حبوب وجع الراس موت محقق للجاهلين!!!

[عبق الأحبة]

حبوب وجع الراس موت محقق للجاهلين!!!

التحذير عن خطر الاستعمال المفرط لحبوب وجع الراس متل الاكامول والبانادول وغيرها من الادوية مع العلم اني ما اتعمقت كتير في الموضوع ..رؤوس اقلام يعني .عشان أبسطلكم الموضوع
انشالله انها تعجبكم وتفيدكم وتنبهكم لخطر هالسموم الدوائية وانشالله تكون ردودكم زيكم حلوة...

تعريف بسيط عن الدواء=
هاي الادوية بتنتمي لمجموعة دوائية اسمها الباراسيتامول وهاي الادوية بتتدرس في علم الطب الشرعي ضمن بند السموم الدوائية اللي بتسبب الموت على مستوى العالم وخصوصا لحبايبنا البنات...وتنتشر ادوية الباراسيتامول بشكل كبييييييييييييييييييييييييييير جدااااااااااااا وهي موجودة في كل مكان حتى في البقالات وهي تصرف غالبا كمهدئ لاّلام الرأس و بعض الاّلام الاخرى

الجرعة القاتلة=وهاد اهم شي..
الجرعة القاتلة في ادوية الباراسيتامول هي 7 غرامات في اليوم الواحد وللعلم هذه الجرعة 100% قاتلة الا اذا ما تم اكتشاف الموضوع خلال أقل من 48 ساعة على الاكثر,وغالبا ما بتكون الحبوب جرعتها عبارة عن 500مللجرام يعني الجرعة القاتلة منها 14 حبة تقريبا.......ببدأ عمل السم داخل الجسم بعد مرور 48 ساعة على دخول هاي الجرعة الكبيرة عالجسم ,احيانا بتحتاج الى اكثر من ذلك حتى 36 ساعة وبعديها ببدأ الدمار الشامل....خطورة هذا السم انو صعب اكتشافه نتيج’ ان اعراضه تبدو عادية جدا متل اعراض وجع الراس والبطن(المغص) وامور بتحدث معنا يوميا في ابسط الامراض.....

الجرعة المسموح بتناولها=
للشخص الطبيعي الصحيح 4 جرامات في اليوم الواحد وبتعادل 8 حبات من جرعة 500مللجرام مقسمة على فترات غالبا حبتين في كل مرة

وما تستغربوا او تتسائلوا هل في ناس بتاخد كل هاد العدد من الحبوب؟
اكيد في مجانين محسوبين عالعاقلين ممكن يتعاطوا هالكمية من الحبوب خلال يوم واحد
احيانا بعاني الشخص من وجع الراس او الاسنان...الخ وأول ما بفكر فيه على طول تناول حبة او حتى حبتين من هاي الادوية المشكلة اذا راسو ضل يوجع... بعد 3 او 4 ساعات ممكن الشخص ياخد كمان حبة عالفاضي وعلى هالمنوال بضل الراس يوجع والشخص يتناول بدون وعي على اعتقاد انه هاد دواء وما فش منو ضرر اللي بغيب عن باله انو مجموعة الباراسيتامول عبارة عن دواء بتحول لسم قاتل.
والاسوأ من ذلك ممكن شب او بنت بحبوا بعض على سبيل المثال يتعاطوا ورقة او تنتين او اكتر كنوع من الترهيب لاهاليهم او اللي حوليهم عشان يفرضوا عليهم امور معينة معتقدين انها لعبة سهلة بدون ادراك لخطورة هاد الدواء على الصحة

طريقة التسمم=
تتم بعد ان يتناول الشخص الدواء عبر جهازه الهضمي و يوصل الدواء للمعدة... بتجه الدواء للكبد زي ما بنعرف وهناك بتتم عملية اسمها الاستقلاب هاي العملية بتمثل وظيفة الكبد في تخليص الجسم من السموم بس اللي بسير انو الكبد رح يحول الباراسيتامول من دواء الى مادة شديدة السمية اختصارها(napqi) هاي المادة بعد ما تخرج من الكبد بتم مقاومتها عبر الاجسام المضادة للتأكسد الموجودة في الجسم وبتختفي وبتخلص منها الجسم بهالطريقة...
لكن اذا كانت كمية المادة السامة كبيرة.. الجسم مش رح يقدر يقاومها نتيجة تغلب كميتها على الاجسام المضادة للتأكسد وطبعا هاي المادة بتهاجم الجسم وبتدمر بشكل مباشر الكبد.. والكلى.. واجهزة اخرى في الجسم ........ومع انو الانسان بقدر يعيش بعشر الكبد بس هاي المادة بتدمر الكبد بسرعة كبيرة خلال خمسة ايام تقريبا للشخص الصحيح الطبيعي يعني اذا ما لحقش حالة حتما رح يموت لا سمح الله وحتى لو لحق حاله رح تكون الحياة صعبة كتير ورح يعيش في خطر دائم وداهم نتيجة الخوف من انهيار جهاز الكبد في اي لحظة خلال عمر قصير نسبيا وهاد اللي بتمنى ما يصيب أحد منكم او من الناس....عدا عن الفشل الكلوي والمصايب التانية....

وللعلم ...حاول العلماء انهم يتجنبوا هاي النتائج الخطيرة فانتجوا الدواء بكمية قليلة يعني ورقة واحدة في العلبة موجود فيها 10 حبات مع منع بيع اكتر من ورقة للشخص الواحد وللأسف حالات الموت او الانتحار ما قلت فكروا بطرق تانية...مثلا ضافوا للدواء مادة بتجعل الانسان يستفرغ تلقائيا نتيجة تعاطي جرعة عالية من الدواء وبرضو ما نفع ..يا جماعة اللي بدو ينتحر هو حر..المهم وضعوا مادة مضادة لل(napqi) وغير عن هيك اضافوا مادة بتسرع امتصاص الدواء علشان جهاز الاخراج يتخلص من المادة بسرعة وما يكون التأثير كبييييير.........
وبالنهاية يا رب ما حد يوجعوا راسوا ويا رب ما حد يمنعوا اهلو من الزواج او بنت يمنعوها اهلها عن حبيبها وشغلات كتير يا ريت تسير ويبطلوا هالعالم هبل وانتحار
شكرا الكم على تحملكم الي ولموضوعي ويا رب تكونوا استفدتوا واي شخص بكتشف معلومة غلط يا ريت يصلحها او اذا حد بقدر يضيف مش غلط ....