ما رأيكم بعودتي للدراسة بعد الزواج و الإنجاب ؟

[سارة 22]

السلام عليكم ورحمه الله وبركاته
اخواني واخواتي اعضاء المنتدى من حبي للمنتدى حبيت تشاركوني وتنصحوني

انا تزوجت بعد الثانويه وحصلت على معدل 88,6 فرع ادبي وما درست بسبب الظروف وانجبت طفلين وهلا الي خمس سنين متزوجه وزوجي هلا بعرض علي اني اسجل وادرس بس انا متررده على شان البيت والاولاد مع اني حابه ادرس

بس اوقات بفكر بوضعي وبقول ما راح اقدر ادرس لانو انتو بتعرفو ربه البيت كيف بتكون مشغوله بلبيت والاولاد والمناسبات يعني بكون مسؤليه اكبر من الي مو متزوجه واولادي ما شاء الله عليهم كنت احفظ قران ما كانو يخلوني اعرف امسك المصحف فكيف بدي اقدر امسك الكتب وادرس
واوقات بفكر وبقول خلص اضل ببيتي افضل
واوقات بقول لا اكمل وادرس
انا حصلي الاستخارة بس حابه اخد بنصيحتكم كمان

بلنسبه للتخصص كنت مفكرة اخد دبلوم بس ما نصحوني يعني لازم اقل شي بكالوريوس ادرس يعني 4 سنين

انا فكرت قلت اسجل بجامعه القدس المفتوحه بتضل احسن للمتزوجين لانو ما بروح للدوام بدرس بلبيت

حابه اعرف رايكم اعرف راي المتزوجين كمان ازا هم درسو بعد الزواج بنصحوني ادرس ولا لا

[أبومحمودالسوري]

وعليكم السلام ورحمة الله وبركاته

أختي الكريمه بداية بارك الله بك وبزوجك وأولادك وجعلهم قرة عيونكم....
أنا برأيي أنه الان بما انك متزوجه فالاولوية لزوجك وتربية أولادك....
وإن كنت تستطيعين الدراسه مع ماذكرت فهو الافضل فلا أروع من طلب العلم....
وفقك الله لما يحب ويرضى
ودمتم بحفظ الله وعونه

[آسيه]

أختي ان كنت تستطعين التوفيق بين البيت والدراسة فلم لا ؟؟؟؟؟ ولديا مثااااال عن ذلك فجارتنا لم تتحصل على البكالوريا فتزوجت في الحاااال وبعد عشر سنواااااات كان عندها بنتين ولما تعرفت على اخواتي شجعوها على الدراااااااسة فدرست من جديد تحصلت على البكالوريا بعد ثلاث سنوات من الرسوب فيها والآن هي تدرس سنة 4 انجليزية . فما رأيك بهذااااااااا؟؟؟ اليس تحدي عظيم وارادة كبيرة ؟؟
وفقك الله أختي في اختياااااااااااااارك وليس هناك أعظم من طلب العلم اذا وفقت في ذلك

[بنت العز ما تنهز]

والله هاي مشكلة ...أنا ارفض الزواج للبنت قبل الدرأسة...لا حبيبتي كملي دراستك...وشوفي لولادك حضانة...والله هاد الحل الانسب..

[سارة 22]

بتشكركم على الرد اخواني ابو محمود،اسيه ،وبنت العز
مشكورين كتير لابداء رايكم
انا الجامعه الي بدي اسجل فيها ما فيها دوام يعني ما راح اغيب عن الاولاد والبيت
وصليت صلاة الاستخارة وهتوكل على الله واسجل وان شاء الله الله يجيب الي فيه الخير