لا تستعجل يابني ادم بالحكم...

[عطر الدموع]

لا تستعجل يابني ادم بالحكم...

كل شبر لو سعيت ملك ربي تعلمين
واعلم ان اللي خلقني هو خلق لك هالعيون
لكن انتي من جلستي وانتي فيني تحدقين
كن مابه ناس غيري بهالكراسي يجلسون!
لو سمحتي عاد اسمعي وحتى لو ماتسمحين
المهم اللي بقوله تسمعينه ويسمعون
غضي طرفك مثل غيرك خوف ربعي يلمحون
الركاده عاد زينه والحياء في البنت زين..
وفيك جازم لا ركاده ولا حياء يذكرون
تعفيني؟!اعرفك؟!ما اذكر إنا ملتقلين
لا اعرفك من تكوني ولا تعرفي من اكون
واطمأني ان كان قصدك بس فيني تشبهين..
ماهو انا اللي تعرفينه والبشر يتشابهون
ما دريتي من التشابه يخلق الله اربعين؟
واعرف اربع يشبهنك بس والله يستحون..
وان كان قصدك شي ثاني عاد قولي وش تبين؟
خايف إنا نصير فرجة واللي ما اشتروا يتفرجون!
واذا ببالك عاجبتني لا يوحشك تحلمين..
صح ربعي من جمالك صار فيكي يمدحون
بس وش لي في حلاتك دام فيها ترخصين؟
حشمة البنت وحياها والكرامة يلفتون..
ولو توفر فيكي هذا مع حلاتك تبشرين..
ماهو انا الف غيري باب بيتك يطرقون
وش علامك رغم اللي اقوله وتسكتين!
مو طبيعي هالسكوت وهالبرود وهالسكون..
انتي خرسة اسألك ولا منتي تسمعين؟؟
قالوا ربعي ذي كفيفة قلت لا لا تمزحون..
لين شفتك يوم رحتي يمكونك باليدين!
مادريت الا عيوني اربع اربع يذرفون..
اااه ياني منه مشهد يوم شفتك ترحلين
جيت اشوف عيون ربعي لقيت الكل يدمعون
قلت سنة هالحياة وحنا ترانا مؤمنين..
الله اللي مسيرنا بين كاف وبين نون
وكل ابونا نختلف مع اننا من اصل طين
سبحان يلي مصورنا ولله في خلقه شؤون..
يعني حنا كل ابونا عاد اسمنا بنادمين..
وليا قضى ربك امر وقال له كن فيكون
فينا يلي رازقع خير رب العالمين
وفينا يلي هو لعطف بحاجة القلب الحنون..
وفينا يلي ماشكى من علة كالاخرين
صم وبكم وعمي فهم لا يفقهون..
بس قليل عاد فينا هم للنعيم شاكرين
والله يرزق هالخلايق من حيث هم لا يعلمون..
وتدري عاد يا الكفيفة حنا ترى متشابهين!
وان ما انعمت ابصارنا قلوبنا هم اللي يعتمون
يالكفيفة يا العفيفة ان قلت اسف تقبلين؟؟
يغفر الله ذنوب عبده ليا خطأ وهل تغفرون؟؟


الابيات منقووولة لانها حلوووه

سؤالي ليكم هو::
اولا:هل تحكم على الناس من اول موقف يحدث بينك وبين شخص ثاني؟؟

ثانيا:ولا بعد عدة مواقف ترجع لاول موقف حدث؟؟

ولا ليك رأي ثالث؟؟

واهلا وسهلا بالجميع..



محبتكم في الله

عطر الدموع