامي

خطية:::::مصطلح للتعبير عن التعاطف مع شخص

كشخة:::::انافة


دشداشة :الثوب الرجالي العربي

دوشك :مرتبة السرير

ركي: بطيخ أحمر

زنود الست: حلويات شرقية ساخنة تتكون من لفائف عجين محشوة بالكاسترد و مقلية بالزيت و مغطاة بالفستق الحلبي المطحون

زولية :سجادة منزلية

شلغم :لفت وتقال للشخص الذي يكثر من الالحاح خخخ شلغم على السالفة
شلونك: كيف حالك،

صوبة: مدفأة بأنواعها

صوندة :خرطوم المياه المطاطي ، كلمة فرنسية الأصل

طاسة: إناء نصف كروي

طاوة :مقلاة الطعام

طب :أدخل


عزه العزاك.
أي أصابك من الحزن والنكبات


الشربت.
هو الشراب المحلى بالسكر ونحوه اي العصير

كليچة.

نوع من انواع الكيك

هاي طبعا قليل مقتبسات من اللهجة العراقية الي يريد يتعلم لهجتنا خليه يتفضل

شنو رأيكم فيها ؟؟!!

[ورد جوري]

فد نمونة:::::استهزاء بحاجة معينة او شخص معين اي لا يوجد شبيه له

بصراحة يازهرة مكدرت الزم نفسي من الضحك من قريتهه(نمونه)
............
بانتظار من يريد الاطلاع على اللهجه العراقيه
دمتِ بكل خير حبيبتي

[ღ زهرة الشفاء ღ]

هههه يا عيني عليج وردة هي صحيح ضحك بس حلوة

شنو متكوليها انتِ ؟

اشكرك حبيبتي على الرد وسعدت بذلك اهلا بك

ونتظر ردود الاعضاء

[ورد جوري]

بلي اكولهه هوايه بس مدري ليش ضحكت من شفتهه

[ღ زهرة الشفاء ღ]

لان تفاجئتي بيها كلتي اشو هاي الكلمة احجيها بالبيت شطلعها بالشفاء

هلا بيج مرة لخ حبيبتي وردة

[بشير المحمدي]

شلغم :لفت وتقال للشخص الذي يكثر من الالحاح خخخ شلغم على السالفة
يبوه شداقتني هالسالفه .......هههههههههه ترجمي عاد زهره واوكو ناس لزكه جونسن ........انكلع .......يبوه اندار عليك ........وما خفي اعظم ههههههه والترجمه عليك زهره فهمو اللي يسال من منتدانا

[كنانة الشام]

هههههههه

كتير حلوين هالكلمات ...خلص أنا تعلمت اللغة العراقية

لازم نعمل موضوع خاص باللغات :d

شنو رأيكم

[@أبو الوليد@]

والله إني أعشق اللهجة العراقية
اتكربست:::::وقعت من السلم
ههه
بارك الله فيكي أختي زهرة الشفاء

[عمي جلال]

" وَمِنْ آيَاتِهِ خَلْقُ السَّمَوَاتِ وَالأَرْضِ وَاخْتِلافُ أَلْسِنَتِكُمْ وَأَلْوَانِكُمْ إِنَّ فِي ذَلِكَ لآيَاتٍ لِّلْعَالِمِينَ " (الروم:22)

مشكورة أختنا الكريمة

[نور الحريه]

ليش فضحتينا يا زهوره

شكرا حبيبتي