حلم عدة مشاهد مرت امامي وانا بالسيارة

[غرنوقة العين]

حلمت ان ابوي ياي يشلني من مكان كنت فيه ويريد يوديني البيت اول ما ركبت شفت ولد عمره تقريبا 13 سنه ومتين كان قاعد ورى استغربت منه لاني ما اعرفه بس عقب طنشته وقعدت اشوف الدرب . الطريق الي مشاني فيه ابوي كان طويل مع انه الدرب للبيت قريب ونحن نمشي بالسياره كنت قاعده بقرب الدريشه اشوف المناظر اول شي مرينا على على بيت بدون سور كنت اشوف كل شي فيه كان لونه عيناوي ووردي كنت اشوف الصاله وغرفه النوم وكنت مستغربه ان البيت مكشوف والابواب مفتوحه لان الكل يقدر يشوف الي داخل ومافيه اي ستر وعقب مرينا على مزرعة كان فيها ريال طايح بالارض بدون راس بس طالع مثل البيب من رقبته ويطلع منه ماذكر دم او ماي شي سائل وبعدها مرينا ع بيت كان جدامه ريال وفيه سياره اسعاف يحاولون يسعفونه بس كانوا يسعفونه من ظهره وكنت مستغربه منهم اقول الريال مب قادر يتنفس لازم يسعفونه عن طريق الفم والانف ويحطوله الاوكسجين وعقب كملنا الدرب لين ما وصلنا البيت الي لقينا كل العايله مجتمعه فيه.

انا فتاه عمري 25 سنه غير متزوجه ولا اعمل خريجة جامعية ابحث عن عمل ملتزمة بديني