اخواني واخواتي فيه احد منكم جرب هذا العلاج من قبل ؟؟

[فتى الخرج]

السلام عليكم ورحمه الله وبركاته
ويا هلا ومرحبا فيكم يا اخواني واخواتي
انا في عام 2001 رحت لدكتور استشاري حساسيه وجلديه وقالي من الاخر انت مالك الا هذا العلاج استمر عليه لحد ما ينزل شي جديد لكن الصدفيه مزمنه ولا راح تروح منك بساهل وقال اهم شي كل شهر تجي تسوي تحليل لدم واعطاني هذا العلاج اسمه / نيوتيجاسون Neotigason عباره عن كبسولات وفيه منه كبسولات 10 ملغ وفيه منه كبسولات 25 ملغ وبنسبه لي استخدمت 25 ملغ
انا استخدمته لمده سنه كامله وكان العلاج نادر ما احصله الف عليه كل الرياض ويمكن ما احصل في كل الصيدليات الكبرى وحتى اني كنت اوصي عليه اخوياي في جده وفي الشرقيه وفي كذا مكان علشان بس احصله وكنت اخذ كبسوله 25 ملغ حبه يومياً لكن نتائجها مره حلوووه وخلال يومين تحصل الصدفيه بدئت في الاختفاء واعراضه الجانبيه الي بانت علي جفاف في الشفايف وجفاف في الانف وجفاف في بعض الاحيان في العين
لكن فكتني من الزفته لمده سنه وبحثت عنه كثير لكن ما حصلته وبعدها وقفته
فحبيت اعرف فيه احد جربه قبل كذا
وياليت تنصحوني ارجع ابحث عنه واجربه ولا اوقف البحث عنه
وشكراً لكم اخواني واخواتي لطلاعكم على موظوعي